BA

Cysylltiadau Rhyngwladol a Newid Hinsawdd (gyda blwyddyn integredig mewn diwydiant)

BA Cysylltiadau Rhyngwladol a Newid Hinsawdd (gyda blwyddyn integredig mewn diwydiant) Cod 37LF Dewch i Ddiwrnod Agored Dewch i Ddiwrnod Agored

Ymgeisio Nawr

Prif Ffeithiau

37LF

  • Tariff UCAS

    120 - 96

  • Hyd y cwrs

    4 blynedd

  • Cyfrwng Cymraeg

    76%

Manylion pellach ynglŷn â'r gofynion mynediad

Ymgeisio Nawr

Newid Hinsawdd yw’r her fwyaf sylweddol a chymhleth sy’n wynebu ein systemau cymdeithasol, gwleidyddol ac economaidd. Mae gwleidyddiaeth ryngwladol yn allweddol i ddeall y cymhlethdod hwn ac i wynebu’r argyfwng byd-eang.

Trwy astudio’r cynllun gradd hwn byddwch yn cael cyflwyniad amlddisgyblaethol i wleidyddiaeth newid hinsawdd, gan ystyried y ffyrdd y mae gwladwriaethau a chymdeithasau yn ymrafael i reoli adnoddau a systemau ecolegol y ddaear. Cewch hefyd gyfle, trwy gyfrwng efelychiadau, i astudio’r prosesau trafod a phenderfynu cymhleth sy’n rhan o lywodraethiant rhyngwladol newid hinsawdd heddiw.

Dyma rai o’r cyfleoedd sydd ar gael i fyfyrwyr Cysylltiadau Rhyngwladol a Newid Hinsawdd yn Aberystwyth:

  • cymryd rhan yn ein ‘Gemau Argyfwng’ enwog - ymarferion chwarae rôl dros dri diwrnod sy’n ymdrin ag ymarferion gwleidyddol, economaidd a diplomyddol a fydd yn datblygu’ch sgiliau trafodaeth a chyfathrebu, meddwl yn feirniadol, gweithio’n rhan o dîm, a datrys problemau
  • cymryd rhan yn ein Cynllun Lleoliadau Seneddol, sy’n gyfle ichi ennill profiad hynod werthfawr ochr yn ochr ag Aelod Seneddol (Tŷ’r Cyffredin, San Steffan) neu Aelod Senedd Cymru (Senedd Cymru, Caerdydd) am gyfnod o bedair i chwe wythnos yn ystod yr haf.


Trosolwg o'r Cwrs


Ein Staff

Mae pob un o ddarlithwyr yr Adran Gwleidyddiaeth Ryngwladol yn ymchwilwyr gweithgar ac mae ganddynt gymwysterau hyd at safon PhD, ac mae gan y rhan fwyaf hefyd TUAAU.

Gyrfaoedd

Mae Cyflogadwyedd wedi’i wreiddio yn ein holl gyrsiau. Mae ein graddau’n darparu sylfaen gadarn i amrywiaeth fawr o yrfaoedd ar draws ystod o sectorau. Mae ein graddedigion yn hyblyg ac yn gallu dibynnu ar set o sgiliau trosglwyddadwy mewn economi fyd-eang sy’n newid yn gyflym, sy’n sicrhau bod galw mawr amdanynt. Mae graddedigion y cwrs hwn wedi cael gwaith yn: y sector datblygu; gwleidyddiaeth leol a chenedlaethol; y Gwasanaeth Sifil; ymchwil y Llywodraeth; ymchwil gymdeithasol; y Trydydd Sector, ee cyrff anllywodraethol; a newyddiaduraeth, ymhlith eraill.

Dysgu ac Addysgu

Y flwyddyn gyntaf:

  • Cyflwyniad i Wleidyddiaeth Ryngwladol: Cysyniadau Canolog a Sgiliau Craidd/Exploring the International: Central Concepts and Core Skills
  • Globaleiddio a Datblygiad Byd-eang/Globalisation and Global Development
  • Newid Hinsawdd: Effeithiau, Canfyddiadau, Addasiadau/Climate Change: Impacts, Perceptions, Adaptations
  • The Science of Climate.

Yr ail flwyddyn:

  • Llywodraethiant Newid Hinsawdd: Modiwl Efelychiad/The Governance of Climate Change: Simulation Module
  • Cysylltiadau Rhyngwladol: Safbwyntiau a Thrafodaethau/International Relations: Perspectives and Debates.

Y flwyddyn olaf:

  • Traethawd Hir/Dissertation.

Dyma rai o’r modiwlau dewisol y gallwch eu hastudio:

  • International Politics in the Anthropocene
  • People, Progress, Environment: Theories and Histories of Environmental Politics
  • Refugee Simulation
  • International Politics and Global Development
  • Global Inequality and World Politics
  • Contemporary Security: Theories and Threats.


Gofynion Mynediad Nodweddiadol

Tariff UCAS 120 - 96

Safon Uwch BBB-CCC

Gofynion TGAU (o leiaf gradd C/4):
Cymraeg neu Saesneg

Diploma Cenedlaethol BTEC:
DDM-MMM

Bagloriaeth Ryngwladol:
30-26

Bagloriaeth Ewropeaidd:
75%-65% overall

Mae'r Brifysgol yn croesawu ceisiadau israddedig gan fyfyrwyr sy'n astudio'r Diploma Mynediad i Addysg Uwch neu gymwysterau lefel T, ar yr amod eu bod yn cyflawni'r canlyniadau perthnasol o ran cynnwys y pwnc a'r dysgu. Ni allwn dderbyn Diplomâu Mynediad i Addysg Uwch na lefelau T fel cymhwyster cyffredinol ar gyfer pob cwrs gradd israddedig.
Mae ein polisi derbyn cynhwysol yn rhoi gwerth ar ehangder yn ogystal â dyfnder yr astudio. Dewisir ymgeiswyr ar sail eu teilyngdod eu hunain a gall cynigion amrywio. Os hoffech wirio a yw eich cymwysterau yn gymwys cyn cyflwyno cais, cysylltwch â'r Swyddfa Derbyn Israddedigion am gyngor ac arweiniad.

Yn ôl i'r brig

|