Cymdeithas a Gofod

Prif Ffeithiau

Cod Cwrs 198L

Cymhwyster

MA
Hyd y cwrs

1 flwyddyn

Ar gael ar gyfer Dechrau Medi 2025

Mae’r MA Cymdeithas a Lle yn rhoi hyfforddiant uwch mewn arferion a damcaniaethau ymchwil, a methodoleg ansoddol a meintiol. Fe’i cynlluniwyd fel porth penodol at ymchwil yn y gwyddorau cymdeithasol, gan archwilio sut mae meddylwyr allweddol wedi deall themâu megid gofod, lle, cymdeithas, cymuned, cenedl, symudedd a phŵer, yn ogystal â rhoi hyfforddiant manwl ar ddulliau a fframweithiau moesegol sy’n sail i ymchwil yn y gwyddorau cymdeithasol.

Byddwch yn datblygu ymwybyddiaeth o drafodaethau polisi, safbwyntiau moesegol, moesol a chyfreithiol, ac ymagweddau ymarferol, athronyddol, epistemegol a damcaniaethol at y gwyddorau cymdeithasol sy’n ymwneud â gofod. Byddwch hefyd yn datblygu sgiliau ymchwil yn y gwyddorau cymdeithasol trwy ddilyn modiwlau hyfforddi arbenigol. Yna byddwch yn eu cymhwyso i gyd i’ch prosiect ymchwil ymarferol eich hun.

Bydd myfyrwyr yn cwblhau modiwlau arbenigol mewn daearyddiaeth ddynol a disgyblaethau cytras, ac yn cyfranogi mewn ysgolin theori a dulliau gyda myfyrwyr o brifysgolion Caerdydd ac Abertawe. Gall myfyrwyr ddisgwyl bod yn rhan o gymuned uwchraddedig egnïol a chymryd rhan yn niwylliant ymchwil gweithgar a chynhwysol yr Adran.

Gofynion Mynediad Nodweddiadol

Gofynion Mynediad A good 2:2 Bachelors (Honours) degree in a relevant subject area, or equivalent. Non-graduates will be considered individually based on relevant work experience.

Gofynion Iaith Saesneg IELTS 7.0 with minimum 6.0 in each component, or equivalent

Gofynion Eraill Applicants are encouraged to submit an up-to-date CV as part of their application.

Yn ôl i'r brig

Ffioedd a Chyllid

Course Fees:

Please see the tuition fee pages for current tuition fees. Please note that all fees are subject to an annual increase.

Funding:

Funding opportunities may be available; please check our funding calculator for details.

Trosolwg o'r Cwrs

Mae’r cwrs yn llwybr hyfforddi a gydnabyddir gan Bartneriaeth Hyfforddi Doethurol ESRC Cymru, sy’n golygu y gallai myfyrwyr fod yn gymwys i ymgeisio am gyllid cystadleuol 1+ 3 i gwmpasu’r flwyddyn MA a PhD, neu gyllid +3 ar gyfer PhD dilynol.
Mae’r cwrs yn darparu hyfforddiant arloesol a thraws-sefydliadol gydag Ysgol Theori ac Ysgol Dulliau’n cael eu cyflwyno ar y cyd ag adrannau Daearyddiaeth prifysgolion Caerdydd ac Abertawe.
Cyfle i gymryd rhan mewn dau grŵp ymchwil pwysig (y Grŵp Ymchwil Daearyddiaeth Ddiwylliannol a Hanesyddol a’r Grŵp Ymchwil Daearyddiaeth Wleidyddol Newydd) sy’n cynnwys arbenigwyr sy’n arwain neu sy’n cyfrannu’n rheolaidd at drafodaethau rhyngwladol.
Cyfle i rwydweithio a chynyddu eich profiad proffesiynol trwy seminarau gwadd rheolaidd yr adran a’r ysgol theori breswyl (a gynhelir ar y cyd â phrifysgolion Caerdydd ac Abertawe.

Ynglŷn â’r Cwrs Yma

Gwahoddwn geisiadau gan fyfyrwyr o amrywiol gefndiroedd, gan gynnwys daearyddiaeth, cymdeithaseg, anthropoleg, hanes, gwleidyddiaeth, gwyddor amgylcheddol, twristiaeth a disgyblaethau eraill yn y dyniaethau a’r gwyddorau cymdeithasol. Byddai’r radd hefyd yn addas i fyfyrwyr â chefndir yn y gwyddorau naturiol neu ffisegol (e.e. daearyddiaeth ffisegol) sy’n dymuno ailhyfforddi yn y gwyddorau cymdeithasol.

Gellir ymgeisio ar-lein trwy ymweld â’n Porth Ymgeisio Uwchraddedig, neu fel arall (trwy’r post neu e-bost). Gweler y dudalen Sut i Ymgeisio i gael mwy o fanylion.

Hyd:

1 flwyddyn amser llawn.

Mae'r flwyddyn academaidd (Medi i Fedi) wedi'i rhannu'n dri semester: Medi i Ionawr; Ionawr i Fehefin; Mehefin i Fedi.

Amser Cyswllt:

Ar gyfartaledd tua 8-10 awr yr wythnos yn y ddau semester cyntaf. Yn ystod y trydydd semester byddwch yn trefnu lefel y cyswllt gyda’r arolygydd a neilltuir i chi.

Modiwlau Dechrau Medi - 2025

Noder: Y modiwlau a restrir isod yw'r modiwlau y bwriedir eu cyflwyno ar hyn o bryd yn ystod y flwyddyn academaidd nesaf ac mae'n bosibl y gallant newid. Maent wedi'u cynnwys yma i roi syniad o strwythur y cwrs.

Modiwlau Craidd

Teitl y Modiwl	Cod y Modiwl	Gwerth Credyd
MA Dissertation	GGM2860	60
Key Concepts and Debates in Study of Society and Space	GGM0020	20
Principles of Research Design	PGM0210	10
Qualitative Data Collection and Analysis (0720)	PGM0720	20
Quantitative Data Collection and Analysis (for social scientists)	PGM1010	10
Theory in Society and Space	GGM0320	20

Opsiynau

Teitl y Modiwl	Cod y Modiwl	Gwerth Credyd
Behaviour Change in a Changing Environment	EAM4420	20
Class and Community in Wales 1850 - 1939	WHM1220	20
Concepts and Sources in Heritage Studies	HYM5120	20
Critical Security Studies: Contemporary Theories	IPM1120	20
Ecocriticism and Ecocinema	TFM0920	20
Indigenous Politics	IPM0620	20
International Politics	IPM1920	20
Landownership and Society in Wales	WHM1120	20
Representations of the Holocaust 1945-2020	HYM6320	20
Science, Place and Victorian Culture	HYM6220	20
The Making of Wales	WHM1920	20

Gyrfaoedd

Fydd y cwrs yn paratoi myfyrwyr am yrfaoedd mewn asiantaethau llywodraethol, cyrff cyhoeddus, athrofeydd ymchwil a chwmnïau ymgynghori preifat, neu i gynnal ymchwil ar lefel ddoethurol.

Bydd myfyrwyr sy’n graddio o’r cwrs wedi sicrhau lefel uchel o gymhwysedd mewn:

cynllunio ymchwil
casglu data
dadansoddi data
cysyniadau a thrafodaethau allweddol yn y gwyddorau cymdeithasol a’r dyniaethau gofodol.

Mae ein graddedigion wedi mynd ymlaen i amrywiaeth eang o lwybrau gyrfa:

Ymgynghoriaeth ymchwil cymdeithasol ac economaidd
Ymgynghoriaeth Ymchwil Strategol
Marchnata a Datblygu Strategaeth
Swyddi cynllunio ar draws amrywiol sectorau’r farchnad
Rheolwr gweithrediadau technoleg gwybodaeth
Llywodraeth leol a chenedlaethol
Y Gwasanaeth Sifil
Bancio rhyngwladol, buddsoddi a phreifat
Y byd academaidd
Dysgu.

Bydd y rhaglen yn cyfoethogi eich:

Sgiliau cyfathrebu
Sgiliau ymchwil ac astudio
Dadansoddi beirniadol a gwerthuso
Sgiliau rheoli prosiect a datrys problemau
Gwybodaeth, sgiliau a chymwyseddau penodol i bwnc
Gallu i strwythuro a chyfleu syniadau cymhleth yn effeithlon.

Dysgu ac Addysgu

Sut fyddaf i’n dysgu?

Gellir astudio’r cwrs naill ai dros flwyddyn amser llawn neu ddwy flynedd yn rhan amser. Rhennir y flwyddyn academaidd yn dri semester. Pan fydd myfyrwyr yn astudio amser llawn, byddant yn cwblhau elfen addysgu’r cwrs yn semestrau un a dau, a gyflwynir trwy gyfuniad o seminarau, darlith-seminarau a thiwtorialau. Bydd myfyrwyr sy’n dilyn y cwrs hefyd yn mynychu ysgol theori, cyfres seminarau a darlithoedd gwadd a gynigir yn yr Adran. Yn ystod y semester olaf, bydd myfyrwyr yn cwblhau traethawd hir arbenigol dan arweiniad arbenigol arolygydd y traethawd hir.

Beth fyddaf i’n ei ddysgu?

Yn y ddau semester cyntaf, byddwch yn dilyn nifer o fodiwlau craidd a dewisol, gyda chyfanswm o 120 o gredydau. Trwy’r modiwlau hyn byddwch yn datblygu ymwybyddiaeth o’r themâu allweddol a’r trafodaethau polisi mewn daearyddiaeth ddynol a phynciau cytras fel cymdeithaseg, gan gynnwys trafodaethau moesegol yn ymwneud ag ymchwil yn y gwyddorau cymdeithasol, a gwahanol agweddau ymarferol, athronyddol, epistemolegol a damcaniaethol at y gwyddorau cymdeithasol. Byddwch hefyd yn datblygu sgiliau ymchwil trwy ddilyn modiwlau hyfforddiant ymchwil. Yn y semester olaf byddwch yn cymhwyso eich dysgu yn y traethawd hir unigol werth 60 credyd arall.

Sut caf i fy asesu?

Gan ddibynnu ar y modiwlau a ddewisir, gellir asesu trwy gyfuniad o draethodau, adroddiadau, cyflwyniadau, cynigion ymchwil, dyddiaduron adfyfyriol, beirniadaeth ymchwil, adolygiadau llenyddiaeth, argymhellion polisi, a thrafodaethau seminar. Byddwch hefyd yn cyflwyno traethawd hir lefel Meistr ar ddiwedd y flwyddyn academaidd.

Cymhwyster

Hyd y cwrs