Cysylltiadau Rhyngwladol (Arbenigol)

Ar ein cwrs MA Cysylltiadau Rhyngwladol, fe ddewch yn gyfarwydd â meddylfryd Cysylltiadau Rhyngwladol sydd ar flaen y gad, gan gynnwys meddylfryd ôl-Orllewinol, gwleidyddiaeth blanedol, dulliau rhywedd a gwleidyddiaeth gwybodaeth mewn ymarfer rhyngwladol. Rydym yn cymryd cysyniadau sylfaenol megis anarchiaeth, sofraniaeth a phŵer, ac yn eu dadansoddi drwy syniadau dad-drefedigaethol, dulliau ffeministaidd neu feddylfryd Anthroposen. Byddwn yn ystyriwn pa agendâu a chysylltiadau pŵer y mae meddylfryd Cysylltiadau Rhyngwladol confensiynol yn eu gwasanaethu, ac yn dadlau a yw'n addas i'w ddiben mewn byd sy’n mynd yn fwy ansicr?

Ar hyn o bryd, mae gwleidyddiaeth ryngwladol yn sefyll ar gyrion argyfyngau amryfal sy’n gorgyffwrdd. Bydd eich astudiaethau MA yn Aberystwyth yn darparu'r adnoddau damcaniaethol ac empirig i'ch helpu i ddeall y sefyllfa fyd-eang ansicr hon. Byddwch yn cymhwyso eich meddyliau a'ch syniadau annibynnol eich hun i faterion megis gwrthdaro a diogelwch, newid yn yr hinsawdd, trafodaethau rhyngwladol, a'r argyfwng ffoaduriaid byd-eang. Gan elwa o'n harweiniad arbenigol, bydd eich astudiaethau MA yn dod i benllanw gyda thraethawd hir a ymchwiliwyd yn annibynnol, cyfle i chi gyfuno eich sgiliau beirniadol a'ch gwybodaeth gysyniadol i ystyried y cwestiynau mwyaf taer sy'n wynebu ein byd heddiw.

Hyd:

1 flwyddyn amser llawn.

Mae'r flwyddyn academaidd (Medi i Fedi) wedi'i rhannu'n dri semester: Medi i Ionawr; Ionawr i Fehefin; Mehefin i Fedi.

Ffioedd y Cwrs:

Gweler y tudalennau ffioedd dysgu i weld y ffioedd dysgu cyfredol. Noder bod yr holl ffioedd yn amodol ar gynnydd blynyddol.

Cyllid:

Efallai y bydd cyfle ichi gael cyllid. Edrychwch ar ein cyfrifiannell cyllid i gael manylion.

Mae llawer o yrfaoedd yn agored i’n graddedigion. Mae graddedigion blaenorol yr Adran hon wedi mynd ymlaen i weithio:

• yn y sector datblygu 
• mewn gwleidyddiaeth leol a chenedlaethol
• yn y Gwasanaeth Diplomyddol 
• yn y Gwasanaeth Sifil 
• ar gyfer Cyrff Anllywodraethol 
• gyda sefydliadau rhyngwladol
• fel newyddiadurwyr 
• ym myd academaidd 
• fel ymchwilwyr llywodraethol a chymdeithasol 
• ar gyfer Swyddfeydd Tramor 
• yn y fyddin 
• mewn swyddi arwain ym myd busnes/diwydiant (Prif Swyddogion Gweithredol/Cadeiryddion) 
• fel cynorthwywyr gwleidyddol, fel athrawon, cyfreithwyr a chyfrifwyr.

Sgiliau trosglwyddadwy

Mae'r radd Meistr hon yn pwysleisio pwysigrwydd datblygu sgiliau ymchwil, ysgrifennu a dadansoddi cryf, yn ogystal â'r gallu i weithio'n annibynnol - mae’r rhain yn rhinweddau y mae cyflogwyr yn rhoi pwys mawr arnynt. Mae Gradd Meistr hefyd yn ddelfrydol ar gyfer myfyrwyr â’u bryd ar gynnal ymchwil PhD. Bydd yr MA hwn yn eich grymuso i: 

• ddatblygu eich galluoedd wrth roi trefn ar syniadau cymhleth yn effeithlon, a’u cyfathrebu’n effeithlon 
• ysgrifennu ar gyfer amrywiaeth o gynulleidfaoedd, a siarad â’r cynulleidfaoedd hynny 
• cloriannu a threfnu gwybodaeth 
• cydweithio'n effeithiol ag eraill 
• gweithio o fewn amserlenni penodol.

Llwybrau

Mae MA Gwleidyddiaeth Ryngwladol ar gael fel gradd llwybr hyfforddiant ymchwil neu arbenigol. Mae myfyrwyr sy'n astudio'r llwybr Arbenigol yn dilyn astudiaeth uwch yn benodol i bwnc, drwy fodiwl craidd a nifer o fodiwlau opsiynol, ynghyd â thraethawd hir. Mae'r rhai sydd ar lwybr Hyfforddiant Ymchwil yn dewis cyfres o fodiwlau hyfforddiant ymchwil yn lle rhai o'r modiwlau dewisol.

Sut fydda i'n cael fy nysgu?

Yn ystod y ddau semester cyntaf (Medi i Fai), bydd gennych fel arfer un seminar 2 awr fesul modiwl yr wythnos. Bydd gennych hefyd gyswllt â staff academaidd wrth ichi gymryd rhan mewn grwpiau ymchwil, seminarau ymchwil yr Adran, gweithdai Meistr a thrwy’r oriau cyswllt â’r staff (dwy sesiwn awr eu hyd bob wythnos). Bydd sesiynau ychwanegol hefyd yn gweithio tuag at ddatblygu eich traethawd hir. Yn ystod y trydydd semester byddwch yn pennu faint o amser y byddwch yn ei dreulio â’r sawl sy’n arolygu eich traethawd hir. 

Beth fydda i'n ei ddysgu?

International Politics: Theories and Concepts: Archwilio cysyniadau 'clasurol' mewn Cysylltiadau Rhyngwladol, megis yr anghytuno ynghylch ystyron anarchiaeth, sofraniaeth, pŵer a diogelwch, yn ogystal â swyddogaeth trefedigaethedd, yr amgylchedd, a rhywedd. Rhoddir sylw i anghysondeb a gwahaniaethau ystyr a dadogir i gysyniadau craidd, y canlyniadau gwleidyddol, moesegol, ymarferol a methodolegol sy'n deillio o'r cysyniadau a ddefnyddiwyd, a swyddogaeth dyfeisgarwch cysyniadol wrth astudio materion ar bynciau deinamig ac amrywiol.

Byddwch hefyd yn dewis o blith casgliad o fodiwlau, sydd ar hyn o bryd yn cynnwys:

• Global Challenges and the Future of International Relations Theory
• Post-Western International Relations
• Indigenous Politics: Challenging the Global Order?
• Middle Powers and the Liberal Order
• Fear, Cooperation and Trust in World Politics
• The International Politics of Conflict Knowledge
• The EU in Crisis? Integration and Fragmentation.

Asesu

Bydd yr asesu’n digwydd drwy gyfuniad o draethodau, gwaith project, adroddiadau byr, adolygiadau llyfrau a thraethawd hir. Gan ddibynnu ar y modiwlau a ddewiswyd, gall yr asesu gynnwys cyflwyniadau seminar, traethodau adolygu a chwiliadau llenyddiaeth.