Cymdeithaseg a Gwleidyddiaeth

Ar y cwrs hwn, byddwch yn dysgu sut i edrych ar y byd mewn ffordd feirniadol, a sut mae gwleidyddiaeth yn ymwneud â’r gallu i newid bywydau. Ond yn fwy na hynny, byddwch yn astudio’r berthynas rhwng pob un ohonom - yn unigolion ac yn rhan o gymdeithas, o gymunedau a sefydliadau.

Dyma rai o’r cyfleoedd sydd ar gael i fyfyrwyr Cymdeithaseg a Gwleidyddiaeth yn Aberystwyth:

• cael profiad o astudio Cymdeithaseg â’r pwyslais ar weithio yn y maes, gydag ymarferion maes yn cael eu cynnwys mewn modiwlau darlith, a modiwl Cymdeithaseg penodol yn y maes yn yr ail flwyddyn
• dysgu sut i ddefnyddio’r cysyniadau allweddol sy’n gysylltiedig â Chymdeithaseg mewn sefyllfaoedd go iawn, a datblygu eich sgiliau cyflogadwyedd
• ymwneud yn feirniadol â dadleuon am faterion allweddol mewn gwleidyddiaeth, fel llywodraeth dda, natur y wladwriaeth, cyfiawnder a hawliau, a threfn y gyfraith
• dysgu sut i ddefnyddio dulliau damcaniaeth wleidyddol i ddadansoddi’r ffurfiau gwahanol o wleidyddiaeth a llywodraeth mewn gwahanol wladwriaethau a chymdeithasau
• myfyrio ar y ffyrdd mae gwladwriaethau a chymdeithasau yn ymateb i broblemau cymdeithasol, megis dosbarthiad a mynediad i adnoddau prin, cydbwyso trefn a chyfiawnder a rhyddid a diogelwch.

Ein Staff

Yr Adran Daearyddiaeth a Gwyddorau Daear: mae gan bob un o'r darlithwyr gymhwyster hyd at safon PhD neu maent yn gweithio tuag at PhD.

Mae pob un o ddarlithwyr yr Adran Gwleidyddiaeth Ryngwladol yn ymchwilwyr gweithgar ac mae ganddynt gymwysterau hyd at safon PhD, ac mae gan y rhan fwyaf hefyd TUAAU.

Dyma’r modiwlau y mae’n bosibl y byddwch yn eu hastudio ar y cwrs hwn.

Y flwyddyn gyntaf:

• Y Tu Ôl i’r Penawdau/Behind the Headlines
• Cyflwyniad i Wleidyddiaeth Ryngwladol 1: Cysyniadau Canolog a Sgiliau Craidd/Exploring the International 1: Central Concepts and Core Skills
• Key Concepts in Sociology
• Place and Identity
• Gwleidyddiaeth yn yr Unfed Ganrif ar Hugain/Politics in the 21st Century
• Understanding Sameness and Difference.

Yr ail flwyddyn:

• Introduction to Social Theory
• Pobl a Grym: Deall Gwleidyddiaeth Gymharol Heddiw/People and Power: Understanding Comparative Politics Today
• Quantitative Data Analysis
• Ymchwilio i Bobl a Lle/Researching People and Place
• Understanding (in)equality and (in)justice.

Y drydedd flwyddyn:

• Everyday Social Worlds.
• Traethawd Hir Cymdeithaseg/Sociology Dissertation.

Dyma rai o’r modiwlau dewisol y gallwch eu hastudio i ddatblygu eich diddordebau arbenigol:

• Gender and the Media
• Lleoli Gwleidyddiaeth/Placing Politics
• Urban Sociology in Practice.

Bydd graddedigion y radd BSc Cymdeithaseg a Gwleidyddiaeth mewn sefyllfa dda i ddod o hyd i waith mewn amrywiaeth o feysydd megis y sector datblygu, llywodraeth leol a chenedlaethol, y gwasanaeth sifil, gwaith a pholisi cymdeithasol, y trydydd sector, gwaith mewn sefydliadau rhyngwladol, cysylltiadau cyhoeddus a newyddiaduraeth, dysgu a rheoli.