PhD

Cyfrifiadureg

Prif Ffeithiau

Cod Cwrs G4313

  • Cymhwyster

    PhD

  • Hyd y cwrs

    3 blynedd

Ar gael ar gyfer Dechrau Medi 2025

Ymgeisio Nawr

Mae'r Adran Gyfrifiadureg ym Mhrifysgol Aberystwyth yn adran gyfrifiadurol flaenllaw yng Nghymru ac yn un o’r prif adrannau ymchwil ac addysgu yn y DU.

Rydym yn adran gyfrifiadureg sy'n cael ei gyrru gan ymchwil, gyda grwpiau ymchwil ym meysydd Roboteg Ddeallusol; Gweld, Graffeg a Delweddu; Ymresymu Datblygedig; a Biowybodeg a Gwybodeg Iechyd. Mae’r holl grwpiau yn ymchwilio ac yn datblygu technegau a ffyrdd o gymhwyso systemau deallus lle’r ydym yn mynd ati i annog cydweithio’n agos rhwng grwpiau, fel bod ymchwil yr Adran yn cael ei gydlynu’n agos iawn. 

Mae gradd PhD mewn Cyfrifiadureg yn gyfle i ymdrin â maes ymchwil yn fanwl, gyda chefnogaeth goruchwylwyr o'n grwpiau ymchwil arbenigol. Mae tua 20 o fyfyrwyr yn dilyn rhaglenni ymchwil uwchraddedig yn yr Adran ar hyn o bryd, yn gweithio ochr yn ochr â darlithwyr a chymdeithion ymchwil mewn cymuned ymchwil fywiog ac integredig.

Gall grantiau gan Gynghorau Ymchwil a ffynonellau eraill fod ar gael drwy'r Adran.

Gofynion Mynediad Nodweddiadol

Gofynion Mynediad Gradd Baglor (Anrhydedd) 2:1 neu gyfatebol mewn maes pwnc perthnasol.

Gofynion Iaith Saesneg IELTS 6.0 with minimum 5.5 in each component, or equivalent

Gofynion Eraill Dylai ymgeiswyr gyflwyno cynnig ymchwil llawn yn rhan o'r broses ymgeisio

Yn ôl i'r brig

Ffioedd a Chyllid

Course Fees:

Please see the tuition fee pages for current tuition fees. Please note that all fees are subject to an annual increase.

Funding:

Funding opportunities may be available; please check our funding calculator for details.

Trosolwg o'r Cwrs

Mae aelodau o staff bob amser yn hapus i drafod rhaglenni ymchwil PhD posibl gyda graddedigion cymwys.

Fel arfer cynigir goruchwyliaeth PhD mewn meysydd sy'n cyd-fynd â'n grwpiau ymchwil:

Mae gennym hefyd arbenigedd sylweddol a gydnabyddir yn eang mewn Peirianneg Meddalwedd a Thechnoleg Rhwydweithiau. Mae ein cydweithredwyr diwydiannol yn cynnwys Ford, Jaguar Cars, Unilever, Daimler Benz, Integral Solutions Ltd., Costain a Glaxo.

Mae gennym lyfrgell Gwyddorau Ffisegol pwrpasol ar y campws sy'n gartref i ddeunydd ymchwil rhagorol ar gyfer astudio mathemateg, ffiseg a chyfrifiadureg.

Rhaglen Datblygu Ymchwilwyr

Mae Aberystwyth wedi ymrwymo i ddarparu lefel addas o hyfforddiant i'w holl fyfyrwyr uwchraddedig. Yn rhan o’r ymrwymiad hwn mae’r Brifysgol wedi sefydlu rhaglen gyda’r nod o helpu myfyrwyr i ddatblygu’r sgiliau sy’n angenrheidiol i gwblhau eu graddau ymchwil yn llwyddiannus yn ogystal â gwella eu cyflogadwyedd ar gyfer y dyfodol. O'r herwydd, bydd yr holl fyfyrwyr ymchwil uwchraddedig yn ymgymryd â rhai modiwlau hyfforddiant ymchwil a ddarperir gan y sefydliad yn rhan o’r Rhaglen Datblygu Ymchwilwyr.

Ynglŷn â’r Cwrs Yma

Anogir y rhai sydd â diddordeb mewn astudio PhD i gysylltu â'r adran fel y gellir datblygu pwnc ymchwil hyfyw trwy drafod gydag aelodau staff sydd â diddordebau ymchwil perthnasol. Mae aelodau'r adran bob amser yn hapus i ystyried cynigion ymchwil sy'n ymwneud â'u diddordebau ymchwil. 

I wneud cais am le ar y rhaglen PhD, bydd angen i chi baratoi cynnig ymchwil, datganiad personol, llenwi ffurflen gais a darparu dau eirda. Gweler y tudalennau Gwneud Cais am ragor o fanylion.

Cyswllt:

I drafod prosiectau ymchwil posibl, cysylltwch â'r Adran ar cs-office@aber.ac.uk.

I gael rhagor o wybodaeth am y broses ymgeisio, cysylltwch â'r Swyddfa Derbyn Graddedigion ar derbyn-uwchraddedig@aber.ac.uk  neu +44 (0) 1970 622270.

Mae ein myfyrwyr PhD wedi mynd yn eu blaenau i weithio mewn swyddi ymchwil, swyddi academaidd, ym maes addysgu ac mewn diwydiant. 

|