Cynhyrchu Ffilm

Pam astudio ym Mhrifysgol Aberystwyth?

• Cewch gylle i fwynhau cwrs Meistr a fydd yn eich ysgogi ac yn eich helpu i ddeall holl agweddau ar gynhyrch ffilmiau ac yn eich galluogi i wneud penderfyniadau allweddol ar sail gwybodaeth am werth a chost - rhywbeth sy'n hanfodol i lwyddiant ariannol unrhyw ffilm.
• Cewch ddysgu gan arbenigwyr sy'n arwain yn y diwydiant. Byddwn yn gwahodd gweithwyr proffesiynol o'r diwydiant i gynnal dosbarthiadau meistr yn yr adran, gan roi ichi gyfle gwych i greu cysylltiadau - rhywbeth na all unrhyw brifysgol arall yn y DU ei gynnig.
• Bydd y cwrs hwn yn eich paratoi am yrfa yn y diwydiant ffilm, a chynhyrchu ffilmiau yn benodol.
• Rydym wedi creu theatr berfformio, dybio a graddio a fydd yn eich galluogi i gynhyrchu, cwblhau a dangos eich gwaith cynhyrchu ffilm mewn amgylchedd proffesiynol sy'n sicrhau eich bod yn cael y canlyniadau gorau.
• Mae gennym ni gytfleusterau gwych yn yr adran sy'n cynnwys adnoddau ar gyfer gwaith ymarferol mewn ffilm a theledu: tair stiwdio berfformio â chyfarpar cyflawn; stiwdio deledu ac oriel; labordy ffilm analog; tair ystafell ymarfer fawr â chyfarpar cyflawn; cyfarpar gwisgoedd a wardrob; stiwdio senograffeg benodol; y tirlun lleol - adnodd sy'n ysbrydoli'n greadigol.
• Mae'r Archif Sgrin a Sain yn Llyfrgell Genedlaethol Cymru yn cynnig adnodd wych sy'n berthnasol i Gymru a'i phobl.
• Mae Canolfan y Celfyddydau, Aberystwyth, sydd wedi'i lleoli ar y campws, yn lle poblogaidd i fwynhau perfformiadau a sioeau o bob math.

Mae’r MA yn cyfuno ymarfer ym maes ffilm sy’n seiliedig ar yr agwedd ddamcaniaethol, sgiliau technegol a meddwl yn feirniadol, gan roi’r cyfle ichi ddatblygu gwaith cynhyrchu o safon uchel, yn ogystal â dod i werthfawrogi crefft, hanes a chyd-destun proffesiynol ehangach creu ffilmiau. Y nod yw ysgogi creadigrwydd a sefydlu dealltwriaeth a gwybodaeth systematig trwy gyfrwng cyfuniad o’r damcaniaethol a’r ymarferol, yn ogystal â meithrin y cymwyseddau a’r gallu hanfodol sy’n ofynnol gan gyflogwyr allweddol yn y diwydiant a chan y sector cynhyrchu annibynnol.

Cefnogir y cwrs Meistr hwn gan banel o bobl o'r diwydiant sydd â phrofiad eang yn eu priod feysydd. Byddant yn goruchwylio agweddau o'r cwrs sy'n gofyn am arbenigedd, yn cynnwys ym maes cynhyrchu ffilm.

Mae'r panel yn cynnwys y canlynol:

• Julie Baines, Cynhyrchydd
• Simon Moseley, Cynhyrchydd Llinell
• Colin Nicolson, Cynhyrchydd/Recordydd Sain
• Suzanna Wyatt, Cyfrifydd Cynhyrchiant a chyn bennaeth Cynhyrchu yn Pathé
• Simon West, Cyfarwyddwr
• John Stephenson, Cyfarwyddwr
• Sheila Fraser Milne, Gwarantwr Cwblhau
• Patrick Fischer, Cyfryngau Creadigrwydd
• Hannah Leader, Cyfreithiwr y Cyfryngau/Cynhyrchydd
• Allison Small, Prif Weithredwr Production Guild of the UK.

Wedi ichi gwblhau'r cwrs hwn, gallech gael gwaith yn y meysydd canlynol:

• cynhyrchu
• cyfarwyddo
• cyfarwyddo cynorthwyol
• gwaith ôl-gynhyrchu.

Beth fydda i'n ei ddysgu?

Ar yr MA Cynhyrchu Ffilm byddwch yn dysgu sut mae cynhyrchwyr yn negodi'r berthynas rhwng cost a gwerth ac yn dod i ddeall pwysigrwydd y berthynas honno i lwyddiant ffilm yn y farchnad o safbwynt artistig ac ariannol. Bydd y cwrs hefyd yn eich galluogi i feistroli'r casgliad di-rif o sgiliau sy'n gysylltiedig â chynhyrchu ffilm: cyllido, cyfrifeg ariannol, rhaglennu, cyfathrebu, negodi, cyfraith y cyfryngau, gwerthiant, marchnata a dosbarthu.

Mae'r sgiliau trosglwyddadwy hyn yn hanfodol i waith cynhyrchydd llwyddiannus ac wrth galon y radd MA unigryw hon.

Sut bydda i'n cael fy addysgu?

Bydd y cwrs yn rhedeg dros un flwyddyn academaidd wedi'i rhannu'n dri semester, a byddwch yn astudio'r modiwlau canlynol:

• Semester 1 - Film Producing, Case Studies in Film History, Aspects of Media Law
• Semester 2 - Film Producing (parhad), Film Distribution and Exhibition, Financial Analysis and Decision Making
• Semester 3 - Prosiect Cynhyrchu Ffilm/Film Production Project.

Yn y gwaith prosiect, fe'ch asesir ar y gwaith o gynhyrchu'r ffilm yn hytrach na chreu'r ffilm a bydd hyn wedi'i nodi'n glir yn y meini prawf.

Cyfrifoldeb y Cynhyrchydd fydd dod â'r holl elfennau ynghyd i sicrhau llwyddiant cyffredinol i'r ffilm yn ogystal â chofnodi'r broses o greu'r ffilm ac ysgrifennu traethawd myfyriol.