Gwyddor Chwaraeon ac Ymarfer Corff

Mae Adran y Gwyddorau Bywyd ym Mhrifysgol Aberystwyth yn cynnig nifer o gyfleoedd ymchwil mewn gwahanol feysydd yn ymwneud â Gwyddor Chwaraeon ac Ymarfer Corff.

Mae staff yn ymgymryd ag ymchwil yn y gwyddorau chwaraeon ac ymarfer corff ac yn darparu gwasanaethau ymgynghori i unigolion a sefydliadau yng Nghymru a gweddill y DU. Wedi'u lleoli yn Adeilad Carwyn James, mae labordai'r Adran yn cynnwys offer o'r radd flaenaf ar gyfer asesiad ffisiolegol, seicolegol a biomecanyddol o berfformiad chwaraeon ac ymarfer corff.

Mae'r Adran yn weithgar ym maes ymchwil, ac mae aelodau o staff yn cymryd rhan mewn prosiectau amrywiol gan gynnwys gwaith cydweithredol â phrifysgolion a sefydliadau eraill. Mae gan yr Adran gryfderau penodol mewn ffisioleg anadlol a dygnwch, a rôl ymarfer corff mewn iechyd meddwl a lles a seicoleg chwaraeon. Mae gan aelodau o staff academaidd hanes cadarn o gyhoeddi cyfnodolion gwyddonol o ansawdd uchel a adolygir gan gymheiriaid, yn ogystal â chyfrannu at benodau mewn llyfrau, erthyglau mewn cylchgronau poblogaidd a darllediadau teledu a radio ar faterion sy'n ymwneud â'u gwaith.