Cysylltiadau Rhyngwladol a Hanes Milwrol

Pam astudio Cysylltiadau Rhyngwladol a Hanes Milwrol ym Mhrifysgol Aberystwyth?

• Mae’r cynllun gradd anrhydedd sengl hwn yn cynnig addysgu o ansawdd uchel i fyfyrwyr ar draws ystod eang o fodiwlau (tua ugain i ddewis ohonynt ym mlynyddoedd 2 a 3), amgylchedd sy'n ysgogol yn ddeallusol ond yn gyfeillgar, ac ymdeimlad gwirioneddol o gymuned.
• Byddwch yn cael eich tywys a'ch mentora gan ddarlithwyr brwdfrydig, sy'n ymroddedig i ddarparu amgylchedd dysgu rhagorol a dynamig i chi.
• Byddwch yn astudio sut mae rhyfela wedi datblygu ers cyfnod Napoleon, gan ystyried sut a phaham y mae natur rhyfel wedi newid. Gallwch ystyried sut mae technoleg wedi siapio ymladd, o oes stêm i arfau niwclear, dronau a seiber-ryfela.
• Byddwch hefyd yn dysgu am y syniadau allweddol sy'n siapio ein dealltwriaeth o natur rhyfel a sut y caiff rhyfeloedd eu cynnal: egwyddorion gweithrediadau milwrol, rôl brwydro, pwysigrwydd arweinyddiaeth a chudd-wybodaeth, a grym diwydiant.
• Yn Aberystwyth, rydym yn defnyddio dull rhyngwladol sy’n gwreiddio eich gwybodaeth am faterion milwrol o fewn cyd-destun ehangach gwleidyddiaeth y byd, a gallwch astudio rhanbarthau megis y Dwyrain Canol, Rwsia a chyfandiroedd America, yn ogystal ag Ewrop. 
• Mae myfyrwyr Hanes Milwrol a Chysylltiadau Rhyngwladol yn aml wrth wraidd bywyd myfyrwyr yn yr Adran Gwleidyddiaeth Ryngwladol yn Aber, ac mae rhai yn ymuno â'n Corfflu Hyfforddi Swyddogion lleol.
• Yn ogystal â mireinio eich sgiliau academaidd, bydd ein modiwlau yn rhoi ichi'r wybodaeth y bydd ei hangen arnoch ar gyfer bywyd ar ôl y Brifysgol, megis ysgrifennu briffiau polisi, rhoi cyflwyniadau a defnyddio eich creadigrwydd i ddatrys problemau.
• Yn ogystal, rydym yn cynnig nifer o fodiwlau a ddysgir yn gyfan gwbl neu’n rhannol drwy gyfrwng y Gymraeg.
• Mae gan ein graddedigion yrfaoedd mewn ystod eang o feysydd, megis diplomyddiaeth, newyddiaduraeth, dysgu, a gweithio i sefydliadau rhyngwladol fel y Cenhedloedd Unedig, yn ogystal â dilyn llwybrau i raddedigion ym maes busnes, diwydiant, a'r sector cyhoeddus.

Cyfleoedd - Gall myfyrwyr Cysylltiadau Rhyngwladol a Hanes Milwrol yn Aberystwyth wneud y canlynol:

• Gwneud cais am le ar ein Cynllun Lleoliadau Seneddol: cyfle i fyfyrwyr yn yr ail flwyddyn dreulio interniaeth 3-4 wythnos o hyd yn gweithio ochr yn ochr ag Aelod Seneddol yn San Steffan neu Aelod o’r Senedd yng Nghaerdydd.
• Ymuno â'n 'Gemau Argyfwng' enwog – ymarfer chwarae rôl mewn symudiadau gwleidyddol a diplomyddol a gynhelir, ac un o uchafbwyntiau’r cwrs.
• Treulio semester dramor yn astudio mewn nifer o leoliadau ar draws Gogledd America, Ewrop, ac Asia a’r Môr Tawel.
• Cymryd rhan a theimlo'n rhan o gymuned yr Adran drwy weithgareddau fel y trafodaethau 'Bwrdd Crwn' rheolaidd ar ddigwyddiadau allweddol ledled y byd, gweithgareddau'r Gymdeithas Gwleidyddiaeth Ryngwladol, y cyfnodolyn myfyrwyr Interstate, y Grŵp Amrywioldeb, a'n digwyddiadau cymdeithasol poblogaidd.

Ein Staff

Mae pob un o ddarlithwyr yr Adran Gwleidyddiaeth Ryngwladol yn ymchwilwyr gweithgar ac mae ganddynt gymwysterau hyd at safon PhD, ac mae gan y rhan fwyaf hefyd TUAAU.

Mae cyflogadwyedd wedi'i wreiddio ym mhob cwrs rydym yn ei ddarparu. Mae ein graddau'n cynnig sylfaen gadarn ar gyfer amrywiaeth eang o yrfaoedd ar draws ystod o sectorau. Mewn economi fyd-eang sy'n newid yn gyflym, mae ein graddedigion yn hyblyg ac yn gallu defnyddio ystod o sgiliau trosglwyddadwy, sy'n golygu bod galw amdanynt o hyd.

Mae'r setiau sgiliau'n cynnwys:

• sgiliau datrys problemau a meddwl creadigol effeithiol
• sgiliau technoleg gwybodaeth
• y gallu i weithio'n annibynnol ac fel rhan o dîm
• sgiliau rheoli amser a threfnu
• sgiliau cyfathrebu ar lafar ac yn ysgrifenedig
• hunanddibyniaeth a'r gallu i ysgogi eu hunain.

Pa gyfleoedd sydd ar gael i mi ar ôl i mi gwblhau fy ngradd?

Mae ein graddedigion yn gweithio yn y meysydd canlynol:

• y sector datblygu
• gwleidyddiaeth leol a chenedlaethol
• y Gwasanaeth Sifil
• ymchwil y Llywodraeth
• ymchwil cymdeithasol
• y trydydd sector er enghraifft gyda chyrff anllywodraethol
• sefydliadau rhyngwladol
• newyddiaduraeth.

Pa gyfleoedd sydd ar gael i mi wrth astudio yn y Brifysgol?

Mae cyflogadwyedd wedi'i wreiddio yn ein haddysgu. Rydym yn addysgu ein myfyrwyr i anelu am yr yrfa maen nhw'n dymuno ei chael, ac nid y swydd y gallan nhw ei chael.

• Gall myfyrwyr wneud cais am ein Cynllun Lleoliadau Seneddol o fri, interniaeth 3-4 wythnos i fyfyrwyr ail flwyddyn gael gweithio ochr yn ochr ag AS yn San Steffan neu AS yng Nghaerdydd.
• Rydyn ni hefyd yn gartref i Interstate, sef y cyfnodolyn gwleidyddiaeth ryngwladol hynaf a gaiff ei redeg gan fyfyrwyr yng ngwledydd Prydain, sy'n cynnig cyfle unigryw i chi gyhoeddi eich gwaith (yn arbennig o fanteisiol os ydych yn dymuno symud ymlaen i astudiaeth uwchraddedig) neu ennill profiad gwerthfawr wrth weithio fel rhan o'r tîm golygyddol.
• Mae cymdeithasau myfyrwyr cyffrous yn meithrin ymdeimlad cryf o gymuned yn yr adran, gan gynnig rhaglen o ddadleuon gwleidyddol, siaradwyr gwadd, cynadleddau a gweithdai, ochr yn ochr â gweithgareddau cymdeithasol niferus fel y ddawns flynyddol.

Pa gyfleoedd sydd ar gael am brofiad gwaith wrth astudio? 

Dysgwch am y gwahanol gyfleoedd sy'n cael eu cynnig gan y Gwasanaeth Gyrfaoedd a sut y gallwch chi wella'ch cyfleoedd cyflogaeth gyda Cynllun Blwyddyn mewn Gwaith (BMG).