Gwleidyddiaeth

Pam astudio Gwleidyddiaeth ym Mhrifysgol Aberystwyth?

• Rydym yn cynnig addysgu o ansawdd uchel i fyfyrwyr ar ystod eang o fodiwlau (tua ugain i ddewis ohonynt ym mlynyddoedd 2 a 3), amgylchedd sy'n ysgogol yn ddeallusol ond yn gyfeillgar, ac ymdeimlad gwirioneddol o gymuned.
• Yma byddwch yn astudio sefydliadau ac arferion o fewn systemau gwahanol o lywodraeth a hefyd rôl actorion eraill yn yr arena wleidyddol, megis cyrff anllywodraethol, sefydliadau rhyngwladol, y fyddin, a chymdeithas sifil.
• Byddwch yn dysgu am gysyniadau megis rhyddid, pŵer, anghyfiawnder a democratiaeth, yn ogystal ag effaith llygredd, a sut mae mudiadau cymdeithasol yn llunio agendâu cenedlaethol.
• Rydym yn cymryd persbectif rhyngwladol yma yn Aberystwyth, felly gallwch gymharu deinameg wleidyddol mewn lleoliadau megis y Dwyrain Canol, Rwsia neu gyfandiroedd America, yn ogystal ag astudio sut mae pŵer yn gweithredu yn yr UE, y DU ac ar lefel llywodraethau datganoledig.
• Yn ogystal â mireinio eich sgiliau academaidd, bydd ein modiwlau yn rhoi ichi'r wybodaeth y bydd ei hangen arnoch ar gyfer bywyd ar ôl y Brifysgol, megis ysgrifennu blogiau a briffiau polisi, rhoi cyflwyniadau a defnyddio eich creadigrwydd i ddatrys problemau.
• Rydyn ni hyd yn oed yn cynnal modiwlau efelychu chwarae rôl bob blwyddyn sy'n datblygu sgiliau negodi, perswadio, cydweithio a gweithio mewn tîm – ac mae’r rhain i gyd yn hanfodol ym myd gwleidyddiaeth.
• Mae gan ein graddedigion yrfaoedd mewn ystod eang o feysydd, megis gwasanaeth sifil, newyddiaduraeth, neu weithio i bleidiau gwleidyddol, cyrff anllywodraethol neu sefydliadau rhyngwladol fel y Cenhedloedd Unedig, yn ogystal â dilyn llwybrau i raddedigion ym maes busnes, diwydiant, addysg a'r sector cyhoeddus.   
• Yn ogystal, rydym yn cynnig nifer o fodiwlau a ddysgir yn gyfan gwbl neu’n rhannol drwy gyfrwng y Gymraeg.

Cyfleoedd – Gall myfyrwyr Gwleidyddiaeth yn Aberystwyth wneud y canlynol:

• Gwneud cais am le ar ein Cynllun Lleoliadau Seneddol: cyfle i fyfyrwyr yn yr ail flwyddyn dreulio interniaeth 3-4 wythnos o hyd yn gweithio ochr yn ochr ag Aelod Seneddol yn San Steffan neu Aelod o’r Senedd yng Nghaerdydd.
• Ymuno â'n 'Gemau Argyfwng' enwog – ymarfer chwarae rôl mewn symudiadau gwleidyddol a diplomyddol a gynhelir, ac un o uchafbwyntiau’r cwrs.
• Treulio semester dramor yn astudio mewn nifer o leoliadau ar draws Gogledd America, Ewrop, ac Asia a’r Môr Tawel.
• Cymryd rhan a theimlo'n rhan o gymuned yr Adran drwy weithgareddau fel y trafodaethau 'Bwrdd Crwn' rheolaidd ar ddigwyddiadau allweddol ledled y byd, gweithgareddau'r Gymdeithas Gwleidyddiaeth Ryngwladol, y cyfnodolyn myfyrwyr Interstate, y Grŵp Amrywioldeb, a'n digwyddiadau cymdeithasol poblogaidd.  

Ein Staff

Mae pob un o ddarlithwyr yr Adran Gwleidyddiaeth Ryngwladol yn ymchwilwyr gweithgar ac mae ganddynt gymwysterau hyd at safon PhD, ac mae gan y rhan fwyaf hefyd TUAAU.

Mae Cyflogadwyedd wedi’i wreiddio yn ein holl gyrsiau. Mae ein graddau’n darparu sylfaen gadarn i amrywiaeth fawr o yrfaoedd ar draws ystod o sectorau. Mae ein graddedigion yn hyblyg ac yn gallu dibynnu ar set o sgiliau trosglwyddadwy mewn economi fyd-eang sy’n newid yn gyflym, sy’n sicrhau bod galw mawr amdanynt. 

Mae'r setiau o sgiliau yn cynnwys: 

• sgiliau datrys problemau a meddwl creadigol effeithiol 
• sgiliau technoleg gwybodaeth 
• gallu gweithio'n annibynnol ac yn aelod o dîm 
• sgiliau rheoli amser a threfnu 
• sgiliau cyfathrebu da, yn ysgrifenedig ac ar lafar 
• hunanddibyniaeth a'r gallu i’ch ysgogi eich hun.

Pa gyfleoedd sydd ar gael i mi ar ôl gorffen fy ngradd? 

Mae ein graddedigion wedi cael gwaith yn y meysydd canlynol: 

• y sector datblygu 
• gwleidyddiaeth leol a chenedlaethol 
• y Gwasanaeth Sifil 
• ymchwil ar ran y Llywodraeth 
• ymchwil cymdeithasol 
• y trydydd sector, e.e. cyrff anllywodraethol 
• sefydliadau rhyngwladol 
• newyddiaduraeth. 

Pa gyfleoedd sydd ar gael i fi yn ystod fy astudiaethau yn y Brifysgol? 

Mae cyflogadwyedd wedi’i wreiddio ym mhob elfen o’n dysgu. Rydym yn dysgu ein myfyrwyr i anelu at yr yrfa y dymunant ei chael, nid y swydd y gallant ei chael. 

• Gall myfyrwyr wneud cais am ein Cynllun Lleoliadau Seneddol o fri, interniaeth 3-4 wythnos i fyfyrwyr ail flwyddyn gael gweithio ochr yn ochr ag AS yn San Steffan neu AS yng Nghaerdydd.
• Rydym hefyd yn gartref i Interstate, sef y cyfnodolyn gwleidyddiaeth ryngwladol hynaf ym Mhrydain i gael ei redeg gan fyfyrwyr, sy'n rhoi cyfle unigryw i chi i gyhoeddi'ch gwaith (sydd yn enwedig o fanteisiol os hoffech fynd ymlaen i astudiaethau uwchraddedig) neu i gael profiad gwerthfawr o weithio’n rhan o'r tîm golygyddol.
• Mae cymdeithasau myfyrwyr yn cynnig ysbrydoliaeth ac yn meithrin ymdeimlad cymunedol cryf yn yr adran, gyda rhaglenni o ddadleuon gwleidyddol, siaradwyr gwadd, cynadleddau a gweithdai, ynghyd â llawer o weithgareddau cymdeithasol megis y ddawns flynyddol. 

Pa gyfleoedd sydd ar gael am brofiad gwaith wrth astudio? 

Dysgwch am y gwahanol gyfleoedd sy'n cael eu cynnig gan y Gwasanaeth Gyrfaoedd a sut y gallwch chi wella'ch cyfleoedd cyflogaeth gyda Cynllun Blwyddyn mewn Gwaith (BMG).