Cymdeithaseg a Gwleidyddiaeth

Pam astudio Cymdeithaseg a Gwleidyddiaeth ym Mhrifysgol Aberystwyth? 

• Bydd y dull unigryw o ddysgu cymdeithaseg, dull seiliedig ar waith maes, yn gymorth i ddeall arwyddocâd gofod a lle wrth astudio ymddygiad gwleidyddol. 
• Rydym yn tynnu ar ein cryfderau ymchwil i sicrhau eich bod yn elwa o ddirnadaethau damcaniaethol ac empirig arloesol o’r byd cymdeithasol a gwleidyddol a, thrwy’ch profiad dysgu, y gallwch fedi’r manteision cadarnhaol a ddaw o’r datblygiadau diweddaraf yn y ddwy ddisgyblaeth. 
• Y Byddwch yn dysgu sut i werthuso syniadau, cysyniadau ac ymagweddau yn feirniadol o fewn meysydd cymdeithaseg a gwleidyddiaeth. 
• Cewch eich dysgu a'ch mentora gan ddarlithwyr brwdfrydig sydd wedi ymrwymo i ddarparu amgylchedd dysgu rhagorol a deinamig i chi. 
• Byddwch yn ymuno ag Adran Wleidyddiaeth Ryngwladol gyntaf y byd, a sefydlwyd ym 1919. 
• Byddwch yn cael cyfle i gymryd rhan yn ein Cynllun Lleoliad Seneddol o fri ochr yn ochr ag Aelod Seneddol (Tŷ'r Cyffredin, San Steffan) neu Aelod o'r Senedd (Senedd Cymru, Caerdydd). 
• Bydd modd i chi gymryd rhan yn ein Gemau Argyfwng - cwrs preswyl cyffrous a dramatig a gynhelir ddwywaith y flwyddyn i ffwrdd o Aberystwyth lle byddwch yn chwarae rhan mewn senario gwleidyddol - gan eich galluogi i ddysgu am wleidyddiaeth ryngwladol o safbwynt unigryw drwy’ch rhoi’ch hunan yn y sefyllfa. 
• Byddwch yn cael cyfle i ddatblygu eich sgiliau newyddiadurol gwleidyddol drwy gyfrannu at y cyfnodolyn gwleidyddiaeth ryngwladol hynaf sy'n cael ei redeg gan fyfyrwyr yn y DU, sef  Interstate, sydd wedi'i leoli yn yr Adran Gwleidyddiaeth Ryngwladol, ac a fydd yn weithgaredd allgyrsiol gwerth chweil a boddhaus. 

Ein Staff

Yr Adran Daearyddiaeth a Gwyddorau Daear: mae gan bob un o'r darlithwyr gymhwyster hyd at safon PhD neu maent yn gweithio tuag at PhD.

Mae pob un o ddarlithwyr yr Adran Gwleidyddiaeth Ryngwladol yn ymchwilwyr gweithgar ac mae ganddynt gymwysterau hyd at safon PhD, ac mae gan y rhan fwyaf hefyd TUAAU.

Mae cyflogadwyedd wedi ymgorffori ym mhob un o’n cyrsiau ac mae ein rhaglenni gradd yn rhoi sylfaen gadarn i amrywiaeth eang o yrfaoedd ar draws ystod eang o sectorau. Bydd graddedigion y radd BA Cymdeithaseg a Gwleidyddiaeth mewn sefyllfa dda i ddod o hyd i waith mewn amrywiaeth o feysydd megis y sector datblygu, llywodraeth leol a chenedlaethol, y gwasanaeth sifil, ymchwil ar ran y Llywodraeth ac ymchwil gymdeithasol, gwaith a pholisi cymdeithasol (gan gynnwys tai cymdeithasol cyhoeddus, gweinyddiaeth llywodraeth leol a'r sector gwirfoddol), y trydydd sector megis cyrff anllywodraethol ac elusennau, gwaith mewn sefydliadau rhyngwladol, cysylltiadau cyhoeddus a newyddiaduraeth, dysgu a rheoli. 

Mewn economi fyd-eang sy'n newid yn gyflym, byddwch yn gallu ymaddasu a manteisio ar ystod o sgiliau trosglwyddadwy, gan sicrhau y bydd galw amdanoch bob amser yn y farchnad swyddi.  

Mae'r setiau o sgiliau yn cynnwys: 

• sgiliau datrys problemau a meddwl creadigol effeithiol 
• sgiliau technoleg gwybodaeth 
• gallu gweithio'n annibynnol ac yn aelod o dîm 
• sgiliau rheoli amser a threfnu 
• sgiliau cyfathrebu da, yn ysgrifenedig ac ar lafar 
• hunanddibyniaeth a'r gallu i’ch ysgogi eich hun