Troseddeg

Mae'r radd BSc Troseddeg yn rhoi sylw cytbwys i faterion damcaniaeth, polisi ac ymarfer wrth astudio troseddeg a cyfiawnder troseddol. Mae'r cwrs yn defnyddio damcaniaethau cymdeithasegol, seicolegol a chyfreithiol ac enghreifftiau o'r byd go iawn i archwilio achosion troseddu, sut y diffinnir troseddu, a pham yr ystyrir bod rhai ymddygiadau penodol yn droseddol. Mae'n ystyried amrywiaeth eang o safbwyntiau troseddegol, yn amrywio o ddechreuadau Troseddeg Glasurol, yr holl ffordd i feysydd newydd sy'n dod yn fwyfwy blaenllaw mewn troseddeg, megis troseddau gwyrdd a throseddau bywyd gwyllt. 

Mae'r tîm addysgu presennol yn cynnwys staff a chanddynt arbenigedd yn y prif ddisgyblaethau sy'n llywio astudiaethau troseddegol, megis seicoleg, cymdeithaseg, a'r gyfraith, a byddwch yn cael eich dysgu gan droseddegwyr sy'n ymwneud yn weithredol ag ymchwil. 

Caiff ein modiwlau eu diwygio a'u diweddaru'n gyson er mwyn adlewyrchu newidiadau diweddar ym mhatrymau ymddygiad troseddol ac ymatebion polisi trosedd. Bydd modiwlau am ddulliau ymchwil troseddeg yn rhoi'r sgiliau technegol a dadansoddol blaengar sydd eu hangen arnoch i gymryd rhan mewn trafodaethau cyfoes ynghylch polisïau ac arferion a gynlluniwyd i atal troseddu. 

Cewch gyfle i ymgymryd â lleoliad gwaith yn gysylltiedig â chyfiawnder troseddol, gallwch wneud ymchwil troseddegol annibynnol dan oruchwyliaeth, ac mae gennym berthynas waith ragorol gydag asiantaethau cyfiawnder troseddol yn lleol. 

Ein Staff

Mae gan staff Adran y Gyfraith a Throseddeg gan mwyaf naill ai gymwysterau hyd at safon PhD neu mae ganddynt brofiad proffesiynol a chymwysterau fel cyfreithwyr wrth eu gwaith. Mae gan lawer o'r staff hefyd gymhwyster dysgu uwchraddedig (Addysg Uwch).

Mae BSc Troseddeg yn rhoi sylfaen academaidd ardderchog ar gyfer gyrfaoedd yn y sector cyfiawnder troseddol, gan gynnwys gyda'r heddlu, Gwasanaeth Carchardai EM a'r Gwasanaeth Prawf Cenedlaethol, a Chyfiawnder Ieuenctid. Gall cwblhau'r radd hefyd gynnig cyfleoedd i weithio ym maes dadansoddi trosedd neu gudd-wybodaeth, gofal cymunedol a gwaith cymdeithasol. 

Mae eich dyfodol yn bwysig yn ein golwg, a bydd ein cyrsiau gradd yn rhoi'r canlynol i chi: 

• hyder i ddewis a defnyddio'r dulliau cyfreithiol mwyaf priodol 
• gallu i ysgrifennu ac i gyfathrebu ag amrywiaeth o gynulleidfaoedd, gan werthuso a threfnu gwybodaeth 
• gallu i gasglu, dosbarthu a dehongli cyfoeth o wybodaeth gyfreithiol yn gyflym a chywir 
• gallu i fynegi syniadau a chyfleu gwybodaeth mewn modd clir a threfnus, yn ysgrifenedig ac ar lafar 
• gallu i ddatrys problemau a meddwl creadigol effeithiol 
• gallu i weithio'n annibynnol 
• sgiliau rheoli amser a threfnu, gan gynnwys gallu gweithio i derfynau amser 
• hunanddibyniaeth a'r gallu i’ch ysgogi eich hun 
• gallu i weithio mewn tîm ac i drafod cysyniadau mewn grwpiau, gan roi lle i syniadau gwahanol a dod i gytundeb 
• sgiliau ymchwil. 

Cyfleoedd datblygu gyrfa wrth i chi astudio 

Dysgwch fwy am y cyfleoedd amrywiol y mae Gwasanaeth Gyrfaoedd Prifysgol Aberystwyth yn eu cynnig. 

Gallwch wella eich rhagolygon am swydd gyda'n Cynllun Blwyddyn mewn Gwaith a’n Rhaglen Gymorth i Baratoi am Yrfa

Mae'r adran Droseddeg mor groesawgar! Mae staff a myfyrwyr yn eich adnabod wrth eich enw, felly mae pob darlith, pob seminar, a phob sgwrs yn bersonol. Mae hyn yn gwneud ichi deimlo eich bod yn bwysig iddynt. Mae'r staff yn mynd y tu hwnt i'ch disgwyliadau ... Ni allech ofyn mwy ganddynt. Sam 

Aberystwyth oedd y lle gorau i mi astudio trwy gyfrwng y Gymraeg. Gallwn astudio fy mlwyddyn gyntaf gyfan yn y Gymraeg a llawer o fodiwlau dewisol hefyd. Roedd y staff mor gefnogol ac roedden nhw bob amser wrth law pan oeddwn i angen. Angharad