Troseddeg a Seicoleg Droseddol

Mae Troseddeg a Seicoleg Droseddol yn radd thematig ym maes troseddeg a fydd yn rhoi cyfle ichi astudio trosedd ac ymddygiad troseddol o safbwynt seicolegol. Mae’r cwrs yn ymchwilio i ymddygiad a meddyliau troseddwyr, achosion ac effeithiau troseddolrwydd, a sut i atal ymddygiad troseddol, a hynny trwy lens ddeuol troseddeg a seicoleg. Mae hefyd yn ymchwilio i’r defnydd o seicoleg gyfreithiol a fforensig mewn agweddau ar ymchwiliadau’r heddlu a’r system cyfiawnder troseddol.

Byddwch yn archwilio’r rhesymau y mae pobl yn troseddu, yn ogystal â pham y diffinnir rhai gweithredoedd penodol yn rhai troseddol. Bydd ein hacademyddion sy’n weithgar ym maes ymchwil yn eich hyfforddi yn nulliau sylfaenol ymchwil droseddegol, a bydd hyn yn rhoi ichi’r sgiliau sydd eu hangen ar gyfer gwerthuso astudiaethau damcaniaethol ac empirig yn y maes hwn mewn modd beirniadol.

Dyma rai o’r cyfleoedd sydd ar gael i fyfyrwyr Troseddeg a Seicoleg Droseddol yn Aberystwyth:

• cael eich dysgu gan droseddegwyr sy’n weithgar ym maes ymchwil
• y cyfle i wneud profiad gwaith ym maes cyfiawnder troseddol
• elwa o’n cysylltiadau cryf ag asiantaethau cyfiawnder troseddol lleol
• ymgymryd ag ymchwil annibynnol ym maes troseddeg dan oruchwyliaeth.

Ein Staff

Mae gan staff Adran y Gyfraith a Throseddeg gan mwyaf naill ai gymwysterau hyd at safon PhD neu mae ganddynt brofiad proffesiynol a chymwysterau fel cyfreithwyr wrth eu gwaith. Mae gan lawer o'r staff hefyd gymhwyster dysgu uwchraddedig (Addysg Uwch).

Mae Troseddeg a Seicoleg Droseddol yn cynnig sail academaidd ragorol ar gyfer gyrfaoedd yn y sector cyfiawnder troseddol, yn cynnwys yr heddlu, Gwasanaeth Carchar EM, y Gwasanaeth Prawf Cenedlaethol, a chyfiawnder ieuenctid. Gall cyflawni’r radd hon hefyd gynnig cyfleoedd i weithio ym maes dadansoddi trosedd neu gudd-wybodaeth, gofal cymdeithasol a gwaith cymdeithasol.