Gwleidyddiaeth a Hanes Modern

Pam astudio Gwleidyddiaeth a Hanes Modern yn Aberystwyth?

• Byddwch yn cael eich addysgu mewn dwy adran hir-sefydlog ac uchel eu bri. Dysgir Hanes yn Aberystwyth ers 1872, a'r Adran Gwleidyddiaeth Ryngwladol yn Aberystwyth oedd yr adran wleidyddiaeth gyntaf yn y byd pan y sefydlwyd hi yn 1919.
• Byddwch yn cael eich tywys a'ch mentora gan ddarlithwyr brwdfrydig, sy'n ymroddedig i ddarparu amgylchedd dysgu arloesol a dynamig i chi.
• Mae un o lyfrgelloedd mwya'r byd, sef Llyfrgell Genedlaethol Cymru, ar garreg ein drws. Mae'r sefydliad hawlfraint hwn yn cael copi o bob llyfr a gaiff ei gyhoeddi yn y DU.
• Cewch gyfleoedd i gymryd rhan mewn amrywiaeth o weithgareddau allgyrsiol yn ystod eich cwrs gradd. Yn yr adran Hanes, cewch y cyfle i ymuno â Chymdeithas Hanes Prifysgol Aberystwyth a chymryd rhan mewn digwyddiadau cymdeithasol ac ymweliadau ag amgueddfeydd ac orielau a lleoliadau eraill sy'n gyfoeth o hanes. Yn yr adran Gwleidyddiaeth Ryngwladol, cewch y cyfle i fod yn rhan o'n cynllun Lleoliadau Seneddol clodfawr, ochr yn ochr ag Aelod Senedd Cymru (Senedd Cymru, Caerdydd) neu Aelod Seneddol (Tŷ'r Cyffredin, San Steffan), ac i fod yn gyfranogwyr gweithgar i Interstate', sef y cyfnodolyn hynaf gan fyfyrwyr ar Wleidyddiaeth Ryngwladol yn y DU.

Ein Staff

Mae staff yr Adran Hanes a Hanes Cymru yn ymchwilwyr gweithgar ac yn arbenigwyr yn eu meysydd Hanes. Mae’r mwyafrif wedi cymhwyso gyda PhD ac mae ganddynt TUAAU hefyd. I ganfod mwy am ein staff, ewch i’n tudalen staff yr adran.

Mae pob un o ddarlithwyr yr Adran Gwleidyddiaeth Ryngwladol yn ymchwilwyr gweithgar ac mae ganddynt gymwysterau hyd at safon PhD, ac mae gan y rhan fwyaf hefyd TUAAU.

Beth mae ein graddedigion yn ei wneud erbyn hyn? 

Mae graddedigion o'n hadran wedi dilyn gyrfaoedd yn y meysydd canlynol: 

• y Gwasanaeth Sifil
• gwasanaethau diogelwch
• adrannau ymchwil y llywodraeth
• Materion Cyhoeddus
• addysg
• ymchwil gymdeithasol.

Pa gyfleoedd sydd ar gael i mi wrth astudio yn y Brifysgol?

Mae cyflogadwyedd wedi'i wreiddio yn ein haddysgu. Rydym yn addysgu ein myfyrwyr i anelu am yr yrfa maen nhw'n dymuno ei chael, ac nid y swydd y gallan nhw ei chael.

• Cynllun Lleoliadau Seneddol - Mae'r cynllun clodfawr hwn sy'n cael ei redeg gan yr Adran Gwleidyddiaeth Ryngwladol yn eich galluogi i gael profiad gwaith gwerthfawr gydag Aelod Senedd Cymru (Senedd Cymru, Caerdydd) neu Aelod Seneddol (Tŷ'r Cyffredin, San Steffan) am gyfnod o 4-6 wythnos yn ystod yr haf. Yn ystod y cyfnod hwn, byddwch yn llunio adroddiadau ac areithiau, yn cyflawni prosiectau ymchwil, ac yn ymateb i faterion yn yr etholaeth. Mae'n bosib y bydd cyfleoedd pellach i chi gymryd rhan mewn etholiadau a materion rhyngwladol amrywiol.
• Lleoliadau gwaith i fyfyrwyr yn y sector treftadaeth - Mae gan yr Adran Hanes a Hanes Cymru gysylltiadau cryf gyda'r sector treftadaeth, a phortffolio sefydledig o leoliadau myfyrwyr. Yn y gorffennol, mae myfyrwyr wedi treulio hyd at dair wythnos yn y Llyfrgell Genedlaethol (gan gynnwys cyfleoedd drwy gyfrwng y Gymraeg), Comisiwn Brenhinol Henebion Cymru, a Chymdeithas Hynafiaethwyr Llundain. Mae'r lleoliadau hyn yn rhoi cyfle i gael profiad ymarferol a chipolwg o'r sector treftadaeth, ac maent yn werthfawr iawn ar gyfer y CV!
• Interstate - Mae'r Adran Gwleidyddiaeth Ryngwladol yn gartref i'r cyfnodolyn hynaf gan fyfyrwyr ar wleidyddiaeth ryngwladol yn y DU, sy'n rhoi cyfle unigryw i chi gyhoeddi eich gwaith (sy'n arbennig o fanteisiol os byddwch yn dymuno cyflawni astudiaeth ôl-raddedig) neu i gael profiad gwerthfawr yn gweithio fel rhan o'r tîm golygyddol. Mae cymdeithasau myfyrwyr cyffrous yn meithrin ymdeimlad cryf o gymuned yn yr adran, gan gynnig rhaglen o ddadleuon gwleidyddol, siaradwyr gwadd, cynadleddau a gweithdai, ochr yn ochr â gweithgareddau cymdeithasol niferus fel y ddawns flynyddol.

Pa sgiliau fydda i'n eu cael os bydda i'n astudio Gwleidyddiaeth a Hanes Modern ym Mhrifysgol Aberystwyth?

Bydd astudio am radd mewn Gwleidyddiaeth a Hanes Modern yn rhoi ystod o sgiliau trosglwyddadwy i chi sy'n cael eu gwerthfawrogi'n fawr gan gyflogwyr. Mae'r rhain yn cynnwys:

• y gallu i fynegi syniadau a chyfleu gwybodaeth mewn modd clir a threfnus, yn ysgrifenedig ac ar lafar
• sgiliau effeithiol mewn datrys problemau a meddwl yn greadigol
• gwneud cyflwyniadau effeithiol
• sgiliau ymchwil
• y gallu i lunio dadleuon gwybodus o dan gyfyngiadau amser
• y gallu i weithio'n annibynnol
• sgiliau trefnu a rheoli amser, gan gynnwys y gallu i weithio i derfynau amser
• hunanddibyniaeth a'r gallu i ysgogi eich hun
• y gallu i weithio mewn tîm a thrafod cysyniadau mewn grwpiau, rhoi lle i syniadau gwahanol a dod i gytundeb
• defnyddio'r adnoddau a'r platfformau digidol diweddaraf.

Cyfleoedd rhyngwladol

Mae Prifysgol Aberystwyth yn cynnig cyfle oes i chi astudio, gwirfoddoli neu weithio mewn gwlad arall, am flwyddyn academaidd, semester sengl neu ychydig wythnosau yn y gwyliau. Archwiliwch ddiwylliannau eraill, heriwch eich hun a chasglwch brofiadau a fydd yn helpu gyda'ch gyrfa. Gall yr amser a dreulir yn archwilio gwlad a diwylliant newydd hogi'ch sgiliau rhyngbersonol, gwella'ch gallu iaith, ac ehangu eich meddylfryd rhyngwladol. Canfod ble gallwch chi fynd.

Sgyrsiau graddedig a mentora gan gyn-fyfyrwyr

Mae’r cynllun e-Fentora yn gyfle i chi gysylltu â chyn-fyfyrwyr o amrywiaeth o yrfaoedd, a hynny mewn amgylchedd diogel a chefnogol. Bydd hyn yn rhoi’r cyfle ichi ganfod beth oedd eu llwybr nhw i’w swyddi presennol a pha wybodaeth y gallant ei rhannu wrth i chi feddwl am eich camau nesaf. Mae’r Adran Hanes a Hanes Cymru’n cydweithio â’r Gwasanaeth Gyrfaoedd gyda’r bwriad o drefnu sgyrsiau gan gyn-fyfyrwyr ar wahanol adegau yn eu gyrfaoedd, megis y sgwrs lwyddiannus: ‘O’r brifysgol i yrfa ym maes treftadaeth ddiwylliannol: y camau cyntaf’, a gyflwynwyd gan un o’n graddedigion diweddar a lwyddodd i gael lle ar raglen uchel ei bri i hyfforddai yn Oriel y Tate.

Pa gyfleoedd sydd ar gael i wneud profiad gwaith wrth astudio? 

Dysgu am y gwahanol gyfleoedd y mae tîm Gyrfaoedd Prifysgol Aberystwyth yn eu cynnig. Gallwch wella'ch cyfleoedd cyflogaeth gyda GO Wales a BMG (y cynllun Blwyddyn mewn Gwaith) sy'n cael eu rheoli gan ein hadran Gyrfaoedd.

Cyfleoedd Rhyngwladol

Ceir gwybodaeth am gyfleoedd i dreulio amser dramor yn ystod eich gradd o dan 'Astudio dramor' yn y brif fwydlen ochr-chwith ar dudalen gartref y ddwy adran.

Rhoddodd y cwrs Gwleidyddiaeth a Hanes Modern ym Mhrifysgol Aberystwyth gyfle ardderchog i fi brofi arbenigedd dwy adran wych. Mae cwrs V135 wedi'i deilwra'n arbennig i fyfyrwyr sydd â diddordeb yn sut mae'r byd wedi newid dros amser, ac elfennau gwleidyddol pwysig y newid hwnnw. Gan ein bod ni'n gallu dewis o blith rhestr hir o fodiwlau yn y ddwy adran, rydw i wedi gallu canolbwyntio ar yr agweddau ar newid hanesyddol a gwleidyddol rwy'n ymddiddori ynddyn nhw fwyaf. Hefyd, mae'r staff a'u harbenigedd wedi rhoi profiad dysgu eithriadol a chefnogaeth ragorol i fi.

Alan Donaldson