BA

Celfyddyd Gain / Llenyddiaeth Saesneg

BA Celfyddyd Gain / Llenyddiaeth Saesneg Cod WQ13 Dewch i Ddiwrnod Agored Dewch i Ddiwrnod Agored

Ymgeisio Nawr

Prif Ffeithiau

WQ13

  • Tariff UCAS

    120 - 104

  • Hyd y cwrs

    3 blynedd

Ar gael ar gyfer Dechrau medi 2026

Manylion pellach ynglŷn â'r gofynion mynediad

Ymgeisio Nawr

Trwy ddewis astudio gradd mewn Celfyddyd Gain a Llenyddiaeth Saesneg (WQ13) ym Mhrifysgol Aberystwyth byddwch yn rhan o un o'r adrannau celf gorau yn y DU. Mae’r Ysgol Gelf yn canolbwyntio ar integreiddio sgiliau traddodiadol gyda damcaniaethau ac ymarfer cyfoes i gynhyrchu myfyrwyr celfyddyd gain o'r radd flaenaf. Rydym yn gosod lluniadu wrth galon profiad y myfyrwyr yng ngoleuni'r adfywiad diweddar yn y diddordeb mewn sgiliau lluniadu traddodiadol; mae’r Ysgol Gelf ar flaen y gad ym maes addysg gelf gyfoes. Byddwch hefyd yn dilyn y maes llafur craidd ar gyfer Llenyddiaeth Saesneg sy'n golygu y byddwch yn cwblhau eich gradd gyda chyfuniad gwych o sgiliau a chymwyseddau.

Trosolwg o'r Cwrs

Pam astudio Celfyddyd Gain gyda Llenyddiaeth Saesneg yn Aberystwyth?

  • Byddwch yn elwa drwy feithrin arbenigedd technegol mewn ffordd ddisgybledig, ffurfio deallusrwydd creadigol, ac ymwybyddiaeth hanesyddol, feirniadol, ddamcaniaethol a chyfoes o arfer Celfyddyd Gain.
  • Mae Ysgol Gelf Prifysgol Aberystwyth wedi derbyn Statws Amgueddfa Archrededig gan Gyngor Celfyddydau Lloegr. Mae hyn yn cydnabod ein bod yn arddel y safonau uchaf wrth reoli a gofalu am ein casgliadau. 
  • Gallwch edrych ar y cysylltiadau rhwng meddwl creadigol a beirniadol, a datblygu dealltwriaeth ddofn o'r gydberthynas rhwng arfer proffesiynol a meddwl dychmygus.
  • Cewch eich dysgu gan staff profiadol sy'n artistiaid, awduron, curaduron a haneswyr celf a gydnabyddir yn rhyngwladol.
  • Cymryd rhan yn ein hymweliadau astudio yn y DU neu dramor (mae’r cyrchfannau blaenorol yn cynnwys Madrid, Paris, Rhufain, Amsterdam, Efrog Newydd, Fienna, Barcelona, Fenis, Moscow, St Petersburg, Fflorens, Budapest a Lisbon).
  • Yn ystod eich blwyddyn olaf cewch gyfle i gymryd rhan mewn encil ysgrifennu mewn tŷ gwledig yng nghanolbarth Cymru - cyfle anhygoel i dreulio amser gyda chyd-fyfyrwyr a staff, gan ddatblygu eich prosiectau a'ch traethodau hir, mewn lleoliad gwledig prydferth.
Ein Staff

Drwy ymwneud yn weithredol ag ymarfer, hanes a churadu celf, mae staff yr Ysgol Gelf yn ceisio darparu amgylchedd dysgu cyfoethog i'r myfyrwyr. Mae eu profiad fel artistiaid sy'n arddangos eu gwaith, haneswyr celf sy'n cyhoeddi eu gwaith, a churaduriaid gweithredol yn llywio eu gwaith dysgu.

Mae'r holl staff academaidd yn yr Adran Saesneg ac Ysgrifennu Creadigol yn ysgolheigion ac arbenigwyr gweithgar yn eu meysydd. Maent naill ai'n gymwys i lefel PhD neu mae ganddynt brofiad cymesur.  Mae gan ein darlithwyr naill ai gymhwyster dysgu Addysg Uwch neu'n maent yn gweithio tuag ato, ac mae gan y rhan fwyaf o’r staff academaidd hefyd Gymrodoriaethau gyda’r Academi Addysg Uwch.  

Modiwlau Dechrau medi - 2026

Noder: Y modiwlau a restrir isod yw'r modiwlau y bwriedir eu cyflwyno ar hyn o bryd yn ystod y flwyddyn academaidd nesaf ac mae'n bosibl y gallant newid. Maent wedi'u cynnwys yma i roi syniad o strwythur y cwrs.

Gyrfaoedd

Pa ragolygon gyrfa fydd gen i?

Mae llawer o'n graddedigion yn awduron llwyddiannus yn y meysydd canlynol:

  • ffuglen
  • ffeithiol
  • barddoniaeth
  • sgriptio
  • radio
  • theatr

Mae rhai o'n graddedigion wedi canfod gyrfaoedd llwyddiannus eraill ym meysydd:

  • cyhoeddi
  • golygu
  • newyddiaduraeth
  • marchnata a chyfathrebu
  • dysgu

Yn ogystal â sefydlu gyrfaoedd fel artistiaid proffesiynol, mae rhai o'n graddedigion wedi mynd ymlaen i weithio i’r sefydliadau canlynol:

  • Y Cyngor Dylunio
  • Cyngor y Celfyddydau
  • Oriel Tate
  • Amgueddfa Victoria ac Albert
  • Academi Frenhinol y Celfyddydau
  • Cwmni Teledu Carlton
  • The Observer
  • Oriel Saachi
  • Damien Hirst
  • BBC
  • Cylchgrawn Viz
  • Ymddiriedolaeth y Casgliadau Brenhinol

Pa gyfleoedd i wella gyrfa sydd ar gael i fi fel myfyriwr?

Bydd Canolfan y Celfyddydau Aberystwyth yn rhan hanfodol o'ch cyfleoedd dysgu, gan ganiatáu i staff a myfyrwyr ddod ynghyd gyda'r nod o ymgysylltu, gweithio a dysgu mewn diwylliant creadigol ffyniannus a dynamig. Yma gallech arddangos eich gwaith, ymgysylltu a rhwydweithio gydag eraill, a datblygu sgiliau gydol oes sy'n werthfawr i gyflogwyr yn y diwydiannau creadigol a'r tu hwnt.

Bydd ein gradd yn eich galluogi i ddatblygu:

  • y gallu i fynegi syniadau a chyfleu gwybodaeth yn effeithiol mewn ystod eang o gyd-destunau
  • sgiliau rhagorol wrth greu, ffurfio a thrin y gair ysgrifenedig
  • tystiolaeth o'ch gallu i ddatrys problemau yn effeithiol
  • meddwl creadigol ardderchog, wedi'i lywio gan fanwl gywirdeb beirniadol
  • y gallu i weithio'n annibynnol ac fel rhan o dîm
  • sgiliau rheoli amser a threfnu ardderchog, gan gynnwys y gallu i weithio i derfynau amser
  • hunanddibyniaeth a’r gallu i ysgogi eich hun, a’r gallu i ddatblygu strategaethau priodol ac effeithiol
  • Sgiliau ymchwil trawsddisgyblaethol gwerthfawr, y bydd modd eu haddasu i unrhyw gyd-destun ymchwil.

Pa gyfleoedd profiad gwaith a geir wrth astudio? 

Cliciwch yma i ddysgu am y gwahanol gyfleoedd y mae tîm Gyrfaoedd Prifysgol Aberystwyth yn eu cynnig. 

Gallwch wella'ch cyfleoedd cyflogaeth gyda GO Wales a BMG (y cynllun Blwyddyn mewn Gwaith) sy'n cael eu rheoli gan ein hadran Gyrfaoedd. 

Dysgu ac Addysgu

Beth fydda i’n ei ddysgu?

Bydd y radd hon yn eich galluogi i archwilio llenyddiaeth o bob genre ac o bob cyfnod yng nghyd-destun y dehongliad ehangaf posib o lenyddiaeth Saesneg. Byddwch yn meithrin sgiliau dehongli a dadansoddi testunau llenyddol, a byddwch yn cymryd rhan mewn trafodaethau beirniadol cyfredol.

Bydd yr wybodaeth isod yn rhoi darlun i chi o'r hyn y gallech fod yn ei astudio yn ystod y cynllun gradd tair blynedd.

Yn eich blwyddyn gyntaf, gallech ddarganfod:

  • technegau newydd ar gyfer dadansoddi testunau llenyddol
  • rhai ffigurau allweddol o hanes llenyddiaeth (o Shakespeare i’r chwiorydd Brontë)
  • testunau llai adnabyddus, ac awduron sy'n newydd i chi
  • astudiaethau ystafell fywyd 
  • darlunio llyfrau a phaentio 
  • ⁠hanes celf 
  • cyflwyniad i ddealltwriaeth feirniadol o Gelfyddyd Gain
  • amrywiaeth o "ffyrdd o ddarllen" a rhai ymagweddau damcaniaethol tuag at ddadansoddi testunau
  • barddoniaeth, rhyddiaith, drama, llenyddiaeth Americanaidd, addasiadau, llenyddiaeth glasurol, ysgrifennu cyfoes, testunau canoloesol a llawer mwy. 

Yn eich ail flwyddyn, gallech astudio:

  • ymagweddau damcaniaethol tuag at feirniadaeth lenyddol, ac arfer beirniadaeth lenyddol
  • ystod o destunau craidd dethol o'r cyfnod canoloesol hyd at yr unfed ganrif ar hugain
  • eich syniadau a dangos hyfedredd technegol
  • nifer o bynciau arbenigol o'ch dewis chi (gallai'r rhain ganolbwyntio ar genre penodol (fel ffuglen trosedd), cyfnod hanesyddol (fel oes Fictoria), neu thema (fel "lle").
  • eich gwaith celf o fewn cyd-destun cyfoes a thraddodiadau hanesyddol. 

Yn y flwyddyn olaf, gallech feistroli:

  • damcaniaeth lenyddol a chymhwyso safbwyntiau damcaniaethol i ddadansoddi llenyddol
  • gwaith ysgrifennu ac ymchwil annibynnol estynedig yn eich prosiect traethawd hir blwyddyn olaf (ar bwnc a ddewisir ac a ddiffinnir gennych chi)
  • cynhyrchu corff o waith sy'n dangos cydlyniad cysyniadol a thechnegol 
  • eich arbenigeddau eich hun wedi’u dewis o blith ystod amrywiol o fodiwlau dewisol* a ddysgir gan ymchwilwyr yn y meysydd hynny.

*Mae ein modiwlau dewisol yn cynnwys pynciau megis drama yn oes Elizabeth, y stori ysbryd, ffuglen cwiar, ysgrifennu i blant, Rhamantiaeth, a llawer mwy.     

Yn ystod eich blwyddyn olaf, byddwch yn cyfuno’r holl sgiliau rydych wedi’u dysgu yn ystod y radd tair blynedd i greu corff o waith ansoddol ar gyfer arddangosfa gyhoeddus, a chewch gyfle hefyd i gymryd rhan mewn encil ysgrifennu mewn tŷ gwledig yng nghanolbarth Cymru - cyfle anhygoel i dreulio amser gyda chyd-fyfyrwyr a staff, gan ddatblygu eich prosiectau a'ch traethodau hir, mewn lleoliad gwledig prydferth. 

Sut fydda i'n cael fy nysgu?

Caiff ein cwrs gradd ei ddysgu trwy gyfuniad o ddarlithoedd, seminarau a thiwtorialau un i un. Rydym hefyd yn annog dysgu hunan-gyfeiriedig, sydd â’r nod o ysgogi eich diddordeb academaidd mewn Llenyddiaeth Saesneg a meithrin eich datblygiad personol a deallusol.

Cewch eich asesu ar ffurf traethodau, arholiadau a chyflwyniadau llafar. Bydd gofyn i chi hefyd gwblhau aseiniadau ychwanegol, nad ydynt yn cael eu hasesu, a gweithio gydag eraill ar dasgau penodol.

Rhagor o Wybodaeth

Wrth i chi astudio, byddwch yn datblygu ystod o sgiliau a fydd yn fanteisiol i chi mewn astudiaethau pellach neu unrhyw weithle i raddedigion. Byddwch yn dysgu i: ddefnyddio technegau beirniadol amrywiol wrth drin testunau; datblygu ymarfer myfyriol mewn darllen ac ysgrifennu; mynegi dadansoddiadau beirniadol manwl o'ch pwnc; ac ymateb i unrhyw dasg gyda chreadigrwydd, steil a dawn.

Bydd tiwtor personol yn cael ei neilltuo ar eich cyfer a fydd yn eich helpu ag unrhyw broblemau neu ymholiadau, boed academaidd neu fugeiliol. Bydd eich tiwtor personol hefyd yn gyfrifol am gyflwyno tiwtorialau a fydd yn eich helpu i ddatblygu sgiliau allweddol. Byddwch hefyd yn cael cyfle i gwblhau Cynllun Datblygu Personol (CDP) yn Aberystwyth. Mae hon yn broses strwythuredig o hunanwerthuso, myfyrio, a chynllunio, a fydd yn eich galluogi i olrhain eich datblygiad personol, academaidd a phroffesiynol drwy gydol eich cyfnod yn y brifysgol. Drwy gofnodi eich perfformiad academaidd, ac amlygu'r sgiliau sydd gennych yn barod a'r sgiliau y bydd eu hangen arnoch ar gyfer cyflogadwyedd yn y dyfodol, bydd y portffolio CDP yn rhoi'r offer angenrheidiol i chi gynllunio'n effeithiol, datblygu dulliau llwyddiannus o astudio, ac ystyried eich dewisiadau gyrfaol a'ch dyheadau ar gyfer y dyfodol.

Tystiolaeth Myfyrwyr

Mae'r darlithwyr yn hynod frwdfrydig ac yn wybodus iawn ynglŷn â chelf a’u meysydd pwnc. Rwy'n teimlo fy mod i’n tyfu ac yn gwella fel artist drwy’r amser, gan fod fy nhiwtoriaid yn cymryd amser i roi adborth adeiladol i mi. Amelia Jenkinson

Rwyf wrth fy modd â'r amrywiaeth y mae Celfyddyd Gain yn ei chynnig - nid oes rheolau pendant o ran y gwaith y gallwch ei greu, a gallwch roi mynegiant llawn i’ch syniadau ym mha bynnag ffordd y dymunwch. Mae'r tiwtoriaid yn gymwynasgar ac yn gefnogol ac mae rhywun wrth law bob amser i roi cyngor, boed aelodau staff neu fyfyrwyr eraill. Jamie Carpenter-White

Y peth cyntaf i mi sylwi arno wrth astudio Celf Gain ym Mhrifysgol Aberystwyth oedd yr awyrgylch cyfeillgar a chroesawgar. Rwyf wrth fy modd â’r ffaith bod fy nghwrs yn cael ei gynnal mewn adeilad â phensaerniaeth mor arbennig, gyda golygfeydd trawiadol dros y môr. Roeddwn i'n teimlo mor gartrefol yn Aberystwyth a buaswn yn argymell y lle i unrhyw un sydd eisiau gwneud gradd mewn Celf. Laura Beryl Eileen Bosley

Gofynion Mynediad Nodweddiadol

Tariff UCAS 120 - 104

Safon Uwch BBB-BCC to include B in Art, plus satisfactory portfolio

Gofynion TGAU (o leiaf gradd C/4):
English or Welsh

Diploma Cenedlaethol BTEC:
DDM-DMM, plus satisfactory portfolio

Bagloriaeth Ryngwladol:
30-28, plus satisfactory portfolio

Bagloriaeth Ewropeaidd:
75%-65%, plus satisfactory portfolio

Mae'r Brifysgol yn croesawu ceisiadau israddedig gan fyfyrwyr sy'n astudio'r Diploma Mynediad i Addysg Uwch neu gymwysterau lefel T, ar yr amod eu bod yn cyflawni'r canlyniadau perthnasol o ran cynnwys y pwnc a'r dysgu. Ni allwn dderbyn Diplomâu Mynediad i Addysg Uwch na lefelau T fel cymhwyster cyffredinol ar gyfer pob cwrs gradd israddedig.
Mae ein polisi derbyn cynhwysol yn rhoi gwerth ar ehangder yn ogystal â dyfnder yr astudio. Dewisir ymgeiswyr ar sail eu teilyngdod eu hunain a gall cynigion amrywio. Os hoffech wirio a yw eich cymwysterau yn gymwys cyn cyflwyno cais, cysylltwch â'r Swyddfa Derbyn Israddedigion am gyngor ac arweiniad.

Yn ôl i'r brig

|