Cyfrifeg a Chyllid

Pam astudio BSc Cyfrifeg a Chyllid ym Mhrifysgol Aberystwyth?

Mae ein staff dysgu yn cynnwys ymchwilwyr ac ymarferwyr yn y diwydiant, a fydd yn eich cynorthwyo i ddatblygu dealltwriaeth eang o’r cyd-destun gweithredol ac effaith mesur a datgelu gwybodaeth ariannol ar lif arian, polisïau mewnol a systemau ariannol.

Bydd hyn yn eich galluogi i fagu dealltwriaeth o sut y gellir defnyddio data ariannol er mwyn dylanwadu ar reolwyr, buddsoddwyr a’r sawl sy’n gwneud penderfyniadau; a sut y gall y modd y caiff gwybodaeth ariannol ei chyflwyno effeithio ar hyd bywyd (a phroffidioldeb cynaliadwyedd) cwmnïau neu sefydliadau yn y sector cyhoeddus.

Byddwch yn elwa o:

• astudio am radd sy’n cael ei hachredu gan brif gyrff cyfrifeg y byd
• cael eich addysgu a’ch mentora gan ddarlithwyr sy’n gyfrifwyr cymwysedig ac yn ymarferwyr, ac sydd â llawer o brofiad yn y diwydiant yn ogystal â phrofiad academaidd
• cael eich cyflwyno i faterion cyfreithiol sy’n berthnasol i’r amgylchedd busnes
• gweithio gyda Refinitiv Workspace sy’n rhoi cyfle i fanteisio ar ddata
• ariannol a dangosyddion economaidd cwmnïau, yn ogystal â newyddion a dadansoddi, i roi ichi brofiad dysgu mwy cyfoethog a rhyngweithiol
• cael eich eithrio o arholiadau proffesiynol prif gyrff arholi cyfrifeg y DU sy'n cynnwys ACCA, CIMA, ICAEW, CIPFA, CII ac ICAS.

Ein Staff

Caiff myfyrwyr Ysgol Fusnes Aberystwyth eu dysgu gan ddarlithwyr a staff dysgu eraill sy'n weithgar mewn gwaith ymchwil ac yn ymarferwyr arbenigol yn eu dewis maes. 

Mae gan dros 75% o’r aelodau o staff sy’n dysgu’n llawn amser gymhwyster hyd at lefel PhD. Ar hyn o bryd mae'r rhan fwyaf ohonynt yn weithgar mewn gwaith ymchwil, sy'n golygu bod myfyrwyr yn elwa o gael dysgu gwybodaeth 'newydd' yn eu dewis maes yn ogystal ag astudio testunau cydnabyddedig. Mae'r Ysgol hefyd yn cyflogi staff rhan-amser a llawn amser sydd wedi'u neilltuo ar gyfer dysgu yn unig.  Mae llawer o’r staff rhan-amser yn cyfuno dyletswyddau dysgu gyda gwaith ymgynghori a gweithgareddau busnes, gan sicrhau bod myfyrwyr yn gallu cael gafael nid yn unig ar yr ymchwil ddiweddaraf ond hefyd yr wybodaeth gymhwysol ddiweddaraf.

Mae cwmnïau cyfrifeg, banciau buddsoddi a sefydliadau ariannol yn cynnig amrywiaeth eang o gyfleoedd gyrfa i gyd-fynd â phob diddordeb gan gynnwys gwaith archwilio a sicrwydd traddodiadol, ymgynghori rheoli, cyllid corfforaethol, ymgynghori TG, cynllunio treth a methdalu. Rydym wedi ffurfio cysylltiadau â’r holl brif gyflogwyr Cyfrifeg a Chyllid. Yn ogystal â gosod ein myfyrwyr mewn cwmnïau cyfrifeg traddodiadol gan gynnwys Deloitte, PwC, E&Y, a KPMG, mae ein graddedigion mwyaf diweddar wedi dod o hyd i gyflogaeth gyda sefydliadau adnabyddus eraill fel y BBC, Barclays, y Gwasanaeth Iechyd Gwladol a Lidl.

Cyrchfannau Graddedigion

• Cyfrifydd Siartredig
• Cyfrifydd Ardystiedig Siartredig
• Cyfrifydd Rheoli Siartredig
• Cyfrifydd Cyllid Cyhoeddus Siartredig
• Technegydd Cyfrifydd.

Mae rhai o'n graddedigion hefyd wedi archwilio llwybrau eraill:

• Cynghorydd Treth
• Archwiliwr
• Dadansoddwr Buddsoddi
• Masnachwr Ariannol
• Banciwr Manwerthu
• Economegydd
• Actiwari.

Rwyf wrth fy modd gyda pha mor frwdfrydig yw ein darlithwyr. Maent i gyd yn barod i helpu ac maent yn deall nad yw rhai ohonom am fod yn gyfrifwyr mewn gwirionedd, ond maent yn barod i'n helpu i gael graddau da yn ein harholiadau. Mae hefyd yn hawdd IAWN siarad â nhw! Rowan Kemeys 

Mae'n darparu amrywiaeth eang o wybodaeth sy'n berthnasol i fusnes yn ogystal â marchnadoedd y byd. Mae’n heriol, ond yn werth chweil ar yr un pryd. Mae’n hawdd iawn mynd i sgwrsio â’r tiwtoriaid ac maent bob amser ar gael i siarad ac yn barod i helpu pryd bynnag y bydd angen rhywfaint o arweiniad arnoch. Mae'r holl gyngor gyrfaoedd yr wyf wedi'i gael hyd yn hyn wedi fy helpu i benderfynu ar y cyfeiriad yr hoffwn ei ddilyn yn ddelfrydol yn y dyfodol. Harry James Geyton 

Mae gradd N400 Cyfrifeg a Chyllid wedi rhoi dealltwriaeth eang i mi o fusnes ac wedi fy ngalluogi i adeiladu ar fy ngwybodaeth am ddiwydiant a'r economi gyfan. Rwyf wrth fy modd yn astudio cyfrifeg oherwydd mae'n rhoi safbwynt hollol wahanol i mi ar fyd busnes. Mae cymaint mwy i gyfrifeg nag y mae'r rhan fwyaf o bobl yn ei feddwl; nid cadw cyfrifon yn unig yw cyfrifeg. Mae wedi fy ngalluogi i astudio cwmnïau a rhoi gwell dealltwriaeth i mi o'u cymhlethdodau yn ogystal â'u potensial. Emma Louise Taberner