Cyfrifeg a Chyllid / Economeg

Pam astudio Cyfrifeg a Chyllid gydag Economeg? 

• Mae'n graddau ni wedi'u hachredu gan: ACCA, CIMA, ICAEW, CIPFA, CII, ICAS. 
• Bydd y rhaglen hon yn helpu i roi i chi lwybr cyflym i yrfa fel cyfrifydd, gan y bydd yn rhoi eithriad i chi rhag gorfod sefyll arholiadau proffesiynol allweddol.
• Wrth astudio’r cwrs hwn fe gewch y cyfle i graffu ar Economeg Busnesau ac ar themâu Economeg megis creu swyddi, pwysau chwyddiant, materion masnach ryngwladol, proses cystadleuaeth mewn busnes, arloesi a thwf, datblygiad gwledydd y trydydd byd, diogelu adnoddau naturiol, a llunio polisi llywodraethau. 
• Bydd elfen ariannol y cwrs hwn yn rhoi i chi’r set o sgiliau i allu cyflawni a chyfleu, yn llwyddiannus ac effeithiol, agweddau technegol a meintiol ar Economeg. 
• Byddwch yn cael eich dysgu a'ch mentora gan gyfrifwyr cymwysedig a chydnabyddedig sydd â chyfoeth o brofiad o’r diwydiant ac o academia. 
• Mae ein BSc mewn Cyfrifeg a Chyllid yn cynhyrchu graddedigion llwyddiannus o safon uchel sy’n mynd i gyflogaeth neu hyfforddiant pellach erbyn 6 mis ar ôl graddio (HESA 2018). 

Ein Staff

Caiff myfyrwyr Ysgol Fusnes Aberystwyth eu dysgu gan ddarlithwyr a staff dysgu eraill sy'n weithgar mewn gwaith ymchwil ac yn ymarferwyr arbenigol yn eu dewis maes. 

Mae gan dros 75% o’r aelodau o staff sy’n dysgu’n llawn amser gymhwyster hyd at lefel PhD. Ar hyn o bryd mae'r rhan fwyaf ohonynt yn weithgar mewn gwaith ymchwil, sy'n golygu bod myfyrwyr yn elwa o gael dysgu gwybodaeth 'newydd' yn eu dewis maes yn ogystal ag astudio testunau cydnabyddedig. Mae'r Ysgol hefyd yn cyflogi staff rhan-amser a llawn amser sydd wedi'u neilltuo ar gyfer dysgu yn unig.  Mae llawer o’r staff rhan-amser yn cyfuno dyletswyddau dysgu gyda gwaith ymgynghori a gweithgareddau busnes, gan sicrhau bod myfyrwyr yn gallu cael gafael nid yn unig ar yr ymchwil ddiweddaraf ond hefyd yr wybodaeth gymhwysol ddiweddaraf.

Rhagolygon Gyrfaol: O'r Campws i'ch Gyrfa

Mae ein graddedigion wedi ymuno’n llwyddiannus â nifer o sectorau: 

• Cyfrifeg Siartedig
• Bancio Buddsoddi;
• Yswiriant;
• Gwarantu;
• Rheoli Risg;
• Rheoli Marchnata;
• Rheoli Manwerthu;
• Rheoli Logisteg a Dosbarthu;
• Gweithredydd Gwerthiannau.

Pa sgiliau fydd y radd hon yn eu rhoi i fi?

• O astudio am ein gradd mewn Cyfrifeg a Chyllid/ Economeg Busnes fe gewch y sgiliau canlynol:
• Deall ymddygiad a strwythur sefydliadau; 
• Gwell sgiliau rhifedd a'r gallu i ymchwilio, dehongli a defnyddio data busnes ac ariannol;
• Dealltwriaeth ddofn o’r hyn sy’n achosi newidiadau economaidd a newidiadau allanol eraill, ac o’u heffeithiau;
• Y gallu i gyfathrebu'n glir yn ysgrifenedig ac ar lafar;
• Datrys problemau’n effeithiol;
• Sgiliau dadansoddi a meddwl yn greadigol;
• Gwneud penderfyniadau;
• Gallu gweithio'n annibynnol ac yn aelod o dîm; 
• Sgiliau rheoli amser a threfnu;
• Hunanddibyniaeth a'r gallu i’ch ysgogi eich hun.

Pa gyfleoedd profiad gwaith a geir ym Mhrifysgol Aberystwyth? 

Dysgwch fwy am y gwahanol gyfleoedd am gyflogaeth y mae ein Gwasanaeth Gyrfaoedd ym Mhrifysgol Aberystwyth yn eu cynnig.

Gallwch wella'ch cyfleoedd cyflogaeth gyda GO Wales a BMG (y cynllun Blwyddyn mewn Gwaith) sy'n cael eu rheoli gan ein hadran Gyrfaoedd.