Gwyddor Anifeiliaid

Pam astudio Gwyddor Anifeiliaid ym Mhrifysgol Aberystwyth?

• Byddwch yn cael eich addysgu gan arbenigwyr brwdfrydig, y mae'n bosib y byddwch eisoes wedi'u gweld ar raglenni dogfen ar y teledu neu eu clywed ar eich hoff raglen radio.
• Bydd gennych fynediad at gyfleusterau ceffylau modern sy'n darparu adnoddau addysgol, cystadlu a stablau hurio.
• Mae gan gwrs y radd hon strwythur hyblyg, sy'n caniatáu i chi ganolbwyntio ar un o'r meysydd hyn yn yr ail a'r drydedd flwyddyn: Gwyddor Ymddygiadol; Gwyddor Anifeiliaid Fferm; neu Wyddor Ceffylau.
• Mae'r Brifysgol yn cynnig dros 1000 hectar o dir amaeth, gan gynnwys ffermydd defaid iseldir ac ucheldir; buches laeth â 500 o wartheg; systemau cynhyrchu cig eidion dwys ac eang a chanolfan geffylau.
• Yn amgylchynu campws y brifysgol, mae coetir lleol sydd â thros gant o flychau nythu a chartrefi ar gyfer natur. 
• O gwmpas Aberystwyth, gallwch archwilio cynefinoedd hardd ar garreg y drws, gan gynnwys y môr, rhostir, mynyddoedd, glaswelltir a'r arfordir, sy'n darparu amrywiaeth o gyfleoedd gwych i chi ar gyfer gwaith maes a hamdden.
• Mae bywyd gwyllt lleol yn cynnwys barcutiaid coch a dolffiniaid trwyn potel i enwi ond rhai.
• Mae gan yr Adran amgueddfa fendigedig hefyd, sy'n llawn sbesimenau swolegol hanesyddol. 

Hoffech chi astudio yn Gymraeg?

Gall myfyrwyr ddewis astudio nifer o fodiwlau IBERS drwy gyfrwng y Gymraeg. Mae rhagor o wybodaeth ar gael o dan y tab modiwlau!

Ein Staff

Mae gan y rhan fwyaf o staff dysgu Athrofa'r Gwyddorau Biolegol, Amgylcheddol a Gwledig gymwysterau hyd at safon PhD ac maent yn ymchwilwyr gweithgar. Hefyd, mae gan staff y cyrsiau galwedigaethol gefndir ym myd diwydiant.  Mae yn yr Athrofa nifer fawr o staff sy'n gwneud ymchwil yn unig ac mae'n bosib y bydd y myfyrwyr yn dod i gysylltiad â hwy.

Noder: Y modiwlau a restrir isod yw'r modiwlau y bwriedir eu cyflwyno ar hyn o bryd yn ystod y flwyddyn academaidd nesaf ac mae'n bosibl y gallant newid. Maent wedi'u cynnwys yma i roi syniad o strwythur y cwrs.

Pa ragolygon gyrfa fydd gen i?

Bydd y radd hon yn caniatáu i chi archwilio gyrfa mewn:

• Asesu llesiant anifeiliaid dof;
• Defnyddio geneteg i gynyddu effeithlonrwydd rhaglenni bridio ar gyfer anifeiliaid dof;
• Maetheg anifeiliaid;
• Addysgu, gan gynnwys mewn addysg bellach neu addysg uwch;
• Ymchwil ar draws sbectrwm Gwyddor Anifeiliaid;
• Cyhoeddi gwyddonol;
• Gwaith labordy yn y sector preifat a'r sector cyhoeddus.

Pa gyfleoedd sydd ar gael am brofiad gwaith wrth astudio? 

Cliciwch yma i ddysgu am y gwahanol gyfleoedd y mae tîm Gyrfaoedd Prifysgol Aberystwyth yn eu cynnig.

Gallwch wella'ch cyfleoedd cyflogaeth gyda GO Wales a BMG (y cynllun Blwyddyn mewn Gwaith) sy'n cael eu rheoli gan ein hadran Gyrfaoedd. 

Beth ydw i'n ei ennill o astudio Gwyddor Anifeiliaid?

Yn ogystal â'r cyrsiau sy'n benodol i yrfa, mae ein gradd ym Mhrifysgol Aberystwyth yn dysgu ystod eang o sgiliau trosglwyddadwy i chi, megis arsylwi, ymchwilio, dadansoddi ac ôl-fyfyrio.

Byddwch hefyd yn astudio mewn adran sydd wedi buddsoddi dros £55 miliwn mewn seilwaith o gyfleusterau ar gyfer myfyrwyr.

Mae gan yr adran gysylltiadau agos gyda llawer o gymdeithasau dysgedig megis Cymdeithas Gwyddor Anifeiliaid Prydain, a sefydliadau ymchwil rhyngwladol, sy'n cynnig ffordd wych o rwydweithio gyda'r rhai yn eich maes.

Astudio Gwyddor Anifeiliaid yn Aberystwyth oedd y profiad gorau ges i erioed. Nid yn unig wnaeth y profiad roi cipolwg i fi o'r maes ro'n i am greu gyrfa ynddo, ond fe wnaeth hefyd fy mharatoi ar gyfer bywyd y tu allan i'r Brifysgol. Mae'r modiwlau maetheg, bridio anifeiliaid ac iechyd anifeiliaid, i enwi dim ond rhai, yn codi'n aml yn fy swydd bob dydd. O'r darlithwyr i gynnwys y cwrs, does dim rhan o'r Brifysgol na fy nghwrs nad ydw i'n gweld ei eisiau ac yn edrych yn ôl arno gyda gwên. Sarah - BSc Gwyddor Anifeiliaid. Fformiwleiddiwr Bwyd Anifeiliaid, ForFarmers

Rydw i wrth fy modd ag agwedd ymarferol y cwrs Gwyddor Anifeiliaid, a'r darlithoedd diddorol. Mae gallu dewis llwybr yn golygu bod modd i ni arbenigo ac astudio'r hyn sydd fwyaf o ddiddordeb i ni o'r ail flwyddyn ymlaen. Mae bod yn Aberystwyth yn golygu bod digon o gyfle ar gyfer wyna a gwneud gwaith fferm ochr yn ochr â fy astudiaethau. Lewis Wescott

Mae'r cwrs wedi cynyddu fy ngwybodaeth yn sylweddol. Mae wedi agor llawer o ddrysau ar gyfer rhagolygon fy ngyrfa neu ar gyfer astudio ymhellach. Caitlin Jenkins

Dewisais Brifysgol Aberystwyth oherwydd ei henw ardderchog, yr ystod eang o fodiwlau oedd ar gael, ac oherwydd y cyfleusterau marchogaeth. Rwy'n cofio'r Brifysgol fel cymysgedd wych o fywyd gyda cheffylau, cwrdd â ffrindiau gwych gyda diddordebau tebyg, ac astudio pynciau a oedd yn agos at fy nghalon. Barbara - Rheolwr Masnachol, Iechyd Anifeiliaid ar gyfer Labordai Charles River

Gwneud Gwyddor Anifeiliaid ym Mhrifysgol Aberystwyth oedd penderfyniad gorau fy mywyd – mae wedi fy mowldio i'r person ydw i heddiw. Roedd pawb mor gyfeillgar, ac roedd y cwrs wedi'i osod ar yr union lefel gywir, gyda chyfleusterau gwych o astudio yn y llyfrgelloedd i'r sesiynau ymarferol yn y labordai a'r maes. Helpodd fy nghwrs drwy roi cipolwg i fi o'r diwydiant ffermio, ochr yn ochr â dealltwriaeth ddofn o anatomeg a ffisioleg yr anifeiliaid rydw i'n gweithio gyda nhw bob dydd.

Dawn - Arolygydd Marchnata Wyau ar gyfer Asiantaeth Iechyd Anifeiliaid a Labordai Milfeddygol (AHVLA), sy'n rhan o DEFRA

A minnau wedi fy magu yn nwyrain Lloegr, doeddwn i erioed wedi bod i Gymru tan i fi ddod i ymweld â Phrifysgol Aberystwyth. Gwerthwyd 'Aber' i fi y diwrnod hwnnw. Nid yn unig roedd y lleoliad yn wirioneddol hardd, ond roedd y cwrs Gwyddor Anifeiliaid yn sefyll allan wrth ymyl prifysgolion eraill ro'n i wedi gwneud cais amdanynt, gan fy ngalluogi i arbenigo mewn meysydd pwnc penodol sy'n addas ar gyfer fy sgiliau a fy niddordebau.

Laura - Ymgynghorydd Maetheg, Dodson and Horrell Ltd