Gwyddor Anifeiliaid (gyda blwyddyn integredig mewn diwydiant)

• Mae maes llafur y cwrs hwn gyda blwyddyn integredig mewn diwydiant yn union yr un fath â'i chwaer gwrs, BSc Gwyddor Anifeiliaid (D306). Rhaid i'ch profiad gwaith fod yn berthnasol i'r radd hon; asesir y flwyddyn a bydd yn cyfri tuag at eich gradd.
• Bydd disgwyl i fyfyrwyr drefnu eu profiad gwaith o dan arweiniad ein Cyfarwyddwr Cyflogadwyedd. Nid oes sicrwydd y byddwch yn cael eich talu am y profiad gwaith. (Os na allwch ddod o hyd i leoliad, bydd angen i chi drosglwyddo i'w chwaer gwrs, BSc Gwyddor Anifeiliaid (D306).
• Yn ystod eich blwyddyn o brofiad gwaith, byddwch yn talu ffioedd dysgu gostyngol, a gellir dod o hyd i'r manylion yma.
• Mae ein hystod eang o gyfleusterau'n cynnwys: cyfleuster ceffylau modern sy'n darparu adnoddau addysgol, cystadlu a stablau hurio.
• Strwythur hyblyg i'r cwrs, sy'n caniatáu i chi ganolbwyntio ar un o'r meysydd hyn yn yr ail a'r drydedd flwyddyn: Gwyddor Anifeiliaid Anwes a Cheffylau neu Wyddor Anifeiliaid Fferm.
• Mae'r Brifysgol yn cynnig dros 1000 hectar o dir amaeth, gan gynnwys ffermydd defaid iseldir ac ucheldir, buches laeth â 500 o wartheg, systemau cynhyrchu cig eidion dwys ac eang, canolfan geffylau a haid o ieir dodwy.
• Coetir prifysgol sydd â thros gant o flychau nythu a chartrefi ar gyfer natur.
• Gall myfyrwyr fwynhau cynefinoedd hardd ar garreg y drws, gan gynnwys y môr, rhostir, mynyddoedd, glaswelltir a'r arfordir, sy'n darparu amrywiaeth o gyfleoedd gwych ar gyfer gwaith maes a hamdden. 
• Rhywogaethau carismatig fel barcutiaid coch, dolffiniaid trwyn potel, a rhagor... 
• Mae IBERS yn gartref i amgueddfa fendigedig sy'n llawn sbesimenau swolegol hanesyddol. 

Ein Staff

Mae gan y rhan fwyaf o staff dysgu Athrofa'r Gwyddorau Biolegol, Amgylcheddol a Gwledig gymwysterau hyd at safon PhD ac maent yn ymchwilwyr gweithgar. Hefyd, mae gan staff y cyrsiau galwedigaethol gefndir ym myd diwydiant.  Mae yn yr Athrofa nifer fawr o staff sy'n gwneud ymchwil yn unig ac mae'n bosib y bydd y myfyrwyr yn dod i gysylltiad â hwy.

Noder: Y modiwlau a restrir isod yw'r modiwlau y bwriedir eu cyflwyno ar hyn o bryd yn ystod y flwyddyn academaidd nesaf ac mae'n bosibl y gallant newid. Maent wedi'u cynnwys yma i roi syniad o strwythur y cwrs.

Pa ragolygon gyrfa fydd gen i?

Bydd y radd hon yn caniatáu i chi archwilio gyrfa mewn:

• Asesu llesiant anifeiliaid dof
• Defnyddio geneteg i gynyddu effeithlonrwydd rhaglenni bridio ar gyfer anifeiliaid dof
• Maetheg anifeiliaid
• Addysgu, gan gynnwys mewn addysg bellach neu addysg uwch
• Ymchwil ar draws sbectrwm Gwyddor Anifeiliaid
• Cyhoeddi gwyddonol
• Gwaith labordy yn y sector preifat a'r sector cyhoeddus

Beth ydw i'n ei ennill o astudio Gwyddor Anifeiliaid?

Yn ogystal â'r cyrsiau sy'n benodol i yrfa, mae ein gradd ym Mhrifysgol Aberystwyth yn dysgu ystod eang o sgiliau trosglwyddadwy i chi, megis arsylwi, ymchwilio, dadansoddi ac ôl-fyfyrio.

Byddwch hefyd yn astudio mewn adran sydd wedi buddsoddi dros £55 miliwn yn y seilwaith o gyfleusterau ar gyfer myfyrwyr.

Mae gan yr adran gysylltiadau agos gyda llawer o gymdeithasau dysgedig megis Cymdeithas Gwyddor Anifeiliaid Prydain, a sefydliadau ymchwil rhyngwladol, sy'n cynnig ffordd wych o rwydweithio gyda'r rhai yn eich maes.

Eich blwyddyn mewn diwydiant:

Yn ddi-os, byddwch yn magu hyder, a bydd ennill profiad yn y diwydiant yn ysgogi eich brwdfrydedd am y pwnc.

 Bydd cwblhau blwyddyn mewn diwydiant yn eich galluogi:

• I gymhwyso'r dysg o'ch cwrs i'r amgylchedd gwaith;
• I wneud cysylltiadau yn y diwydiant;
• I ddatblygu sgiliau ymarferol sy'n gysylltiedig â'ch maes astudio;
• I gymhwyso eich sgiliau ymarferol a'ch gwybodaeth dechnegol ar ôl dychwelyd i astudio;
• I wella eich CV a pharatoi eich hun yn well am swydd ar ôl graddio.

Dylai myfyrwyr ar y cynllun hwn nodi nad oes gan yr athrofa leoliadau awtomatig ar gyfer pob ymgeisydd. Chi fydd yn gyfrifol am ddod o hyd i'r profiad gwaith. Fodd bynnag, bydd Cydlynydd Profiad Gwaith ein hathrofa yn gallu eich cynorthwyo, yn ogystal â'n cynghorydd gyrfaoedd penodedig (James Cuffe, jpc11@aber.ac.uk). Os na fyddwch yn dod o hyd i brofiad gwaith, bydd modd i chi drosi eich cwrs yn fersiwn tair blynedd o'r pwnc yn lle.