Cyllid Busnes

Dysgir elfennau cyllid y rhaglen er mwyn eich ysbrydoli a’ch dysgu am gymwysiadau damcaniaethol ac ymarferol sylfaenol cyfrifeg er mwyn i sefydliadau allu gwneud penderfyniadau ariannol ar sail gwybodaeth.

Byddwch hefyd yn archwilio’r meysydd canlynol ar y cwrs hwn: cyllid rheoli, trethi, hanfodion buddsoddi, rheoli portffolios a chyllid byd-eang.

Dyma rai o’r cyfleoedd sydd ar gael i fyfyrwyr Cyllid Busnes yn Aberystwyth:

• clywed amrywiol safbwyntiau gan ymwelwyr gwadd o’r diwydiant fydd yn dod i roi darlithoedd
• cael eich eithrio o arholiadau cyrff cyfrifeg proffesiynol y DU
• gwella’ch cyfleoedd gyrfaol trwy bartneriaethau â busnes, diwydiant a masnach
• cael eich dysgu gan ddarlithwyr sy’n gwneud ymchwil, a fydd yn sicrhau eich bod yn cael y wybodaeth ddiweddaraf yn y maes pwnc
• gweithio gyda Refinitiv Workspace sy’n rhoi cyfle i fanteisio ar ddata ariannol a dangosyddion economaidd cwmnïau, yn ogystal â newyddion a dadansoddi, i roi ichi brofiad dysgu mwy cyfoethog a rhyngweithiol
• y cyfle i ymuno â’n Cymdeithas Buddsoddi er mwyn cymryd rhan mewn ymryson rhwng prifysgolion Cymru ac Iwerddon - cystadleuaeth y mae tîm Aberystwyth wedi ei hennill yn y blynyddoedd diweddar.

Ein Staff

Caiff myfyrwyr Ysgol Fusnes Aberystwyth eu dysgu gan ddarlithwyr a staff dysgu eraill sy'n weithgar mewn gwaith ymchwil ac yn ymarferwyr arbenigol yn eu dewis maes. 

Mae gan dros 75% o’r aelodau o staff sy’n dysgu’n llawn amser gymhwyster hyd at lefel PhD. Ar hyn o bryd mae'r rhan fwyaf ohonynt yn weithgar mewn gwaith ymchwil, sy'n golygu bod myfyrwyr yn elwa o gael dysgu gwybodaeth 'newydd' yn eu dewis maes yn ogystal ag astudio testunau cydnabyddedig. Mae'r Ysgol hefyd yn cyflogi staff rhan-amser a llawn amser sydd wedi'u neilltuo ar gyfer dysgu yn unig.  Mae llawer o’r staff rhan-amser yn cyfuno dyletswyddau dysgu gyda gwaith ymgynghori a gweithgareddau busnes, gan sicrhau bod myfyrwyr yn gallu cael gafael nid yn unig ar yr ymchwil ddiweddaraf ond hefyd yr wybodaeth gymhwysol ddiweddaraf.

Mae cyfleoedd cyflogaeth i raddedigion sydd â gradd mewn Cyllid Busnes yn cynnwys gweithio mewn meysydd megis bancio buddsoddi a manwerthu, ymgynghori ar reoli a chynllunio trethi.  

Mae llawer o’n myfyrwyr yn cymryd rhan mewn cynlluniau hyfforddiant cyllid i raddedigion ac yn dod o hyd i waith yn fuan iawn gyda busnesau a sefydliadau ariannol y DU neu’n rhyngwladol.  

Mae ein graddedigion wedi cael gyrfaoedd mewn: 

• Strategaeth Ariannol. 
• Proffesiwn actiwaraidd  
• Bancio corfforaethol  
• ⁠Treth 
• Dadansoddi buddsoddi 
• Masnachu ariannol 
• Bancio manwerthu. 

Pa sgiliau fydd y radd hon yn ei rhoi i fi? 

Bydd astudio gradd mewn Cyllid Busnes yn rhoi’r sgiliau canlynol i chi:  

• Deall ymddygiad a strwythur sefydliadol  
• Sgiliau rhifedd gwell a'r gallu i ymchwilio, dehongli a defnyddio data busnes ac ariannol  
• Dealltwriaeth ddofn o achosion ac effeithiau newidiadau economaidd a newidiadau allanol eraill 
• Y gallu i gyfathrebu'n glir yn ysgrifenedig ac ar lafar 
• Datrys problemau’n effeithiol 
• Sgiliau dadansoddi a meddwl yn greadigol 
• Gwneud penderfyniadau 
• Y gallu i weithio'n annibynnol ac yn aelod o dîm 
• Sgiliau rheoli amser a threfnu 
• Hunanddibyniaeth a'r gallu i ysgogi eich hun. 

Pa gyfleoedd profiad gwaith sydd ar gael i mi wrth i mi astudio?  

Dysgwch fwy am yr amrywiaeth o gyfleoedd y mae ein Gwasanaeth Gyrfaoedd yn ei gynnig. Gallwch wella eich rhagolygon am swydd trwy ein Cynllun Blwyddyn mewn Gwait

Mae'n darparu amrywiaeth eang o wybodaeth sy'n berthnasol i fusnes yn ogystal â marchnadoedd y byd. Mae’n heriol, ond yn werth chweil ar yr un pryd. Mae’n anhygoel o hawdd mynd i sgwrsio â’r tiwtoriaid ac maent bob amser ar gael i siarad ac yn barod i helpu pryd bynnag y bydd angen rhywfaint o arweiniad arnoch. Mae'r holl gyngor gyrfaoedd yr wyf wedi'i gael hyd yn hyn wedi fy helpu i benderfynu ar y cyfeiriad yr hoffwn ei ddilyn yn ddelfrydol yn y dyfodol. Harry James Geyton