Cyllid Busnes

Mae’r cwrs pedair blynedd hwn yn cynnwys blwyddyn sylfaen integredig, wedi'r flwyddyn honno mae'r cwrs yr un fath a'r cwrs tair blynedd safonol, BSc Cyllid Busnes (N130). 

Byddwch hefyd yn archwilio’r meysydd canlynol ar y cwrs hwn: cyllid rheoli, trethi, hanfodion buddsoddi, rheoli portffolios a chyllid byd-eang. 

Byddwch yn elwa o: 

• gael eithriadau i arholiadau cyfrifeg proffesiynol y DU 
• gwella eich cyfleoedd gyrfa drwy ein partneriaethau â busnes, diwydiant a masnach.  
• cael eich dysgu gan unigolion sy'n weithgar mewn gwaith ymchwil, gan sicrhau eich bod yn cael eich cyflwyno i'r damcaniaethau a'r wybodaeth ddiweddaraf yn y maes  
• gweithio gyda Refinitiv Workspace sy'n darparu data ariannol cwmnïau a dangosyddion economaidd yn ogystal â newyddion a dadansoddeg i roi profiad dysgu cyfoethocach a mwy rhyngweithiol i chi  
• clywed safbwyntiau go iawn trwy wrando ar ddarlithoedd gan weithwyr proffesiynol gwadd o’r diwydiant  
• ymuno â'n Cymdeithas Fuddsoddi i gymryd rhan mewn cystadleuaeth fasnachu rhwng prifysgolion Cymru ac Iwerddon, a enillwyd gan ein tîm yn Aberystwyth yn y blynyddoedd diwethaf.  

Ein Staff

Caiff myfyrwyr Ysgol Fusnes Aberystwyth eu dysgu gan ddarlithwyr a staff dysgu eraill sy'n weithgar mewn gwaith ymchwil ac yn ymarferwyr arbenigol yn eu dewis maes. 

Mae gan dros 75% o’r aelodau o staff sy’n dysgu’n llawn amser gymhwyster hyd at lefel PhD. Ar hyn o bryd mae'r rhan fwyaf ohonynt yn weithgar mewn gwaith ymchwil, sy'n golygu bod myfyrwyr yn elwa o gael dysgu gwybodaeth 'newydd' yn eu dewis maes yn ogystal ag astudio testunau cydnabyddedig. Mae'r Ysgol hefyd yn cyflogi staff rhan-amser a llawn amser sydd wedi'u neilltuo ar gyfer dysgu yn unig.  Mae llawer o’r staff rhan-amser yn cyfuno dyletswyddau dysgu gyda gwaith ymgynghori a gweithgareddau busnes, gan sicrhau bod myfyrwyr yn gallu cael gafael nid yn unig ar yr ymchwil ddiweddaraf ond hefyd yr wybodaeth gymhwysol ddiweddaraf.

Mae cyfleoedd cyflogaeth i raddedigion sydd â gradd mewn Cyllid Busnes yn cynnwys gweithio mewn meysydd megis bancio buddsoddi a manwerthu, ymgynghori ar reoli a chynllunio trethi.  

Mae llawer o’n myfyrwyr yn cymryd rhan mewn cynlluniau hyfforddiant cyllid i raddedigion ac yn dod o hyd i waith yn fuan iawn gyda busnesau a sefydliadau ariannol y DU neu’n rhyngwladol.  

Mae ein graddedigion wedi cael gyrfaoedd mewn: 

• Strategaeth Ariannol. 
• Proffesiwn actiwaraidd  
• Bancio corfforaethol 
• ⁠Treth 
• Dadansoddi buddsoddi 
• Masnachu ariannol 
• Bancio manwerthu. 

Pa sgiliau fydd y radd hon yn ei rhoi i fi? 

Bydd astudio gradd mewn Cyllid Busnes yn rhoi’r sgiliau canlynol i chi:  

• Deall ymddygiad a strwythur sefydliadol  
• Sgiliau rhifedd gwell a'r gallu i ymchwilio, dehongli a defnyddio data busnes ac ariannol  
• Dealltwriaeth ddofn o achosion ac effeithiau newidiadau economaidd a newidiadau allanol eraill 
• Y gallu i gyfathrebu'n glir yn ysgrifenedig ac ar lafar 
• Datrys problemau’n effeithiol 
• Sgiliau dadansoddi a meddwl yn greadigol 
• Gwneud penderfyniadau 
• Y gallu i weithio'n annibynnol ac yn aelod o dîm 
• Sgiliau rheoli amser a threfnu 
• Hunanddibyniaeth a'r gallu i ysgogi eich hun. 

Pa gyfleoedd profiad gwaith sydd ar gael i mi wrth i mi astudio?  

Dysgwch fwy am yr amrywiaeth o gyfleoedd y mae ein Gwasanaeth Gyrfaoedd yn ei gynnig. Gallwch wella eich rhagolygon am swydd trwy ein Cynllun Blwyddyn mewn Gwaith.