Astudiaethau Plentyndod

BA Astudiaethau Plentyndod Cod X324 Dewch i Ddiwrnod Agored Dewch i Ddiwrnod Agored

Prif Ffeithiau

X324

Tariff UCAS

112 - 96
Hyd y cwrs

3 blynedd
Cyfrwng Cymraeg

87%

Ar gael ar gyfer Dechrau Medi 2025

Manylion pellach ynglŷn â'r gofynion mynediad

Bydd y radd hon yn eich galluogi i ddatblygu’r wybodaeth a’r ddealltwriaeth sydd eu hangen er mwyn rhagori mewn proffesiynau sy’n ymwneud â phlant. Yn yr Ysgol Addysg ym Mhrifysgol Aberystwyth rydym yn archwilio ystod eang o feysydd a ffactorau sy’n dylanwadu ar blentyn ac sy’n ganolog i ddatblygiad plentyn yn nes ymlaen.

Bydd y cwrs yn tynnu ar amrywiaeth o ddisgyblaethau er mwyn ehangu eich gwybodaeth a hybu meddwl beirniadol. Byddwch yn archwilio rhai o’r ffactorau sy’n dylanwadu ar ddatblygiad plant, yn ogystal â datblygu dealltwriaeth o gefndir gwleidyddol a deddfwriaethol plentyndod a’i oblygiadau i blant a’u teuluoedd.

Yn rhan o’r cwrs, bydd cyfle ichi fynd i leoliadau, i arsylwi ar y gwaith sy’n digwydd mewn lleoliad addysgol/plentyndod. Yn y gorffennol, mae'r rhain wedi cynnwys lleoliadau iechyd, meithrinfeydd ac ysgolion.

Trosolwg o'r Cwrs

Er mwyn gallu astudio rhai modiwlau ar gyfer y radd hon, mae’n bosibl y bydd angen gwiriad uwch gan y DBS (Datgelu a Gwahardd) drwy’r Ysgol Addysg am gost o £40. Mewn rhai amgylchiadau, gall y gost fod yn uwch, yn enwedig os ydych wedi byw y tu allan i'r DU am gyfnod.

Pam astudio Astudiaethau Plentyndod ym Mhrifysgol Aberystwyth?

Mae'r Ysgol Addysg wedi bod yn cynnig rhaglenni astudio ysgogol ac arloesol ers dros 100 mlynedd. Ni oedd y sefydliad cyntaf yn y DU i gynnig gradd anrhydedd mewn Addysg ac mae ein gradd Astudiaethau Plentyndod yn rhan hanfodol o'n darpariaeth.
Bydd ein rhaglen Astudiaethau Plentyndod yn eich galluogi i ystyried rhai o'r ffactorau cymdeithasegol a seicolegol sy'n dylanwadu ar ddatblygiad plant. Byddwch hefyd yn meithrin dealltwriaeth o'r cefndir gwleidyddol a deddfwriaethol i blentyndod a'i oblygiadau i blant a'u teuluoedd.
Ar lefel fwy personol, byddwch yn datblygu eich gallu i feddwl yn feirniadol, yn ogystal â gwella eich gallu i weithio gydag eraill mewn amrywiaeth o wahanol gyd-destunau. Byddwch hefyd yn cael y cyfle i ddysgu am amrywiaeth o yrfaoedd gwahanol, er mwyn i chi allu gwneud dewis gwybodus ynghylch beth i'w wneud ar ôl graddio.

Ein Staff

Mae gan ddarlithwyr cyrsiau israddedig yr Ysgol Addysg naill ai gymwysterau hyd at safon PhD neu maent yn ymarferwyr profiadol yn eu maes. Mae gan bob un o'r staff dysgu gymhwyster dysgu cydnabyddedig, neu maent yn gweithio tuag at gymhwyster o'r fath.

Modiwlau Dechrau Medi - 2025

Noder: Y modiwlau a restrir isod yw'r modiwlau y bwriedir eu cyflwyno ar hyn o bryd yn ystod y flwyddyn academaidd nesaf ac mae'n bosibl y gallant newid. Maent wedi'u cynnwys yma i roi syniad o strwythur y cwrs.

Modiwlau Craidd

Teitl y Modiwl	Cod y Modiwl	Gwerth Credyd
Datblygiad a Dysgu Plant	AD14520	20
Datblygiad Iaith	AD14320	20
Ymarfer Proffesiynol	AD10020	20

Opsiynau

Teitl y Modiwl	Cod y Modiwl	Gwerth Credyd
Addysg, Cynaliadwyedd a Dinasyddiaeth Foesegol	AD10320	20
Education, Sustainability and Ethical Citizenship	ED10320	20
Health and Wellbeing in the Early Years	ED14620	20
Play and Learning:Theory and Practice	ED13720	20

Modiwlau Craidd

Teitl y Modiwl	Cod y Modiwl	Gwerth Credyd
Llythrennedd Mewn Plant Ifanc	AD20220	20
Dulliau Ymchwil	AD20320	20
Diogelu ac Ymarfer Proffesiynol	AD24320	20

Opsiynau

Teitl y Modiwl	Cod y Modiwl	Gwerth Credyd
Discourses Language and Education	ED22420	20
Seiliau Addysgol : Golwg ar Gwricwlwm ac Asesu	AD20020	20

Modiwlau Craidd

Teitl y Modiwl	Cod y Modiwl	Gwerth Credyd
Traethawd Hir	AD33640	40
Datblygiad Mathemategol yn y Blynyddoedd Cynnar	AD30320	20

Opsiynau

Teitl y Modiwl	Cod y Modiwl	Gwerth Credyd
Children's Rights	ED30620	20
Emotional and Social Development	ED34820	20
Hawliau Plant	AD30620	20
Special Educational Needs	ED30420	20

Gyrfaoedd

Mae gan y radd hon hanes rhagorol o ran cyflogadwyedd. Mae llawer o'n graddedigion wedi dilyn gyrfaoedd yn y meysydd canlynol:

addysgu ac addysg (gan gynnwys anghenion addysgol arbennig)
gofal cymdeithasol
nyrsio
therapi lleferydd
gwaith cymdeithasol
llesiant plant
therapi chwarae
y diwydiant hamdden
cyfraith plant
ymchwil plentyndod.

Sgiliau Trosglwyddadwy

Bydd astudio am radd Astudiaethau Plentyndod yn eich paratoi gydag ystod o sgiliau trosglwyddadwy sy'n werthfawr iawn i gyflogwyr. Mae'r rhain yn cynnwys:

y gallu i fynegi syniadau a chyfleu gwybodaeth mewn modd clir a threfnus, yn ysgrifenedig ac ar lafar
sgiliau datrys problemau a meddwl creadigol effeithiol
y gallu i weithio'n annibynnol
sgiliau trefnu a rheoli amser, gan gynnwys y gallu i weithio i derfynau amser
hunanddibyniaeth a'r gallu i ysgogi eich hun
y gallu i weithio mewn tîm a thrafod cysyniadau mewn grwpiau, a rhoi lle i syniadau gwahanol a dod i gytundeb
sgiliau ymchwil.

Pa gyfleoedd sydd ar gael am brofiad gwaith wrth astudio?

Dysgwch am y gwahanol gyfleoedd sy'n cael eu cynnig gan y Gwasanaeth Gyrfaoedd a sut y gallwch chi wella'ch cyfleoedd cyflogaeth gyda Cynllun Blwyddyn mewn Gwaith (BMG).

Dysgu ac Addysgu

Sut bydda i'n dysgu?

Yn yr Ysgol Addysg, rydyn ni'n darparu ystod o gyfleoedd dysgu:

Mae darlithoedd mewn grwpiau mwy yn eich galluogi i gael dealltwriaeth amlinellol o'r syniadau a'r cysyniadau sy'n rhan o bob modiwl. Byddwch yn cael eich annog i drafod pwyntiau allweddol gyda'ch cydfyfyrwyr, i ateb cwestiynau, ac i ddatblygu eich barn a chyfnerthu eich dysgu. Bydd recordiadau sain o'ch holl ddarlithoedd ar gael, cyhyd â'ch bod wedi cofrestru ar y cwrs yn Aberystwyth.
Mae seminarau mewn grwpiau bach yn cynnwys gwaith mwy manwl ar elfennau penodol o fodiwlau. Gallai'r rhain gynnwys cymwysiadau mwy ymarferol o syniadau o'r darlithoedd, neu ddadansoddiad manwl o waith ymchwil neu waith darllen arall.
Mae gweithdai'n ymarferol. Caiff tasgau eu gosod sy'n cynnwys gwaith grŵp a gwaith unigol ar bynciau fel sgiliau astudio. Yn achlysurol, mae'r rhain hefyd yn cynnwys siaradwyr gwadd. Mae arloesiadau diweddar yn cynnwys defnydd o glustffonau realiti rhithwir er mwyn dod â'r dysgu'n fyw.

Beth fydda i'n ei astudio?

Ym mhob blwyddyn, bydd y modiwlau craidd yn rhoi sylfaen gadarn i chi mewn agweddau hanfodol ar Astudiaethau Plentyndod, er enghraifft:

Ym Mlwyddyn 1, mae'r modiwlau craidd yn trafod pynciau fel sut mae plant ifanc yn dysgu, a datblygiad deallusrwydd, personoliaeth a chanfyddiad mewn plant. Gallai modiwlau opsiynol gynnwys pynciau fel pwysigrwydd chwarae, datblygiad hanesyddol darpariaeth plentyndod yng Nghymru a Lloegr, a sgiliau allweddol ar gyfer y Brifysgol.
Ym Mlwyddyn 2, mae'r modiwlau craidd yn trafod pynciau fel damcaniaethau meddwl a dysgu, a datblygiad llythrennedd mewn plant. Mae modiwlau opsiynol yn cynnwys modiwl lleoliad gwaith, astudio addysg ddwyieithog, ac amrywiaeth ddiwylliannol mewn addysg.
Ym Mlwyddyn 3, byddwch yn teilwra'ch rhaglen i weddu i'ch diddordebau chi drwy eich traethawd hir. Gallech hefyd archwilio Anghenion Addysgol Arbennig neu hawliau plant, neu hyd yn oed ddewis cyflwyno pwnc gwyddonol i'r cyhoedd.

Sut bydd fy ngwaith yn cael ei asesu?

Bydd amrywiaeth o dechnegau asesu yn eich galluogi i wneud y mwyaf o'ch cryfderau.

Asesir rhai modiwlau drwy arholiadau a thraethodau, ond gallech hefyd gwblhau prosiectau, ymarferion llyfryddiaeth, dyddiaduron myfyriol, posteri, a chyflwyniadau. Nid yw ein pwysoliad arholiad yn fwy na 50% mewn unrhyw fodiwl. Yn ogystal, yn eich blwyddyn olaf, byddwch yn cael tasg o greu gêm ddysgu ar gyfer plant neu fyfyrwyr eraill. Bydd yn rhaid i chi greu gêm a'i chyflwyno gyda rhesymeg academaidd.

Tystiolaeth Myfyrwyr

Rydw i wrth fy modd gyda fy nghwrs gan fod y pynciau rydyn ni'n eu trafod yn ddiddorol ac yn berthnasol i fyd plentyndod. Mae'r darlithwyr yn angerddol iawn am y pwnc, sy'n cael ei adlewyrchu yn y ffyrdd amrywiol rydyn ni'n cael ein hasesu - fe gawson ni hyd yn oed gyfle i ddylunio ein gêm ein hunain! Mae hyn gymaint yn fwy ymarferol a realistig cael gweithio gyda phlant yn hytrach nag arholiad sych! Ar y cyfan, mae fy hyder mewn amrywiaeth o bynciau a fy ngallu fy hunan wedi cael eu cryfhau, sydd bob amser yn beth da mewn unrhyw yrfa. Byddwn yn sicr yn argymell y cwrs i unrhyw un sydd â diddordeb mewn gweithio gyda phlant, a gallaf eich sicrhau y byddwch yn cael cefnogaeth dda iawn gan staff mewn unrhyw fath o sefyllfa academaidd! Caroline Korell

Mae Astudiaethau Plentyndod yn gwrs anhygoel. Gan fod y cynnwys mor eang, mae wedi rhoi cymaint o gyfleoedd i fi archwilio meysydd newydd a chyffrous! Yr uchafbwynt i fi oedd cael cyfle i gyflawni'r lleoliadau gwaith mewn gwahanol lefydd i gael profiad ymarferol, sy'n hanfodol ar gyfer fy ngyrfa yn y dyfodol. Dw i wrth fy modd gyda fy ngradd! Chloe Tinsley-Hall

Mae Astudiaethau Plentyndod yn bwnc dymunol a diddorol. Mae'n rhoi cyfle i'r holl fyfyrwyr fynegi a datblygu eu hunain fel unigolion. Rydyn ni bob amser yn cael ein hannog i ymestyn ein dysgu drwy astudiaeth a gweithgareddau ychwanegol yn yr adran a'r brifysgol. Mae'r cydbwysedd cywir o arholiadau/gwaith cwrs ar y cynllun yn galluogi myfyrwyr i gyflawni eu llawn botensial. Mae'r holl staff yn gyfeillgar ac yn gefnogol; maen nhw'n rhoi cymorth i ni pan allan nhw, boed yn academaidd neu'n gymdeithasol. Eleanor Thompson

Gofynion Mynediad Nodweddiadol

Tariff UCAS 112 - 96

Safon Uwch BBC-CCC

Gofynion TGAU (o leiaf gradd C/4):
Cymraeg neu Saesneg

Diploma Cenedlaethol BTEC:
DDM-MMM

Bagloriaeth Ryngwladol:
30-26

Bagloriaeth Ewropeaidd:
75%-65% overall

Mae'r Brifysgol yn croesawu ceisiadau israddedig gan fyfyrwyr sy'n astudio'r Diploma Mynediad i Addysg Uwch neu gymwysterau lefel T, ar yr amod eu bod yn cyflawni'r canlyniadau perthnasol o ran cynnwys y pwnc a'r dysgu. Ni allwn dderbyn Diplomâu Mynediad i Addysg Uwch na lefelau T fel cymhwyster cyffredinol ar gyfer pob cwrs gradd israddedig.
Mae ein polisi derbyn cynhwysol yn rhoi gwerth ar ehangder yn ogystal â dyfnder yr astudio. Dewisir ymgeiswyr ar sail eu teilyngdod eu hunain a gall cynigion amrywio. Os hoffech wirio a yw eich cymwysterau yn gymwys cyn cyflwyno cais, cysylltwch â'r Swyddfa Derbyn Israddedigion am gyngor ac arweiniad.

Yn ôl i'r brig