BSc

Marchnata Digidol

Prif Ffeithiau

N590

  • Tariff UCAS

    120 - 96

  • Hyd y cwrs

    3 blynedd

  • Cyfrwng Cymraeg

    44%

Ar gael ar gyfer Dechrau Medi 2025

Manylion pellach ynglŷn â'r gofynion mynediad

Ymgeisio Nawr

Trwy ddewis astudio’r radd Marchnata Digidol yn Ysgol Fusnes Aberystwyth byddwch yn sicrhau eich bod yn magu’r sgiliau diweddaraf mewn disgyblaethau megis Caffael Cwsmeriaid, Dadansoddi, Strategaeth eFasnach, Datblygu Digidol (yn cynnwys gwefannau, apiau, amgylcheddau cyfryngau cymdeithasol), Marchnata Cynnwys a Rheoli’r Berthynas â Chwsmeriaid yn Ddigidol.

Cewch eich dysgu yn y meysydd hyn gan ymarferwyr o'r diwydiant ac academyddion profiadol sy'n ymwybodol o'r union alw - a'r galw mawr - am raddedigion yn y pwnc hwn, sy'n fedrus o ran yr agweddau technegol a'u dealltwriaeth o'r farchnad. 

Trosolwg o'r Cwrs

Pam astudio BSc Marchnata Digidol ym Mhrifysgol Aberystwyth? 

Mae Marchnata Digidol bellach wedi'i integreiddio'n llwyr ledled yr holl ddisgyblaethau marchnata, ac mae’n sefydledig yn sgil damcaniaethau ac arferion cyfoes a ddefnyddir yn broffesiynol ar gyfer busnesau a defnyddwyr fel ei gilydd. Mae'r radd Marchnata Digidol yn Ysgol Fusnes Aberystwyth yn sicrhau bod gennych ddealltwriaeth lawn o'r modelau, y fframweithiau a'r methodolegau allweddol sy'n rhan gynhenid o'r ddisgyblaeth hon, ac mae'n eich galluogi i ddeall a chyfuno eich gwaith dysgu fel ei fod yn berthnasol i ystyriaethau a heriau cyfoes y ddisgyblaeth. 

Yn ogystal â'r deunyddiau pwnc dynamig ac egnïol a ddysgir ar ein gradd Marchnata Digidol, byddwn yn rhoi pwyslais penodol ar sicrhau bod y cynnwys a'r canlyniadau dysgu yn mynd i'r afael â meysydd lle ceir prinder sgiliau ar hyn o bryd yn y diwydiant marchnata, a dyna fydd yn sbarduno mwyafrif y cyfleoedd cyflogaeth i raddedigion. Ar y cyd â'r sgiliau uniongyrchol-berthnasol a amlinellir uchod, byddwch hefyd yn datblygu sgiliau/cymwyseddau cyflogadwyedd ehangach gan gynnwys meddwl yn arloesol, datrys problemau yn greadigol, dulliau gwaith arbrofol, gweithio mewn tîm, a sicrhau bod y gynulleidfa yn ganolog i bopeth. 

Mae Ysgol Fusnes Aberystwyth wedi'i hachredu yn ganolfan Porth Graddedigion y Sefydliad Marchnata Siartredig, sy'n golygu y gallwch astudio am un o gymwysterau'r Sefydliad wrth i chi astudio am radd, neu gael eich eithrio o rai o fodiwlau'r Sefydliad. 

Ein Staff

Caiff myfyrwyr Ysgol Fusnes Aberystwyth eu dysgu gan ddarlithwyr a staff dysgu eraill sy'n weithgar mewn gwaith ymchwil ac yn ymarferwyr arbenigol yn eu dewis maes. 

Mae gan dros 75% o’r aelodau o staff sy’n dysgu’n llawn amser gymhwyster hyd at lefel PhD. Ar hyn o bryd mae'r rhan fwyaf ohonynt yn weithgar mewn gwaith ymchwil, sy'n golygu bod myfyrwyr yn elwa o gael dysgu gwybodaeth 'newydd' yn eu dewis maes yn ogystal ag astudio testunau cydnabyddedig. Mae'r Ysgol hefyd yn cyflogi staff rhan-amser a llawn amser sydd wedi'u neilltuo ar gyfer dysgu yn unig.  Mae llawer o’r staff rhan-amser yn cyfuno dyletswyddau dysgu gyda gwaith ymgynghori a gweithgareddau busnes, gan sicrhau bod myfyrwyr yn gallu cael gafael nid yn unig ar yr ymchwil ddiweddaraf ond hefyd yr wybodaeth gymhwysol ddiweddaraf.

Modiwlau Dechrau Medi - 2025

Noder: Y modiwlau a restrir isod yw'r modiwlau y bwriedir eu cyflwyno ar hyn o bryd yn ystod y flwyddyn academaidd nesaf ac mae'n bosibl y gallant newid. Maent wedi'u cynnwys yma i roi syniad o strwythur y cwrs.

Modiwlau Craidd

Teitl y Modiwl Cod y Modiwl Gwerth Credyd
Data Analytics AB15220 20
Fundamentals of Accounting and Finance * AB11120 20
Hanfodion Rheolaeth a Busnes CB15120 20
Egwyddorion Marchnata ac Ymarfer Cyfoes CB17120 20
Understanding the Economy AB13120 20
Fundamentals of Web Development CS11010 10
Diogelwch Gwybodaeth CC11110 10

Modiwlau Craidd

Teitl y Modiwl Cod y Modiwl Gwerth Credyd
Programming for the Web CS25320 20
Web Design and the User Experience CS22620 20
Applied Brand Management AB27420 20
Consumer and Buyer Behaviour * AB27220 20
Marketing Management AB27120 20
Research Methods * AB25320 20

Modiwlau Craidd

Teitl y Modiwl Cod y Modiwl Gwerth Credyd
Digital Marketing AB37220 20
Traethawd Estynedig CB35540 40
Global Marketing AB37320 20
Marketing and Digital Marketing Communication AB37120 20
Strategic Leadership * AB35120 20

Gyrfaoedd

Mae'r cyfleoedd ar ddechrau gyrfa i raddedigion Marchnata i'w canfod i raddau helaeth yn y maes digidol. Mae Marchnatwyr Digidol yn arloesi ac yn dylanwadu ar fyd busnes mewn amrywiaeth o ffyrdd, ac mae proffesiwn marchnata yn parhau i fod yn ddewis gyrfa gwahanol ac yn un y cewch eich gwobrwyo'n ariannol amdano. Yn ddiweddar mae ein graddedigion wedi cael swyddi gydag Acorn Digital (Shanghai), TravelPerk (Barcelona), Next, The Drum (Llundain), McGregor Boyall (Manceinion), Reckitt Benckiser, EE, ac Aegis Network (Llundain). 

Pa sgiliau fydda i'n eu cael o'r radd hon?  

Bydd astudio ein gradd mewn Marchnata yn rhoi'r sgiliau canlynol i chi: 

  • sgiliau rhifedd gwell a'r gallu i ymchwilio, dehongli a defnyddio ystadegau 
  • dealltwriaeth fanwl o achosion ac effeithiau newidiadau economaidd a newidiadau allanol eraill 
  • y gallu i gyfathrebu'n glir yn ysgrifenedig ac ar lafar 
  • sgiliau datrys problemau effeithiol 
  • sgiliau dadansoddi a meddwl yn greadigol 
  • y gallu i wneud penderfyniadau 
  • y gallu i weithio'n annibynnol ac fel rhan o dîm 
  • sgiliau trefnu a rheoli amser 
  • hunanddibyniaeth a'r gallu i ysgogi eich hun. 

Pa gyfleoedd profiad gwaith a geir ym Mhrifysgol Aberystwyth?  

Dysgwch fwy am y cyfleoedd am waith amrywiol y mae Gwasanaeth Gyrfaoedd Prifysgol Aberystwyth yn eu cynnig. 

Gallwch wella'ch cyfleoedd cyflogaeth gyda GO Wales a BMG (y cynllun Blwyddyn mewn Gwaith) sy'n cael eu rheoli gan ein hadran Gyrfaoedd.   

Dysgu ac Addysgu

Dyma’r modiwlau y mae’n bosibl y byddwch yn eu hastudio ar y cwrs hwn.

Y flwyddyn gyntaf:

  • Egwyddorion Marchnata ac Ymarfer Cyfoes/Marketing Principles and Contemporary Practice
  • Web Design
  • Information Security
  • Data Analytics
  • Hanfodion Rheolaeth a Busnes/Fundamentals of Management and Business
  • Understanding the Economy
  • Hanfodion Cyfrifeg a Chyllid/Fundamentals of Accounting and Finance.

Yr ail flwyddyn:

  • Web Design and the User Experience
  • Programming for the Web
  • Ymddygiad Defnyddwyr a Phrynwyr/Consumer and Buyer Behaviour
  • Applied Brand Management
  • Digital Research Methods
  • Rheolaeth Marchnata/Marketing Management.

Y flwyddyn olaf:

  • Digital Marketing (Strategy)
  • Digital Marketing Communications
  • Digital Analytics
  • Traethawd Hir Marchnata Digidol/Digital Marketing Dissertation
  • Arweinyddiaeth Strategol/Strategic Leadership.

Sut bydda i'n cael fy addysgu?  

Cewch eich haddysgu drwy ddarlithoedd, seminarau mewn grwpiau bach, a thiwtorialau. 

Byddwn yn eich asesu ar ffurf arholiadau, traethodau a asesir, prosiectau, adroddiadau, dyddiaduron myfyriol, portffolios, a chyflwyniadau. Bydd y gwaith cwrs yn datblygu eich gallu i ymchwilio, dadansoddi a chyflwyno dadl yn glir ac yn rhesymegol, a bydd seminarau yn eich helpu i fireinio eich sgiliau cyflwyno. 

Bydd tiwtor personol yn cael ei ddynodi i chi ar gyfer eich amser ym Mhrifysgol Aberystwyth. Bydd yr unigolyn hwn yn eich cynorthwyo â phob math o faterion, boed nhw'n academaidd ai peidio. 

Gofynion Mynediad Nodweddiadol

Tariff UCAS 120 - 96

Safon Uwch BBB-CCC

Gofynion TGAU (o leiaf gradd C/4):
Cymraeg neu Saesneg a Mathemateg

Diploma Cenedlaethol BTEC:
DDM-MMM

Bagloriaeth Ryngwladol:
30-26

Bagloriaeth Ewropeaidd:
75%-65% overall

Mae'r Brifysgol yn croesawu ceisiadau israddedig gan fyfyrwyr sy'n astudio'r Diploma Mynediad i Addysg Uwch neu gymwysterau lefel T, ar yr amod eu bod yn cyflawni'r canlyniadau perthnasol o ran cynnwys y pwnc a'r dysgu. Ni allwn dderbyn Diplomâu Mynediad i Addysg Uwch na lefelau T fel cymhwyster cyffredinol ar gyfer pob cwrs gradd israddedig.
Mae ein polisi derbyn cynhwysol yn rhoi gwerth ar ehangder yn ogystal â dyfnder yr astudio. Dewisir ymgeiswyr ar sail eu teilyngdod eu hunain a gall cynigion amrywio. Os hoffech wirio a yw eich cymwysterau yn gymwys cyn cyflwyno cais, cysylltwch â'r Swyddfa Derbyn Israddedigion am gyngor ac arweiniad.

Yn ôl i'r brig

|