Drama a Theatr / Cysylltiadau Rhyngwladol

Pam astudio BA Drama a Theatr / Cysylltiadau Rhyngwladol yn Aberystwyth?

• Mae'r Adran Gwleidyddiaeth Ryngwladol ymhlith y 40 uchaf yn y byd o ran enw da academaidd. (QS, 2017).
• Mae'r Adran Astudiaethau Theatr, Ffilm a Theledu yn ofod bywiog a chreadigol lle mae drama, theatr, ffilm a chyfryngau, a senograffeg a dylunio theatr yn dod ynghyd.
• Byddwch yn cael eich addysgu yn adran gwleidyddiaeth ryngwladol gyntaf y byd, a sefydlwyd ym 1919 ar ôl diwedd y Rhyfel Mawr er mwyn helpu'r byd ddeall y byd.
• Byddwch yn cael eich addysgu a'ch mentora gan ddarlithwyr brwdfrydig, sy'n ymroddedig i ddarparu amgylchedd dysgu rhagorol a dynamig i chi.
• Yn fyfyriwr ar y cwrs hwn, fe gewch chi'r cyfle i gymryd rhan yn ein 'Gemau Argyfwng' enwog; tridiau o ymarferiad chwarae rôl lle mae gofyn cynnal trafodaethau gwleidyddol, economaidd a diplomyddol sy'n datblygu sgiliau trafod a chyfathrebu, meddwl yn feirniadol, gweithio mewn tîm, a datrys problemau.
• Byddwch chi hefyd yn gallu cymryd mantais o'r Cynllun Lleoliadau Seneddol clodfawr, sy'n eich galluogi i gael profiad gwaith gwerthfawr gydag Aelod o Senedd Cymru (Caerdydd) neu Aelod Seneddol (Tŷ'r Cyffredin, San Steffan) am gyfnod o 4-6 wythnos yn ystod yr haf. Yn ystod y cyfnod hwn, byddwch yn llunio adroddiadau ac areithiau, yn cyflawni prosiectau ymchwil, ac yn ymateb i faterion yn yr etholaeth. Mae'n bosib y bydd cyfleoedd pellach i chi gymryd rhan mewn etholiadau a materion rhyngwladol amrywiol.
• Mae'r Adran Gwleidyddiaeth Ryngwladol hefyd yn gartref i Interstate, sef y cyfnodolyn gwleidyddiaeth ryngwladol hynaf a gaiff ei redeg gan fyfyrwyr yng ngwledydd Prydain, sy'n cynnig cyfle unigryw i chi gyhoeddi eich gwaith (yn arbennig o fanteisiol os ydych yn dymuno symud ymlaen i astudiaeth uwchraddedig) neu ennill profiad gwerthfawr wrth weithio fel rhan o'r tîm golygyddol. Mae cymdeithasau myfyrwyr cyffrous yn meithrin ymdeimlad cryf o gymuned yn yr adran, gan gynnig rhaglen o drafodaethau, siaradwyr gwadd, cynadleddau a gweithdai gwleidyddol, ynghyd â nifer o weithgareddau cymdeithasol fel y ddawns flynyddol.
• Mae gan yr Adran Astudiaethau Theatr, Ffilm a Theledu gyfleusterau ac adnoddau gwych ar gyfer gwaith ymarferol: tair stiwdio berfformio â chyfarpar cyflawn, stiwdio deledu ac oriel, labordy ffilm analog, stiwdio recordio sain, editing and grading suites, sinema, tair ystafell ymarfer fawr â chyfarpar cyflawn, cyfarpar gwisgoedd a wardrob, stiwdio senograffeg benodol yng nghanol y dre, y tirlun lleol: adnodd sy'n ysbrydoli'n greadigol. Mae myfyrwyr hefyd yn elwa ar ein cysylltiadau agos â Chanolfan y Celfyddydau, un o ganolfannau celfyddydol mwyaf Cymru, sy'n cyflwyno gwaith theatr a dawns cenedlaethol a rhyngwladol yn rheolaidd.
• Mae'r ddwy adran hefyd yn cynnig nifer o gynlluniau gradd a modiwlau a gaiff eu haddysgu'n gyfan gwbl neu'n rhannol drwy gyfrwng y Gymraeg. Mae rhagor o wybodaeth ar gael o dan y tab modiwlau.

Ein Staff

Mae holl staff academaidd yr Adran Theatr, Ffilm a Theledu yn gwneud gwaith ymchwil a/neu'n ymwneud â phrosiectau Trosglwyddo Gwybodaeth, ac mae ganddynt naill ai gymwysterau academaidd perthnasol ar lefel doethuriaeth neu brofiad proffesiynol ac arbenigedd cyfatebol.

Mae pob un o ddarlithwyr yr Adran Gwleidyddiaeth Ryngwladol yn ymchwilwyr gweithgar ac mae ganddynt gymwysterau hyd at safon PhD, ac mae gan y rhan fwyaf hefyd TUAAU.

Beth mae ein graddedigion yn ei wneud erbyn hyn?

Mae graddedigion o'n hadran wedi dilyn gyrfaoedd yn y meysydd canlynol:

• y gwasanaeth sifil
• gwasanaethau diogelwch
• adrannau ymchwil llywodraethol
• actio a pherfformio
• sgriptio
• dylunio setiau
• materion cyhoeddus
• addysg
• ymchwil cymdeithasol.

Pa gyfleoedd sydd ar gael i mi wrth astudio yn y Brifysgol?

Mae cyflogadwyedd wedi'i wreiddio yn ein haddysgu. Rydym yn addysgu ein myfyrwyr i anelu am yr yrfa maen nhw'n dymuno ei chael, ac nid y swydd y gallan nhw ei chael. Bydd cymryd rhan mewn cymaint o weithgareddau â phosib yn edrych yn dda ar eith CV a bydd digon o gyfleoedd i ddod yn rhan o bob math o weithgareddau a fydd yn rhoi sbardun i'r gyrfa yma ym Mhrifysgol Aberystwyth. Yn fyfyriwr ar y cwrs hwn, byddwch yn gallu cymryd rhan yn ein cynllun Lleoliadau Seneddol, ymuno â'r rhai sy'n cynhyrchu ac yn golygu Interstate, a cynnig helpu gyda pherfformiadau o bob math er mwyn cael profiad go iawn.

Bydd astudio am y radd hon mewn Gwleidyddiaeth Ryngwladol yn rhoi ystod o sgiliau trosglwyddadwy i chi sy'n cael eu gwerthfawrogi'n fawr gan gyflogwyr. Mae'r rhain yn cynnwys:

• y gallu i fynegi syniadau a chyfleu gwybodaeth mewn modd clir a threfnus, yn ysgrifenedig ac ar lafar
• sgiliau datrys problemau a meddwl creadigol effeithiol
• y gallu i weithio'n annibynnol
• sgiliau trefnu a rheoli amser, gan gynnwys y gallu i weithio i derfynau amser
• hunanddibyniaeth a'r gallu i ysgogi eich hun
• y gallu i weithio mewn tîm a thrafod cysyniadau mewn grwpiau, rhoi lle i syniadau gwahanol a dod i gytundeb
• sgiliau ymchwil.

Pa gyfleoedd sydd ar gael i wneud profiad gwaith wrth astudio?

Ewch i dudalen Gwasanaeth Gyrfaoedd Prifysgol Aberystwyth i ganfod mwy am y gwahanol gyfleoedd sydd ar gael.

Gallwch wella'ch cyfleoedd cyflogaeth gyda GO Wales a BMG (y cynllun Blwyddyn mewn Gwaith) sy'n cael eu rheoli gan ein hadran Gyrfaoedd.

Mae'r amrywiaeth eang o ddewisiadau modiwl yn ogystal â'r amrywiaeth eang o gymdeithasau drama yn golygu bod modd i ni fod yn barod ar gyfer unrhyw ran o ymarfer drama a theatr. Mae'r elfennau academaidd ac ymarferol yn wych, sy'n ein galluogi ni i ganolbwyntio ar y naill neu'r llall a/neu drwytho ein hunain yn y ddamcaniaeth er mwyn gwella ein gwaith archwilio ymarferol. Mae'r staff bob amser yn gyfeillgar ac yn frwdfrydig ac yn ein hannog i wneud mwy ac i archwilio ymhellach.

Jemma Rowlston

Mae'r Adran Gwleidyddiaeth Ryngwladol wedi rhoi dealltwriaeth newydd i fi o'r byd o fodiwlau ar faterion yn ymwneud â chysyniadau globaleiddio i fywydau menywod yn y Trydydd Byd. Gydag arbenigwyr mewn cymaint o feysydd, mae'n wych cael criw o diwtoriaid sydd mor gyfeillgar. Mae fy nhair blynedd yma yn Aberystwyth wedi bod yn addysgiadol ac yn bleserus, bydden i'n argymell astudio yma i unrhyw un.

Hannah Mitchell