BSc

Economeg a Newid Hinsawdd

Prif Ffeithiau

FL71

  • Tariff UCAS

    120 - 96

  • Hyd y cwrs

    3 blynedd

  • Cyfrwng Cymraeg

    24%

Ar gael ar gyfer Dechrau Medi 2025

Manylion pellach ynglŷn â'r gofynion mynediad

Ymgeisio Nawr

Gall economeg chwarae rhan allweddol wrth fynd i'r afael â newid yn yr hinsawdd trwy roi dealltwriaeth o strwythurau cymell defnyddwyr a chwmnïau, gan esbonio sut a pham y gallai llywodraethau ymyrryd â marchnadoedd economaidd er mwyn cyflwyno polisïau a sefydliadau sy'n ystyriol o'r hinsawdd. Bydd ein gradd BSc mewn Economeg a Newid Hinsawdd ym Mhrifysgol Aberystwyth yn eich gosod ar y daith werth chweil o gael effaith gadarnhaol ar y byd ac yn eich paratoi i ddod yn arweinydd yn y frwydr yn erbyn newid yn yr hinsawdd.

Trosolwg o'r Cwrs

Pam astudio Economeg a Newid Hinsawdd ym Mhrifysgol Aberystwyth? 

Trwy astudio economeg, byddwch yn magu dealltwriaeth o fethiannau marchnadoedd 'confensiynol' i fynd i'r afael yn effeithiol â newid yn yr hinsawdd. Gan ddefnyddio isddisgyblaethau economeg amgylcheddol ac ecolegol, byddwch yn datblygu gwerthfawrogiad o sut y gellir datblygu polisiau lleol, cenedlaethol a rhyngwladol er mwyn darparu cymhellion megis cynlluniau masnachu carbon a threthi i ostwng allyriadau. 

Byddwch yn cyfuno gwybodaeth am y wyddoniaeth sy'n sail i newid yn yr hinsawdd ag ystod eang o arfau economaidd a fydd yn eich galluogi i ddeall a datblygu polisïau a chymhellion sy'n cefnogi'r trawsnewid i fod yn economi sy'n niwtral o ran carbon. Bydd yn ystyried archwilio ffyrdd creadigol o ddatblygu polisïau i ymateb i her a chyfleoedd yr argyfwng hinsawdd sy'n ein hwynebu ar hyn o bryd. Bydd yn rhoi ichi hefyd wybodaeth berthnasol sy'n benodol i'r pwnc, ochr yn ochr â'r sgiliau a'r priodoleddau rhyngbersonol a rhyngddisgyblaethol sydd eu hangen er mwyn creu byd mwy cyfiawn a chynaliadwy. 

Ein Staff

Caiff myfyrwyr Ysgol Fusnes Aberystwyth eu dysgu gan ddarlithwyr a staff dysgu eraill sy'n weithgar mewn gwaith ymchwil ac yn ymarferwyr arbenigol yn eu dewis maes. 

Mae gan dros 75% o’r aelodau o staff sy’n dysgu’n llawn amser gymhwyster hyd at lefel PhD. Ar hyn o bryd mae'r rhan fwyaf ohonynt yn weithgar mewn gwaith ymchwil, sy'n golygu bod myfyrwyr yn elwa o gael dysgu gwybodaeth 'newydd' yn eu dewis maes yn ogystal ag astudio testunau cydnabyddedig. Mae'r Ysgol hefyd yn cyflogi staff rhan-amser a llawn amser sydd wedi'u neilltuo ar gyfer dysgu yn unig.  Mae llawer o’r staff rhan-amser yn cyfuno dyletswyddau dysgu gyda gwaith ymgynghori a gweithgareddau busnes, gan sicrhau bod myfyrwyr yn gallu cael gafael nid yn unig ar yr ymchwil ddiweddaraf ond hefyd yr wybodaeth gymhwysol ddiweddaraf.

Modiwlau Dechrau Medi - 2025

Noder: Y modiwlau a restrir isod yw'r modiwlau y bwriedir eu cyflwyno ar hyn o bryd yn ystod y flwyddyn academaidd nesaf ac mae'n bosibl y gallant newid. Maent wedi'u cynnwys yma i roi syniad o strwythur y cwrs.

Modiwlau Craidd

Teitl y Modiwl Cod y Modiwl Gwerth Credyd
Data Analytics AB15220 20
Economic Theory and Policy AB13220 20
Understanding the Economy AB13120 20
Climate and Climate Change BR16620 20
Interdisciplinary Approaches to Climate Change EN19920 20

Opsiynau

Teitl y Modiwl Cod y Modiwl Gwerth Credyd
Fundamentals of Accounting and Finance * AB11120 20
Hanfodion Rheolaeth a Busnes CB15120 20
Hanfodion Cyfrifeg a Chyllid CB11120 20
Hanfodion Rheolaeth a Busnes CB15120 20

Modiwlau Craidd

Teitl y Modiwl Cod y Modiwl Gwerth Credyd
Traethawd Estynedig CB35540 40
Environmental Economics AB33220 20
Growth, Development and Sustainability AB33420 20

Opsiynau

Teitl y Modiwl Cod y Modiwl Gwerth Credyd
Contemporary Issues in Economics and Policy AB33120 20
Crisis Writing WR31820 20
Global Biodiversity Conservation BR33420 20
History of Economic Thought AB33320 20
Population and Community Ecology BR33920 20

Gyrfaoedd

Bydd graddedigion y radd hon wedi cael sylfaen dda i ddilyn gyrfa mewn rheoli, addasu a lliniaru newid yn yr hinsawdd, ym Mhrydain a thramor. Byddant hefyd mewn sefyllfa dda i gael gyrfaoedd mewn meysydd cysylltiedig fel addysg amgylcheddol a gwaith ymgynghori neu gadwraeth.

Dysgu ac Addysgu

Beth fydda i’n ei ddysgu? 

Isod ceir rhestr sy'n amlinellu'r modiwlau y gellir eu hastudio ar y cwrs yma.  

Blwyddyn 1: 

Yn eich blwyddyn gyntaf byddwch yn datblygu sylfaen gref o bynciau economaidd, gan gynnwys modiwlau ar ddadansoddi data, deall yr economi, damcaniaethau a pholisïau economaidd, a chyfrifeg a chyllid. Cyfunir y rhain â modiwlau arloesol sy'n ymchwilio i wyddoniaeth yr hinsawdd yn ogystal ag effeithiau newid yn yr hinsawdd, y canfyddiadau ohono a'r addasiadau iddo. 

Blwyddyn 2: 

Yn eich ail flwyddyn byddwch yn datblygu rhagor ar eich gwybodaeth am ddamcaniaethau micro- a macro-economaidd. Byddwch yn magu dealltwriaeth ddyfnach o faterion yn ymwneud â newid yn yr hinsawdd trwy gyfrwng modiwlau rhyngddisgyblaethol ar reoli newid yn yr hinsawdd a chynllunio sefydliadau. Bydd modiwl mewn dulliau ymchwil yn rhoi ichi'r sgiliau ymchwil i integreiddio eich gwybodaeth ledled gwahanol ddisgyblaethau er mwyn mynd i'r afael ag effeithiau economaidd newid yn yr hinsawdd ac ymatebion economaidd iddo. Yn olaf, bydd modiwlau dewisol yn eich galluogi i ddatblygu gwybodaeth arbenigol ynghylch materion economaidd a materion sy'n ymwneud â newid yn yr hinsawdd. 

Blwyddyn 3: 

Bydd eich blwyddyn olaf yn canolbwyntio ar ddatblygu rhagor ar eich gwybodaeth ar economeg, gyda modiwlau arbenigol am economeg amgylcheddol a thwf, datblygiad a chynaliadwyedd. Gallwch hefyd ddewis o blith ystod eang o fodiwlau ym maes economeg a newid yn yr hinsawdd sy'n cyd-fynd â'ch anghenion dysgu a'ch anghenion proffesiynol. Gan ddefnyddio'r wybodaeth yr ydych wedi ei magu trwy gydol eich astudiaethau, bydd eich traethawd estynedig yn y flwyddyn olaf yn rhoi cyfle ichi ymchwilio'n fanwl i faterion yn ymwneud ag effaith economaidd heriau'r argyfwng hinsawdd, a'r ymateb iddynt o ran polisiau. 

Gofynion Mynediad Nodweddiadol

Tariff UCAS 120 - 96

Safon Uwch BBB-CCC

Gofynion TGAU (o leiaf gradd C/4):
Cymraeg neu Saesneg, Mathemateg

Diploma Cenedlaethol BTEC:
DDM-MMM

Bagloriaeth Ryngwladol:
30-26

Bagloriaeth Ewropeaidd:
75%-65% overall

Mae'r Brifysgol yn croesawu ceisiadau israddedig gan fyfyrwyr sy'n astudio'r Diploma Mynediad i Addysg Uwch neu gymwysterau lefel T, ar yr amod eu bod yn cyflawni'r canlyniadau perthnasol o ran cynnwys y pwnc a'r dysgu. Ni allwn dderbyn Diplomâu Mynediad i Addysg Uwch na lefelau T fel cymhwyster cyffredinol ar gyfer pob cwrs gradd israddedig.
Mae ein polisi derbyn cynhwysol yn rhoi gwerth ar ehangder yn ogystal â dyfnder yr astudio. Dewisir ymgeiswyr ar sail eu teilyngdod eu hunain a gall cynigion amrywio. Os hoffech wirio a yw eich cymwysterau yn gymwys cyn cyflwyno cais, cysylltwch â'r Swyddfa Derbyn Israddedigion am gyngor ac arweiniad.

Yn ôl i'r brig

|