Economeg a Gwleidyddiaeth

Pam astudio Economeg a Gwleidyddiaeth ym Mhrifysgol Aberystwyth?

• Cewch eich dysgu gan ymchwilwyr blaenllaw yr Ysgol Fusnes a’r Adran Gwleidyddiaeth Ryngwladol yn Aberystwyth.
• Prifysgol Aberystwyth oedd y brifysgol gyntaf yn y byd i sefydlu adran Gwleidyddiaeth. Fe’i sefydlwyd ym 1919 ar ôl diwedd y Rhyfel Byd Cyntaf i helpu'r byd i ddeall y byd.
• Mae Economeg yn astudio sut mae unigolion, cwmnïau, marchnadoedd, llywodraethau a sefydliadau eraill yn cyfuno i gynhyrchu a dosbarthu nwyddau a gwasanaethau er mwyn cyflawni'r canlyniadau a ddymunir i’r gymdeithas, a pha mor effeithiol ydynt yn hynny o beth.
• Mae elfen Economeg y radd hon yn cynnig i chi gyfle i astudio sut mae damcaniaeth economaidd yn cael ei chymhwyso a sut mae hynny wedi esblygu, i ystyried materion cyfoes fel sut mae pandemigau fel COVID-19 yn effeithio ar y gymdeithas ar y lefelau domestig a rhyngwladol, yr argyfwng ariannol sy’n deillio ohonynt, a'r atebion a gynigir i leddfu'r effeithiau ar fasnach, globaleiddio, anonestrwydd ac, yn y pen draw, newid yn yr hinsawdd.
• Mae gwleidyddiaeth yn astudio sut mae cymdeithas yn mynd i'r afael â heriau. Mae gwleidyddiaeth y byd yn sefyll wrth groesfan hanesyddol hynod ddiddorol ond anodd, sefyllfa y mae angen i ni i gyd ei deall, ei hegluro ac - fel bodau gwleidyddol - chwarae ein rhan ni yn ei dyfodol.
• ]Mae’r elfen o’r radd hon sy’n ymwneud â gwleidyddiaeth yn cynnig cyfle i astudio'r cysyniadau, yr arferion, y polisïau, yr hanesion a’r rhanbarthau sy'n rhoi ffurf i wleidyddiaeth fel disgyblaeth, ac i archwilio sut mae'r holl ffactorau hyn yn dylanwadu ar economeg.
• O wneud y radd hon fe ddatblygwch sgiliau gwerthfawr o ran dadansoddi, rhifau, dadansoddi data a datrys problemau, a fydd yn eich galluogi i ddeall sut mae pobl, busnesau, sefydliadau a llywodraethau yn gwneud penderfyniadau, ac effeithiau penderfyniadau o'r fath ar unigolion a’r gymdeithas.

Ein Staff

Mae pob un o ddarlithwyr yr Adran Gwleidyddiaeth Ryngwladol yn ymchwilwyr gweithgar ac mae ganddynt gymwysterau hyd at safon PhD, ac mae gan y rhan fwyaf hefyd TUAAU.

Caiff myfyrwyr Ysgol Fusnes Aberystwyth eu dysgu gan ddarlithwyr a staff dysgu eraill sy'n weithgar mewn gwaith ymchwil ac yn ymarferwyr arbenigol yn eu dewis maes. 

Mae gan dros 75% o’r aelodau o staff sy’n dysgu’n llawn amser gymhwyster hyd at lefel PhD. Ar hyn o bryd mae'r rhan fwyaf ohonynt yn weithgar mewn gwaith ymchwil, sy'n golygu bod myfyrwyr yn elwa o gael dysgu gwybodaeth 'newydd' yn eu dewis maes yn ogystal ag astudio testunau cydnabyddedig. Mae'r Ysgol hefyd yn cyflogi staff rhan-amser a llawn amser sydd wedi'u neilltuo ar gyfer dysgu yn unig.  Mae llawer o’r staff rhan-amser yn cyfuno dyletswyddau dysgu gyda gwaith ymgynghori a gweithgareddau busnes, gan sicrhau bod myfyrwyr yn gallu cael gafael nid yn unig ar yr ymchwil ddiweddaraf ond hefyd yr wybodaeth gymhwysol ddiweddaraf.

Bydd eich gradd Economeg a Gwleidyddiaeth yn darparu sylfaen ragorol ar gyfer gyrfa broffesiynol mewn busnes, y byd ariannol neu’r byd gwleidyddol. Mae Ysgol Fusnes Aberystwyth yn cynnig modiwl cyflogadwyedd penodol ar ymgynghoriaeth lle mae myfyrwyr yn gwneud cais am waith ymgynghori ym myd diwydiant. Yn ystod y semester pan fo’r myfyrwyr yn gwneud gwaith ymgynghoriaeth ar gyfer diwydiant, gan roi iddynt brofiad ymarferol o waith datblygu cyfleoedd, fe fydd galw mawr am yr economegwyr dan hyfforddiant hynny oherwydd eu gallu cynhenid wrth ymdrin â data.

Mae'r Adran Gwleidyddiaeth Ryngwladol hefyd yn cynnig profiad gwaith i'w myfyrwyr, gyda'r cyfle i gysgodi Aelod Seneddol yn San Steffan neu gynrychiolydd etholedig Senedd Cymru yng Nghaerdydd. 

Bydd astudio Economeg a Gwleidyddiaeth yn eich galluogi i ddatblygu'r sgiliau allweddol canlynol:

• gallu defnyddio sgiliau dadansoddi a meddwl creadigol ar gyfer gwneud penderfyniadau lefel uchel a datrys problemau
• sgiliau rhifedd uwch a'r gallu i ymchwilio, dehongli a defnyddio data busnes ac ariannol
• gallu cyfathrebu'n glir yn ysgrifenedig ac ar lafar
• gallu gweithio'n llwyddiannus yn rhan o dîm
• gallu gweithio'n annibynnol