Gwyddor Daear Amgylcheddol (gyda blwyddyn integredig yn astudio dramor)

Pam astudio Gwyddor Daear Amgylcheddol gyda blwyddyn integredig yn astudio dramor ym Mhrifysgol Aberystwyth?

• Byddwch yn fyfyriwr mewn prifysgol lle mae profiad y myfyriwr yn eithriadol ac yn gofiadwy
• Gallwch ymdrwytho mewn adran sy'n rhoi gwybod i bob myfyriwr am yr ymchwil arloesol sy'n cael effaith yn lleol, yn genedlaethol ac yn rhyngwladol
• Cael dealltwriaeth fanwl o themâu allweddol ym maes daearyddiaeth, bioleg ac astudiaethau amgylcheddol
• Datblygu dealltwriaeth ddyfnach o heriau amgylcheddol mwyaf arwyddocaol ein hoes, gan gynnwys newid yn yr hinsawdd a cholli bioamrywiaeth.
• Cael gwell dealltwriaeth o ddifodiant torfol a'r hyn y gall ei ddweud wrthym am gysylltiadau rhwng yr amgylchedd a phobl heddiw.
• Ystod eang o fodiwlau sy’n cynnwys polisi datblygu cynaliadwy, geoberyglon, rheoli bywyd gwyllt, a bioleg y môr.
• Mae'r cwrs hwn yn cynnig hyblygrwydd yn y modiwlau yr ydych chi'n eu dewis a'r themâu yr ydych chi'n arbenigo ynddynt
• Mwynhau amrywiaeth eang o gyfleoedd gwaith maes
• Elwa o gyfleusterau sy'n cael eu cydnabod gan NERC (Cyngor Ymchwil yr Amgylchedd Naturiol)
• Ennill profiad gwerthfawr o sut mae gwahanol wledydd yn trin materion amgylcheddol gyda'r flwyddyn integredig yn astudio dramor

Eisiau astudio yn Gymraeg?

Mae'r Adran yn cynnig nifer o fodiwlau a addysgir trwy gyfrwng y Gymraeg. Edrychwch ar y tab modiwlau am fwy o wybodaeth.

Ein Staff

Yr Adran Daearyddiaeth a Gwyddorau Daear: mae gan bob un o'r darlithwyr gymhwyster hyd at safon PhD neu maent yn gweithio tuag at PhD.

Beth alla i ei wneud gyda gradd mewn Gwyddorau Daear Amgylcheddol?

Mae ein graddedigion wedi cael swyddi ym meysydd ymgynghori amgylcheddol, peirianneg geodechnegol, y gwasanaeth sifil, technoleg, ac mewn arolygon daearegol ac amgylcheddol, ymhlith llawer o feysydd eraill.

Mae cyflogadwyedd wedi'i wreiddio ym mhob cwrs rydym yn ei ddarparu. Mae ein graddau'n cynnig sylfaen gadarn ar gyfer amrywiaeth eang o yrfaoedd ar draws ystod o sectorau. Mewn economi fyd-eang sy'n newid yn gyflym, mae ein graddedigion yn hyblyg ac yn gallu defnyddio ystod o sgiliau trosglwyddadwy, sy'n golygu bod galw amdanynt o hyd.

Mae'r setiau sgiliau'n cynnwys:

• sgiliau mathemategol a chyfrifiadol uwch
• sgiliau datrys problemau a meddwl creadigol effeithiol
• sgiliau technoleg gwybodaeth
• y gallu i weithio'n annibynnol ac fel rhan o dîm
• sgiliau rheoli amser a threfnu
• sgiliau cyfathrebu yn llafar ac yn ysgrifenedig
• hunanddibyniaeth a'r gallu i ysgogi eich hunan

Cyfleoedd Rhyngwladol:

Ochr yn ochr â phrofiad o waith cyflogedig, cydnabyddir bod teithio annibynnol hefyd yn allweddol i ddatblygiad myfyrwyr. I gefnogi hyn, rydym yn cynnig bwrsariaethau i gefnogi israddedigion i deithio. Mae cyrchfannau diweddar wedi cynnwys Uganda, Madagascar, Periw, Mynydd Etna a'r Unol Daleithiau.

Mae'r Adran Daearyddiaeth a Gwyddorau Daear hefyd wedi sefydlu partneriaethau gyda phrifysgolion yn Ewrop, gan gynnwys Prifysgol Bergen, Prifysgol Oulu, y Ffindir, a Chanolfan y Brifysgol yn Svalbard, gan roi profiad unigryw i fyfyrwyr gael astudio yn un o amgylcheddau mwyaf eithafol y byd.

Mae cysylltiadau cryf gennym hefyd gyda nifer o brifysgolion yng Ngogledd America, lle gall myfyrwyr gwblhau eu hail flwyddyn o astudio. Yn ystod y blynyddoedd diwethaf, mae ein Cydlynydd Cyfnewid wedi bod yn goruchwylio cyfnewidfeydd ym Mhrifysgol Purdue (Indiana), Prifysgol Alabama, Prifysgol Georgia, Prifysgol Montana a Phrifysgol Ottawa yng Nghanada.