Biowyddor Ceffylau a Milfeddygol (gyda blwyddyn integredig mewn diwydiant)

Bydd y radd hon yn rhoi ichi sylfaen gadarn o safbwynt cysyniadau craidd meddygaeth filfeddygol, gan gynnwys imiwnoleg, prosesau afiechydon, a gwneud diagnosis a thrin afiechydon mewn amryw o rywogaethau. Byddwch yn plethu’r wybodaeth ddamcaniaethol â’r sgiliau ymarferol a fydd yn rhoi pwyslais penodol ar ffisioleg y ceffyl.

Dyma rai o’r cyfleoedd sydd ar gael i fyfyrwyr Biowyddor Ceffylau a Milfeddygol yn Aberystwyth:

• astudio gyda’r darparwr cyrsiau ceffylau hynaf yn y DU
• cyfleusterau rhagorol, gan gynnwys canolfan fawr i ddysgu am geffylau, arenâu dan do ac awyr agored, cerddwr ceffylau, corlan gron, pont bwyso, solariwm, stablau a blychau bwrw ebol gyda chamerâu cylch cyfyng, mannau arddangos, labordai a llawer mwy
• astudio mewn canolfan addysgu wedi’i chymeradwyo gan Gymdeithas Ceffylau Prydain (BHS) lle gallwch astudio am gymwysterau BHS
• addysgu a dysgu gyda chefnogaeth ymchwilwyr a gydnabyddir yn rhyngwladol a milfeddygon go iawn.

Ein Staff

Mae gan y rhan fwyaf o staff dysgu Adran Gwyddorau Bywyd gymwysterau hyd at safon PhD ac maent yn ymchwilwyr gweithgar. Hefyd, mae gan staff y cyrsiau galwedigaethol gefndir ym myd diwydiant. Mae yn yr Adran nifer fawr o staff sy'n gwneud ymchwil yn unig ac mae'n bosib y bydd y myfyrwyr yn dod i gysylltiad â hwy.

Pa gyfleoedd sydd ar gael i mi?

Mae ein cyn-fyfyrwyr yn dilyn gyrfaoedd yn y meysydd canlynol ar hyn o bryd:

• Gwyddonydd Ymchwil;
• Gweithio mewn cwmnïau maetheg;
• Y diwydiant fferyllol;
• Astudiaeth ôl-raddedig Msc a PhD

Wrth astudio Gwyddor Ceffylau, byddwch yn datblygu sgiliau arbenigol yn cynnwys:

• Y gallu i werthuso anghenion ffisiolegol ystod o rywogaethau o ran iechyd a chlefydau, gyda phwyslais arbennig ar geffylau.

Rhagor o wybodaeth:

Pa gyfleoedd sydd ar gael am brofiad gwaith wrth astudio? 

Cliciwch yma i ddysgu am y gwahanol gyfleoedd y mae tîm Gyrfaoedd Prifysgol Aberystwyth yn eu cynnig. 

Gallwch wella'ch cyfleoedd cyflogaeth gyda GO Wales a BMG (y cynllun Blwyddyn mewn Gwaith) sy'n cael eu rheoli gan ein hadran Gyrfaoedd. 

Fel cangen arbenigol o Swoleg, mae eich gradd BSc mewn Biowyddor Ceffylau a Milfeddygol yn agor drysau at ystod o gyfleoedd cyffrous ar gyfer swyddi a hyfforddiant pellach. Yn ogystal, bydd y cyfleoedd lleoliadau gwaith fydd ar gael i chi yn eich helpu i gael profiad gwerthfawr yn y diwydiant.