BA

Ffrangeg

Mae’r cwrs yma ar gael trwy Clirio.
Cysylltwch â ni am ddim ar: 0800 121 40 80

Prif Ffeithiau

R120

  • Tariff UCAS

    120 - 104

  • Hyd y cwrs

    4 blynedd

Ar gael ar gyfer

Manylion pellach ynglŷn â'r gofynion mynediad

Ymgeisio Nawr

Mae astudio ar gyfer gradd anrhydedd sengl mewn Ffrangeg yn yr Adran Ieithoedd Modern ym Mhrifysgol Aberystwyth yn rhoi'r cyfle i chi astudio Ffrangeg i lefel uwch, ond hefyd i feithrin gwybodaeth fanwl am lenyddiaeth, diwylliant ac ieithyddiaeth Ffrengig. Mae’r radd hon yn ddelfrydol i’r rheini sydd wedi sefydlu diddordebau eang yn y byd Ffrangeg ei iaith. Mae ein cynllun gradd yn darparu cyfuniad delfrydol o hyfforddiant iaith dwys, a dewis o fodiwlau ar lenyddiaeth, diwylliant ac ieithyddiaeth.

Trosolwg o'r Cwrs

Pam astudio Ffrangeg ym Mhrifysgol Aberystwyth? 

  • Mae ystod eang o arbenigedd ar gael yn ein Hadran a chaiff hyn ei adlewyrchu yn y dewisiadau modiwl a gynigiwn. Gallwch ddewis modiwlau ar ieithyddiaeth (modern a hanesyddol); tafodiaith (astudio gwahanol ffurfiau ar Ffrangeg, yn y gorffennol a'r presennol); llenyddiaeth; hanes syniadau a mudiadau artistig; ymdriniaethau llenyddol o Baris, llenyddiaeth teithio a materion cyfoes. 
  • Bydd gofyn i chi dreulio eich trydedd flwyddyn yn byw’n annibynnol mewn gwlad lle siaredir Ffrangeg. Gallech ddewis astudio yn y Brifysgol, gweithio fel cynorthwyydd iaith neu ymgymryd â mathau eraill o leoliadau gwaith. 
  • Yn ystod y flwyddyn gyntaf, byddwch yn cael cyflwyniad cynhwysfawr i astudiaethau Ffrangeg a sgiliau ymchwil cysylltiedig, ar ffurf tiwtorial. 
  • Rydyn ni wedi ymrwymo i ddarparu profiadau bythgofiadwy i chi. 
  • Mae graddedigion Ieithoedd Modern yn ystadegol ymhlith y graddedigion mwyaf cyflogadwy. Dangosodd yr adroddiad Cyrchfannau Ymadawyr Addysg Uwch diweddaraf a gyhoeddwyd yn 2018 fod gradd mewn Ieithoedd Modern yn darparu llwybr clir at gyflogaeth neu astudiaeth bellach. Ar gyfer ein hadran ni, roedd 95% o'n graddedigion mewn swydd neu'n astudio ymhellach 6 mis ar ôl graddio (HESA 2018). Mae ein haddysgu pwrpasol yn sicrhau y gallwch symud yn rhwydd o fywyd prifysgol i’r byd proffesiynol. 
  • Mae'r radd hon ar gael i ddechreuwyr a myfyrwyr uwch. Bydd dechreuwyr yn astudio cwrs dwys yn y flwyddyn gyntaf. 
Ein Staff

Mae gan bob un o ddarlithwyr yr Adran Ieithoedd Modern gymwysterau hyd at safon PhD ac maent yn gwneud gwaith ymchwil. Rydym hefyd yn cyflogi tiwtoriaid iaith, rhai ohonynt â gradd PhD, a phob un yn addysgwyr profiadol. O bryd i'w gilydd, cyflogwn siaradwyr brodorol o brifysgolion sy'n bartneriaid i ni dramor (lectoriaid), sy'n dod atom â chymeradwyaeth uchel ar sail eu llwyddiant academaidd yn eu prifysgolion eu hunain, ac mae sawl un ohonynt wedi hyfforddi fel addysgwyr. 

Gyrfaoedd

Mae cyflogadwyedd yn rhan annatod o'n haddysgu o fewn yr Adran Ieithoedd Modern. Mae ein graddedigion yn sefyll ben ac ysgwydd yn uwch nac eraill o ganlyniad i’r Flwyddyn Dramor. Ar ôl cwblhau'r Flwyddyn Dramor yn llwyddiannus, bydd y myfyrwyr yn dychwelyd gyda set o sgiliau cynyddol, cymwyseddau iaith cryfach a'r gallu i addasu mewn unrhyw sefyllfa. 

Mae ein graddedigion wedi llwyddo i ddod o hyd i waith ar ôl graddio yn y meysydd canlynol: 

  • cyfieithu a dehongli 
  • darlledu 
  • addysg 
  • marchnata 
  • Adnoddau Dynol 
  • datblygu gwefannau 
  • bancio rhyngwladol 
  • y Gwasanaeth Sifil 

Pa gyfleoedd profiad gwaith a geir wrth astudio? 

Dysgwch fwy am y cyfleoedd amrywiol y mae Gwasanaeth Gyrfaoedd Prifysgol Aberystwyth yn eu cynnig. 

Gallwch wella'ch cyfleoedd cyflogaeth gyda GO Wales a BMG (y cynllun Blwyddyn mewn Gwaith) sy'n cael eu rheoli gan ein hadran Gyrfaoedd. 

Dysgu ac Addysgu

Beth fydda i’n ei ddysgu? 

Bydd yr wybodaeth isod yn rhoi darlun i chi o'r hyn y gallwch ei astudio yn ystod y cynllun gradd pedair blynedd. 

Yn ystod eich pedair blynedd, bydd gennych bedair awr o waith iaith bob wythnos, a fydd yn cynnwys: 

  • Siarad 
  • ysgrifennu 
  • gwrando 
  • cyfieithu. 

Yn ystod eich blwyddyn gyntaf byddwch yn: 

  • ystyried yr ystod o sgiliau sydd eu hangen ar gyfer astudiaethau Ffrangeg 
  • dysgu am gyfnodau sylfaenol diwylliant Ffrainc 
  • darganfod yr iaith drwy ffilm, diwylliant a hunaniaeth 
  • dechrau cynllunio darn o ymchwil annibynnol. 

Yn yr ail flwyddyn, byddwch yn: 

  • gallu dewis o blith modiwlau cynnwys ar lenyddiaeth, iaith, hanes neu gelf Ffrengig neu ddiwylliannau Ffrainc gyfoes 
  • cynnal ymchwil annibynnol, gyda goruchwyliaeth diwtorial. 

Yn ystod eich trydedd flwyddyn byddwch yn: 

  • ymgymryd â’ch Blwyddyn o Astudio dramor neu leoliadau gwaith. 

Yn eich pedwaredd flwyddyn, byddwch yn: 

  • datblygu eich cymwyseddau iaith ymhellach ar ôl eich blwyddyn yn Ffrainc 
  • dewis o blith ystod o fodiwlau sy'n amrywio o Lenyddiaeth, Ffilm, Diwylliant, Busnes 
  • creu gem yng nghoron eich blynyddoedd israddedig - eich traethawd hir - yn seiliedig ar ymchwil gwreiddiol helaeth, wedi’i ysgrifennu yn Ffrangeg. 

Sut fydda i'n cael fy nysgu? 

Defnyddir amrywiaeth o fformatau addysgu yn y dosbarth. Mewn dosbarthiadau tiwtorial, byddwch yn ymgyfarwyddo â sgiliau, ac yn dysgu defnyddio offer. Bydd darlithoedd yn eich cyflwyno i bynciau, ond mewn seminarau fe’ch gwahoddir i gymryd rhan yn y trafodaethau. 

Byddwch yn cael eich asesu yn y modiwlau mewn sawl ffordd. Bydd yn rhaid i chi roi cyflwyniadau llafar, sefyll profion gwrando, ysgrifennu cyfansoddiadau unigol a chreu cyfieithiadau cynyddol gymhleth mewn dosbarthiadau iaith. Mewn modiwlau cynnwys, mae’n bosibl y gofynnir i chi ysgrifennu traethodau, creu prosiect ymchwil, rhoi cyflwyniad llafar, neu sefyll arholiad. 


Gofynion Mynediad Nodweddiadol

Tariff UCAS 120 - 104

Safon Uwch BBB-BCC

Gofynion TGAU (o leiaf gradd C/4):
English or Welsh

Diploma Cenedlaethol BTEC:
DDM-DMM

Bagloriaeth Ryngwladol:
30-28

Bagloriaeth Ewropeaidd:
75%-65%

Mae'r Brifysgol yn croesawu ceisiadau israddedig gan fyfyrwyr sy'n astudio'r Diploma Mynediad i Addysg Uwch neu gymwysterau lefel T, ar yr amod eu bod yn cyflawni'r canlyniadau perthnasol o ran cynnwys y pwnc a'r dysgu. Ni allwn dderbyn Diplomâu Mynediad i Addysg Uwch na lefelau T fel cymhwyster cyffredinol ar gyfer pob cwrs gradd israddedig.
Mae ein polisi derbyn cynhwysol yn rhoi gwerth ar ehangder yn ogystal â dyfnder yr astudio. Dewisir ymgeiswyr ar sail eu teilyngdod eu hunain a gall cynigion amrywio. Os hoffech wirio a yw eich cymwysterau yn gymwys cyn cyflwyno cais, cysylltwch â'r Swyddfa Derbyn Israddedigion am gyngor ac arweiniad.

Yn ôl i'r brig

|