Geneteg a Biocemeg (gyda blwyddyn integredig mewn diwydiant)

Pam astudio Geneteg a Biocemeg ym Mhrifysgol Aberystwyth?

• Mae maes llafur y cwrs hwn yn union yr un fath â'i chwaer gwrs BSc Geneteg a Biocemeg (CC47), ond byddwch yn treulio blwyddyn ychwanegol mewn diwydiant ar ôl yr ail flwyddyn. Bydd eich lleoliad yn berthnasol i'r radd ac asesir y flwyddyn, gan gyfrif tuag at eich gradd derfynol.
• Bydd myfyrwyr yn trefnu eu lleoliad gwaith o dan arweiniad ein Cyfarwyddwr Cyflogadwyedd. Nid oes sicrwydd y bydd tâl am y profiad gwaith. (Os na fyddwch yn llwyddo i gael lleoliad gwaith, rhaid i chi drosglwyddo i'r chwaer gwrs BSc Geneteg a Biocemeg (CC47).
• Yn ystod eich blwyddyn mewn diwydiant, byddwch yn talu ffi ddysgu ostyngedig. 
• Byddwch yn dysgu a byw mewn amgylchedd eithriadol lle cewch eich amgylchynu gan amrywiaeth fawr o amgylcheddau hardd, gan gynnwys y môr, rhostir, mynyddoedd, dyfrffyrdd, glaswelltir ac arfordir.
• Gyda bryniau Elenydd yn gefndir a dim ond tafliad carreg o Fae Ceredigion a'r dolffiniaid trwynbwl.
• Rydym yn rhoi pwyslais mawr ar sgiliau ymarferol fel bod ein graddedigion yn dod yn ymarferwyr o'r cychwyn cyntaf.
• Mae gennym labordai ymchwil a dysgu eang sy’n llawn o’r cyfarpar diweddaraf, gan gynnwys cyfleusterau bioddelweddu, dilyniannu DNA trwybwn uchel a llwyfannau proteomeg, metabolomeg, ffenomeg a sbectrosgopeg.
• Addysgir y pwnc o fewn canolfan ragoriaeth a gydnabyddir yn rhyngwladol, gan arbenigwyr brwdfrydig.
• Rydym yn sicrhau bod gan ein graddedigion y sgiliau i gyfleu eu gwyddoniaeth yn effeithiol fel y gallant ymuno â thrafodaethau ynghylch geneteg - maes sydd, yn aml, yn un dadleuol.



Ein Staff

Mae gan y rhan fwyaf o staff dysgu Adran Gwyddorau Bywyd gymwysterau hyd at safon PhD ac maent yn ymchwilwyr gweithgar. Hefyd, mae gan staff y cyrsiau galwedigaethol gefndir ym myd diwydiant. Mae yn yr Adran nifer fawr o staff sy'n gwneud ymchwil yn unig ac mae'n bosib y bydd y myfyrwyr yn dod i gysylltiad â hwy.

Mae cyflogadwyedd yn elfen a ymgorfforir yn ein dysgu. Mae'r cynllun hwn yn cynnig llwybr at gyflogaeth mewn meysydd twf megis biofeddygaeth, gwyddoniaeth fforensig, proffilio DNA (pobl, anifeiliaid a phlanhigion), sytogeneteg glinigol a chynghori genetig, biotechnoleg a chynhyrchu bwyd, ac agweddau ar fioamrywiaeth a diogelu adnoddau genetig a rhywogaethau sydd mewn perygl. Gall y cynllun hwn hefyd arwain at ymchwil ôl-raddedig ar lefel Meistr a PhD.

Bydd cwblhau blwyddyn mewn diwydiant yn eich galluogi:

• i gymhwyso'r dysg o'ch cwrs i'r amgylchedd gwaith;
• i wneud cysylltiadau yn y diwydiant;
• i ddatblygu sgiliau ymarferol sy'n gysylltiedig â'ch maes astudio;
• i gymhwyso eich sgiliau ymarferol a'ch gwybodaeth dechnegol ar ôl dychwelyd i astudio;
• i wella eich CV a pharatoi eich hun yn well am swydd ar ôl graddio.

Dylai myfyrwyr ar y cynllun hwn nodi nad oes gan yr adran leoliadau awtomatig ar gyfer pob ymgeisydd. Chi fydd yn gyfrifol am ddod o hyd i'r profiad gwaith. Fodd bynnag, bydd Cydlynydd Profiad Gwaith a cynghorydd gyrfaoedd ymroddedig ein athrofa (James Cuffe, jpc11@aber.ac.uk) yn gallu eich cynorthwyo. Os na fyddwch yn dod o hyd i brofiad gwaith, bydd modd i chi drosi eich cwrs i fersiwn tair blynedd o’r pwnc yn lle.