Geneteg

Pam astudio Geneteg ym Mhrifysgol Aberystwyth?

• Byddwch yn astudio bioleg canser, geneteg cromosomau, mynegiant a datblygiad genynnau, geneteg esblygiad a phoblogaeth, a biotechnoleg.
• Byddwch yn dysgu gymhwyso technegau moleciwlaidd gan gynnwys echdynnu, dilyniannu a dadansoddi DNA.
• Mae gan fyfyrwyr yn ein hadran fynediad at labordai ymchwil ac addysgu sydd ag offer modern, gan gynnwys cyfleusterau bioddelweddu, dilyniannu DNA trwygyrch uchel, llwyfannau proteomeg, metabolomeg, ffenomeg a spectrosgopeg. Mae'r cyfleusterau hyn yn rhoi cyfle i fyfyrwyr ddatblygu'r sgiliau allweddol y mae cyflogwyr yn chwilio amdanynt.
• Byddwch yn astudio prosiect ymchwil labordy gwarantedig yn y flwyddyn olaf.
• Byddwch hefyd yn cael hyfforddiant mewn protocolau gwyddonol a’r gweithdrefnau gwyddonol cywir ar gyfer cofnodi, dehongli ac adrodd ar ddata.
• Rydym yn rhoi llawer o bwyslais ar sgiliau ymarferol er mwyn i'n graddedigion ddod yn ymarferwyr o'r dechrau un. Rydym yn sicrhau bod gan ein graddedigion y sgiliau i gyfathrebu eu gwyddoniaeth yn effeithiol, fel bod modd iddynt ymuno â thrafodaethau am eneteg sy'n aml yn ddadleuol.

Ein Staff

Mae gan y rhan fwyaf o staff dysgu Adran Gwyddorau Bywyd gymwysterau hyd at safon PhD ac maent yn ymchwilwyr gweithgar. Hefyd, mae gan staff y cyrsiau galwedigaethol gefndir ym myd diwydiant. Mae yn yr Adran nifer fawr o staff sy'n gwneud ymchwil yn unig ac mae'n bosib y bydd y myfyrwyr yn dod i gysylltiad â hwy.

Mae cyflogadwyedd wedi'i wreiddio yn ein holl addysgu. Bydd ein gradd Geneteg yn rhoi ichi ddigonedd o waith ymarferol yn y labordy, ac felly’r sgiliau i fynd ymlaen i yrfa broffesiynol ym maes geneteg mewn gofal iechyd, diwydiant neu addysg uwch. Mae cyfleoedd posibl yn cynnwys geneteg glinigol, geneteg fiofeddygol, biodechnoleg, ymchwil fforensig, ymgynghori genetig, geneteg cadwraeth, a bridio planhigion. Mae’r cynllun hwn hefyd yn aml yn arwain at ymchwil uwchraddedig ar lefel Meistr a PhD.

Ble mae ein graddedigion Geneteg nawr? 

• Technolegydd Geneteg yn Ysbyty Menywod Lerpwl
• Gwyddonydd Clinigol yn Ysbyty Menywod Lerpwl
• Gwyddonydd Ymchwil yn y Labordy Gwyddoniaeth a Thechnoleg Amddiffyn
• Cydymaith Ymchwil Ôl-ddoethurol ym Mhrifysgol Manceinion
• Myfyriwr MSc mewn Bioleg Ddatblygiadol ym Mhrifysgol Caerfaddon
• PhD ym Mhrifysgol Caerlŷr.

Pa gyfleoedd sydd ar gael am brofiad gwaith wrth astudio? 

Dysgwch am y gwahanol gyfleoedd sy'n cael eu cynnig gan y Gwasanaeth Gyrfaoedd a sut y gallwch chi wella'ch cyfleoedd cyflogaeth gyda Cynllun Blwyddyn mewn Gwaith (BMG).

Mae geneteg ar flaen y gad ym maes y gwyddorau biolegol. Yn yr oes ôl-genomig, mae modd i ni wir archwilio ein rhaglennu biolegol ar lefel foleciwlaidd. Yr hyn rydw i'n ei fwynhau fwyaf am y cwrs, C400, yw bod modd i chi ei deilwra i'r meysydd sydd o ddiddordeb i chi, gan ddewis eich cyfuniad eich hun o fodiwlau sy'n adlewyrchu'r meysydd rydych am eu harchwilio fwyaf, gan ennill gwybodaeth a phrofiad ymarferol gwerthfawr fydd yn helpu i lywio llwybr eich gyrfa. Richard Cleverley

I fi, mae apêl geneteg wedi'i wreiddio yn ei natur byd-eang ac amrywiol; mae'n ddiddorol ystyried y ffaith fod pob amrywiaeth o organeb fyw wedi'i greu â glasbrint, sydd wedi'i ysgrifennu mewn moleciwlau o DNA. Caiff fy moddhad mewn geneteg ei ddwysáu gan yr effaith gadarnhaol y gall ei defnydd ei chael ar fywydau pobl, a gyda chymaint ar ôl i'w ddarganfod, mae'n siŵr bod datgeliadau gwell fyth i ddod. Mae astudio ym Mhrifysgol Aberystwyth wedi hwyluso fy mwynhad o eneteg, ac wedi rhoi'r adnoddau i fi sy'n caniatáu i fi barhau i fwynhau geneteg. Nathan Luke Greenaway

Gwnaeth fy nghwrs ym Mhrifysgol Aberystwyth fy mharatoi ar gyfer fy ngradd doethuriaeth drwy fy herio i ddeall egwyddorion moleciwlaidd a chellol craidd sy'n hanfodol i weithrediad cellol. Yr hyn rydw i wedi'i ddysgu drwy ryngweithio gyda graddedigion eraill yw bod cwmpas yr addysgu yn Adran y Gwyddorau Bywyd yn llawer ehangach, gan roi dealltwriaeth llawer gwell o hanfodion bioleg na chyrsiau eraill.

Phil, sy'n astudio ar gyfer doethuriaeth ym Mhrifysgol Caerefrog

Rhoddodd fy ngradd mewn Geneteg a Biocemeg sylfaen dda i fi, a wnaeth fy mharatoi'n wych ar gyfer fy noethuriaeth. Fe wnaeth un o'r cyrsiau, Mynegiant Genynnau a Geneteg Ddatblygiadol, fy ysbrydoli i weithio ym maes Bioleg Ddatblygiadol, a dyna'r maes rwy'n gweithio ynddo heddiw. Bydda i'n ddiolchgar am byth am y cyfle ges i, a'r addysg a dderbyniais.

Roger – Athro mewn Niwrowyddoniaeth, Prifysgol Copenhagen