BSc

Geneteg (gyda blwyddyn integredig mewn diwydiant)

Geneteg (gyda blwyddyn integredig mewn diwydiant) Cod C401 Dewch i Ddiwrnod Agored Dewch i Ddiwrnod Agored

Ymgeisio Nawr

Prif Ffeithiau

C401

  • Tariff UCAS

    120 - 104

  • Hyd y cwrs

    4 blynedd

  • Cyfrwng Cymraeg

    32%

Ar gael ar gyfer Dechrau Medi 2025

Manylion pellach ynglŷn â'r gofynion mynediad

Ymgeisio Nawr

Os oes gennych ddiddordeb mewn geneteg, a'ch bod eisiau mynd i'r afael â materion gwyddonol pwysig fel addasu geneteg mewn organebau, neu ragfynegi clefydau mewn pobl drwy eneteg, dyma'r cynllun i chi!

Mae ein gradd Geneteg yn canolbwyntio ar gryfderau hirsefydlog Adran y Gwyddorau Bywyd mewn ymchwil ym maes geneteg. Mae gan yr Adran gyfleusterau ar gyfer dilyniannu a bioddelweddu DNA, a chyfrifiadura uchel ei berfformiad ar gyfer biowybodeg. Ar ben hynny, mae Athrofa y Gwyddorau Biolegol, Amgylcheddol a Gwledig (IBERS) yn gartref i’r Ganolfan Genedlaethol Ffenomeg Planhigion.

Mae cynnwys y cwrs yn amrywio o hanfodion esblygiad i ffiniau geneteg fodern, gan gynnwys genomeg feddygol a biowybodeg.

Ar ôl cwblhau'r radd hon, gallai eich opsiynau gyrfaol amrywio o ymchwil biofeddygol, i fiotechnoleg, i'r diwydiant fferyllol a gyrfaoedd ym maes Addysg Uwch.

Trosolwg o'r Cwrs

Pam astudio Geneteg ym Mhrifysgol Aberystwyth?

  • Byddwch yn astudio bioleg canser, geneteg cromosomau, mynegiant a datblygiad genynnau, geneteg esblygiad a phoblogaeth, a biotechnoleg.
  • Byddwch yn dysgu gymhwyso technegau moleciwlaidd gan gynnwys echdynnu, dilyniannu a dadansoddi DNA.
  • Mae gan fyfyrwyr yn ein hadran fynediad at labordai ymchwil ac addysgu sydd ag offer modern, gan gynnwys cyfleusterau bioddelweddu, dilyniannu DNA trwygyrch uchel, llwyfannau proteomeg, metabolomeg, ffenomeg a spectrosgopeg. Mae'r cyfleusterau hyn yn rhoi cyfle i fyfyrwyr ddatblygu'r sgiliau allweddol y mae cyflogwyr yn chwilio amdanynt.
  • Byddwch yn astudio prosiect ymchwil labordy gwarantedig yn y flwyddyn olaf.
  • Byddwch hefyd yn cael hyfforddiant mewn protocolau gwyddonol a’r gweithdrefnau gwyddonol cywir ar gyfer cofnodi, dehongli ac adrodd ar ddata.
  • Rydym yn rhoi llawer o bwyslais ar sgiliau ymarferol er mwyn i'n graddedigion ddod yn ymarferwyr o'r dechrau un. Rydym yn sicrhau bod gan ein graddedigion y sgiliau i gyfathrebu eu gwyddoniaeth yn effeithiol, fel bod modd iddynt ymuno â thrafodaethau am eneteg sy'n aml yn ddadleuol.
Ein Staff

Mae gan y rhan fwyaf o staff dysgu Adran Gwyddorau Bywyd gymwysterau hyd at safon PhD ac maent yn ymchwilwyr gweithgar. Hefyd, mae gan staff y cyrsiau galwedigaethol gefndir ym myd diwydiant. Mae yn yr Adran nifer fawr o staff sy'n gwneud ymchwil yn unig ac mae'n bosib y bydd y myfyrwyr yn dod i gysylltiad â hwy.

Modiwlau Dechrau Medi - 2025

Noder: Y modiwlau a restrir isod yw'r modiwlau y bwriedir eu cyflwyno ar hyn o bryd yn ystod y flwyddyn academaidd nesaf ac mae'n bosibl y gallant newid. Maent wedi'u cynnwys yma i roi syniad o strwythur y cwrs.

Modiwlau Craidd

Teitl y Modiwl Cod y Modiwl Gwerth Credyd
Bioleg Celloedd BG17520 20
Ecoleg a Chadwraeth BG19320 20
Genetics, Evolution and Diversity BR17120 20
Amrywiaeth Microbau a Phlanhigion BG19920 20
Sgiliau ar gyfer Biolegwyr BG16820 20

Opsiynau

Teitl y Modiwl Cod y Modiwl Gwerth Credyd
Biological chemistry BR17320 20
Comparative Animal Physiology BR16720 20
Disease Diagnosis and Control BR15420 20

Modiwlau Craidd

Teitl y Modiwl Cod y Modiwl Gwerth Credyd
Applied Molecular Biology and Bioinformatics BR20620 20
Cell and Cancer Biology BR25920 20
Chromosome Dynamics BR21820 20
Evolution and Molecular Systematics BR21720 20
Dulliau Ymchwil BG27520 20

Opsiynau

Teitl y Modiwl Cod y Modiwl Gwerth Credyd
Immunology BR22220 20
One Health Microbiology BR26520 20
Practical Skills for Biochemists BR22920 20
Practical and Professional Skills in Microbiology BR24720 20
Proteins and Enzymes BR26620 20
Pynciau llosg yn y Biowyddorau BG21720 20
Sgiliau Ymarferol a Proffesiynol ym Microbioleg BG24720 20

Modiwlau Craidd

Teitl y Modiwl Cod y Modiwl Gwerth Credyd
Integrated Year in Industry BRS0060 60

Modiwlau Craidd

Teitl y Modiwl Cod y Modiwl Gwerth Credyd
Bioinformatics and Functional Genomics BR37120 20
Biotechnology BR35520 20
Molecular Biology of Development BR36020 20
Traethawd Estynedig BG36440 40

Opsiynau

Teitl y Modiwl Cod y Modiwl Gwerth Credyd
Frontiers in Plant Science BR35820 20
Global Biodiversity Conservation BR33420 20
Molecular Pharmacology BR36120 20

Gyrfaoedd

Mae cyflogadwyedd wedi'i wreiddio yn ein holl addysgu. Bydd ein gradd Geneteg yn rhoi ichi ddigonedd o waith ymarferol yn y labordy, ac felly’r sgiliau i fynd ymlaen i yrfa broffesiynol ym maes geneteg mewn gofal iechyd, diwydiant neu addysg uwch. Mae cyfleoedd posibl yn cynnwys geneteg glinigol, geneteg fiofeddygol, biodechnoleg, ymchwil fforensig, ymgynghori genetig, geneteg cadwraeth, a bridio planhigion. Mae’r cynllun hwn hefyd yn aml yn arwain at ymchwil uwchraddedig ar lefel Meistr a PhD.

Ble mae ein graddedigion Geneteg nawr? 

  • Technolegydd Geneteg yn Ysbyty Menywod Lerpwl
  • Gwyddonydd Clinigol yn Ysbyty Menywod Lerpwl
  • Gwyddonydd Ymchwil yn y Labordy Gwyddoniaeth a Thechnoleg Amddiffyn
  • Cydymaith Ymchwil Ôl-ddoethurol ym Mhrifysgol Manceinion
  • Myfyriwr MSc mewn Bioleg Ddatblygiadol ym Mhrifysgol Caerfaddon
  • PhD ym Mhrifysgol Caerlŷr.

Dysgu ac Addysgu

Mae'r elfen a ddysgir yn y radd Geneteg sy’n cynnwys blwyddyn mewn diwydiant yn union yr un peth â'i chwaer-gwrs tair blynedd (C400). Mae'r flwyddyn mewn diwydiant yn cael ei chymryd yn eich trydedd flwyddyn, yn y DU neu dramor, ac mae’n cael ei goruchwylio a'i hasesu, a bydd yn cyfrif tuag at eich gradd derfynol. Yn ystod eich blwyddyn mewn diwydiant, byddwch yn talu ffi ddysgu ostyngedig.

Beth fydda i'n ei ddysgu?

Bydd astudio Geneteg ym Mhrifysgol Aberystwyth yn caniatáu i chi ddysgu am y canlynol:

  • Bioleg celloedd
  • Proteinau ac ensymau
  • Geneteg cromosomau
  • Mynegiant a datblygiad genynnau
  • Geneteg poblogaeth ac esblygiad
  • Biotechnoleg.

Byddwch hefyd yn cael hyfforddiant arbenigol yn y meysydd canlynol:

  • Protocol gwyddonol
  • Gwaith ymarferol yn y labordy
  • Y fethodoleg arbrofol gywir ar gyfer cofnodi, dehongli ac adrodd ar ddata.

Sut bydda i'n cael fy addysgu?

Rydym yn darparu'r cwrs ar ffurf darlithoedd, seminarau a gwaith labordy.

Rydym yn asesu ein myfyrwyr yn y ffyrdd canlynol:

  • Traethodau
  • Gwaith ymarferol
  • Cyflwyniadau llafar
  • Arholiadau
  • Mae'n bosib y bydd gofyn i chi hefyd gwblhau aseiniadau ychwanegol a gwaith gydag eraill ar dasgau penodol.

Gofynion Mynediad Nodweddiadol

Tariff UCAS 120 - 104

Safon Uwch BBB-BCC with B in Biology or Human Biology

Gofynion TGAU (o leiaf gradd C/4):
English or Welsh, Mathematics and a Science subject

Diploma Cenedlaethol BTEC:
DDD-DDM in a specified subject

Bagloriaeth Ryngwladol:
30-28 with 5 points in Biology at Higher Level

Bagloriaeth Ewropeaidd:
75% - 65% overall with 7 in Biology

Mae'r Brifysgol yn croesawu ceisiadau israddedig gan fyfyrwyr sy'n astudio'r Diploma Mynediad i Addysg Uwch neu gymwysterau lefel T, ar yr amod eu bod yn cyflawni'r canlyniadau perthnasol o ran cynnwys y pwnc a'r dysgu. Ni allwn dderbyn Diplomâu Mynediad i Addysg Uwch na lefelau T fel cymhwyster cyffredinol ar gyfer pob cwrs gradd israddedig.
Mae ein polisi derbyn cynhwysol yn rhoi gwerth ar ehangder yn ogystal â dyfnder yr astudio. Dewisir ymgeiswyr ar sail eu teilyngdod eu hunain a gall cynigion amrywio. Os hoffech wirio a yw eich cymwysterau yn gymwys cyn cyflwyno cais, cysylltwch â'r Swyddfa Derbyn Israddedigion am gyngor ac arweiniad.

Yn ôl i'r brig

|