Daearyddiaeth

Beth fydda i'n ei ddysgu?

Bydd y crynodeb isod yn rhoi darlun i chi o'r hyn y gallech ei astudio yn ystod y cynllun gradd pedair blynedd.

Yn y flwyddyn sylfaen, cewch gyflwyniad i elfennau craidd Daearyddiaeth.

Bydd eich blwyddyn sylfaen yn eich helpu i ymgyfarwyddo â’r brifysgol - ein ffocws yw eich cefnogi i ddysgu'r sgiliau y bydd eu hangen arnoch i ffynnu mewn gradd Daearyddiaeth. Mae hynny'n golygu dilyn modiwlau yn y flwyddyn sylfaen a fydd yn eich cyflwyno i ddadleuon cyfoes sy'n ymwneud â deall, monitro ac ymateb i newid amgylcheddol. Fel myfyriwr daearyddiaeth, bydd gennych ddigonedd o fodiwlau dewisol a gallwch ddewis rhwng ein hopsiynau ym maes y dyniaethau a’r gwyddorau cymdeithasol. Gan ddibynnu ai daearyddiaeth ddynol neu ffisegol sydd orau gennych, gallwch ddilyn Rheoli’r Amgylchedd neu Cyflwyniad i’r Gwyddorau Cymdeithasol. Mae ein holl fodiwlau wedi'u cynllunio i'ch helpu i ddatblygu eich sgiliau academaidd a'ch cyflwyno i bynciau craidd. Mae gwaith maes yn hanfodol i ymchwil ddaearyddol a bydd dau o'ch modiwlau yn cynnwys gwaith maes. Bydd hyn yn cynnwys taith i warchodfa natur leol lle byddwch yn dysgu dulliau gan gynnwys arsylwi ar adar, pryfed a phlanhigion, cynhyrchu mapiau sy’n darlunio cynefinoedd a nodweddion hydrolegol, arferion rheoli safle (hydroleg a daeareg), cysylltiadau safleoedd â'r gymuned a'r economi leol, a dylunio safleoedd. Mae ein rhaglen Daearyddiaeth gyda blwyddyn sylfaen integredig yn cynnig cyfle i chi wella’r sgiliau craidd sydd eu hangen ar gyfer eich gradd mewn amgylchedd cefnogol. 

Yn eich ail blwyddyn, byddwch yn cael eich cyflwyno i'r canlynol:

• cysyniadau allweddol mewn astudiaeth ddaearyddol
• problemau a thechnegau wrth gasglu, dadansoddi a chyflwyno data daearyddol
• newid hinsawdd
• prosesau tirwedd
• datblygu economaidd
• globaleiddio

Yn eich trydedd flwyddyn, byddwch yn datblygu ymhellach ym meysydd:

• sgiliau ymchwil cyfrifiadurol a labordy, i baratoi ar gyfer eich prosiect ymchwil annibynnol
• dadansoddi setiau data ansoddol a meintiol
• cynhyrchu mapiau a graffigau eraill sy'n dehongli data daearyddol
• cymryd rhan mewn taith maes breswyl ym Mhrydain neu dramor

Gallwch hefyd ddewis modiwlau opsiynol i arbenigo neu gynnal diddordeb eang ar draws Daearyddiaeth.

Yn eich blwyddyn olaf:

• byddwch yn cynnal prosiect ymchwil annibynnol yn cynnwys casglu, dadansoddi a dehongli eich data eich hun
• bydd ymgynghorydd personol yn cael ei ddynodi i chi, a fydd yn darparu arweiniad arbenigol
• bydd modiwlau opsiynol amrywiol megis rhewlifeg, hydroleg, peryglon folcanig, newid hinsawdd yn y gorffennol, trefoli, a newid gwledig yn eich galluogi i deilwra eich astudiaeth i weddu i'ch diddordebau

Sut bydda i'n cael fy addysgu?

Caiff ein cyrsiau eu haddysgu ar ffurf darlithoedd, seminarau, dosbarthiadau ymarferol gyda chyfrifiaduron ac mewn labordai, tiwtorialau grwpiau bach, cyrsiau maes a goruchwyliaeth unigol ar gyfer gwaith prosiect.

Sut bydda i'n cael fy asesu?

Rydym yn asesu ein myfyrwyr drwy ystod o ddulliau gwahanol. Asesir rhai modiwlau yn rhannol gydag arholiadau traddodiadol, ond mae rhai yn cynnwys elfennau o waith cwrs. Mae gennym rai modiwlau hefyd lle gall fod gofyn i'r myfyrwyr gynhyrchu adroddiadau ymarferol, rhoi cyflwyniadau llafar, dylunio tudalennau gwe, cynhyrchu ffilmiau byrion, neu gyfrannu at fforymau trafod ar-lein. Asesir rhai modiwlau, yn arbennig y tiwtorialau a'r cyrsiau maes, yn gyfan gwbl ar ffurf gwaith cwrs.