Daearyddiaeth

Pam astudio Daearyddiaeth (gyda blwyddyn sylfaen) ym Mhrifysgol Aberystwyth?

Caiff ein myfyrwyr daearyddiaeth y cyfle i astudio themâu rhyngddisgybledig megis newid amgylcheddol, daearberyglon, a chynaliadwyedd, ynghyd â'r cyfle i dderbyn hyfforddiant sgiliau penodol fel synhwyro o bell a systemau gwybodaeth ddaearyddol (GIS).

Mae strwythur y cynllun gradd hyblyg hwn yn golygu y gallwch ddewis arbenigo mewn maes penodol neu gynnal ehangder o ddiddordebau trwy gydol y cwrs, gan ganolbwyntio ar y themâu sy'n apelio ichi fwyaf.

Rydym yn cynnig amrywiaeth eang o gyfleoedd gwaith maes, gan gynnwys taith faes yn rhad ac am ddim ar ddechrau'r flwyddyn gyntaf. Yn yr ail flwyddyn, rydym yn cynnig ystod o deithiau i gyd-fynd ag arbenigeddau a chyllidebau amrywiol. Yn ddiweddar, bu teithiau i Greta a Berlin, a thaith carbon-isel yn rhad ac am ddim i Ganolbarth a De Cymru. Yn ogystal â hyn cynigir teithiau undydd dewisol ar sawl modiwl trwy gydol eich gradd.

Dyma rai o’r cyfleoedd sydd ar gael i fyfyrwyr Daearyddiaeth yn Aberystwyth:

• cael eich dysgu gan ymchwilwyr sy’n cael eu cydnabod yn rhyngwladol yn eu meysydd arbenigol trwy gydol eich cwrs
• astudio cwrs sydd wedi’i achredu gan y Gymdeithas Ddaearyddol Frenhinol (ar y cyd â Sefydliad Daearyddwyr Prydain)
• defnydd o gyfleusterau eithriadol i wneud gwaith dadansoddi cemegol a ffisegol mewn labordy (er enghraifft, gwaith gyda phriddoedd, ansawdd dŵr a phaill), ymchwiliadau cymdeithasol a phrosesu data
• elwa ar ddosbarthiadau llai, lle ceir mwy o gyfleoedd i ddefnyddio dulliau addysgu ac asesu arloesol
• cefnogaeth ariannol, ar ffurf Ysgoloriaethau’r Coleg Cymraeg Cenedlaethol (gwerth hyd at £3,000) a chyfle i weithio tuag at gymhwyster Tystysgrif Sgiliau Iaith y Coleg.

Fel cymuned Ddaearyddiaeth fawr a dynamig, gallwn gynnig ystod eang iawn o arbenigedd, cyfleoedd a chyfleusterau daearyddiaeth:

• prosesau dalgylch afonydd
• rhewlifeg
• bioddaearyddiaeth
• newid amgylcheddol cwaternaidd
• tueddiadau cyfredol o ran Geoberyglon
• cynaliadwyedd dinesig
• datblygu rhanbarthol
• daearyddiaeth wleidyddol a diwylliannol
• cyfleoedd gwaith maes yn Seland Newydd, Creta, Efrog Newydd ac Iwerddon
• dyfarniadau teithio ar gael bob blwyddyn i ariannu eich anturiaethau eich hun (hyd at £400)
• cyfleusterau dysgu o'r radd flaenaf, gyda'r dechnoleg ddiweddaraf i wella dysg
• labordai â stoc llawn, gyda gwledd o offer dadansoddi e.e. sbectromedrau màs a sganwyr craidd, y gellir eu defnyddio ar gyfer gwaith maes ac astudiaeth annibynnol.

Ein Staff

Yr Adran Daearyddiaeth a Gwyddorau Daear: mae gan bob un o'r darlithwyr gymhwyster hyd at safon PhD neu maent yn gweithio tuag at PhD.

Mae Cyflogadwyedd wedi'i wreiddio yn ein holl gyrsiau. Mae ein graddau'n darparu sylfaen gadarn i amrywiaeth fawr o yrfaoedd ar draws ystod o sectorau. Mae ein graddedigion yn hyblyg ac yn gallu dibynnu ar set o sgiliau trosglwyddadwy mewn economi fyd-eang sy'n newid yn gyflym, sy'n sicrhau bod galw mawr amdanynt.

Mae graddedigion y cwrs hwn wedi cael gwaith fel ymgynghorwyr amgylcheddol, cynllunwyr, gweithwyr sifil, syrfewyr, ac addysgwyr, ymhlith eraill.