Almaeneg / Mathemateg

Pam astudio Almaeneg / Mathemateg ym Mhrifysgol Aberystwyth?

• Byddwch yn datgelu disgyblaeth sy'n cyfuno nodi a dadansoddi siapau a phatrymau gyda'r gallu i ddadansoddi data yn hyderus.
• Rydym yn cynnig pedair awr o waith iaith yr wythnos i'n myfyrwyr (2-3 awr sy'n cael eu cynnig gan y rhan fwyaf o brifysgolion).
• Byddwch yn cael eich addysgu gan siaradwyr brodorol ac arbenigwyr ieithoedd yr adran.
• Mae Mathemateg yn cael ei haddysgu ym Mhrifysgol Aberystwyth ers 1872, a dyma'r brifysgol gyntaf yng Nghymru i addysgu'r pwnc. Mae ein treftadaeth hir, ochr yn ochr â'n haddysgu cadarn sydd wedi'i seilio ar ymchwil, wedi sicrhau bod ein holl fyfyrwyr yn cael profi gradd sy'n eu hysgogi.
• Mae gan ein myfyrwyr ystod eang o ddewisiadau ar gyfer eu blwyddyn dramor, lle gall myfyrwyr ddewis rhwng lleoliadau gwaith a lleoliadau astudio.
• Rydym yn adran arbennig o gyfeillgar, ac mae ein myfyrwyr mewn cyswllt agos â'r staff addysgu.
• Gall myfyrwyr fanteisio ar ein cyfleusterau dysgu rhyngweithiol, sy'n cynnwys y Ganolfan Adnoddau Iaith.

Ein Staff

Mae gan bob un o ddarlithwyr yr Adran Ieithoedd Modern gymwysterau hyd at safon PhD ac maent yn gwneud gwaith ymchwil. Rydym hefyd yn cyflogi tiwtoriaid iaith, rhai ohonynt â gradd PhD, a phob un yn addysgwyr profiadol. O bryd i'w gilydd, cyflogwn siaradwyr brodorol o brifysgolion sy'n bartneriaid i ni dramor (lectoriaid), sy'n dod atom â chymeradwyaeth uchel ar sail eu llwyddiant academaidd yn eu prifysgolion eu hunain, ac mae sawl un ohonynt wedi hyfforddi fel addysgwyr. 

Mae’r holl ddarlithwyr yn yr Adran Mathemateg wedi’u cymhwyso i lefel PhD ac yn weithgar ym myd ymchwil. Mae gan y rhan fwyaf gymhwyster addysgu uwchraddedig ac mae’n rhaid i staff newydd gwblhau’r TUAAU. Mae’r adran hefyd yn cyflogi nifer o diwtoriaid rhan-amser, sydd â phrofiad dysgu eang, a rhai arddangoswyr sy’n cael eu dewis o blith ein myfyrwyr israddedig ac uwchraddedig.

Noder: Y modiwlau a restrir isod yw'r modiwlau y bwriedir eu cyflwyno ar hyn o bryd yn ystod y flwyddyn academaidd nesaf ac mae'n bosibl y gallant newid. Maent wedi'u cynnwys yma i roi syniad o strwythur y cwrs.

Beth alla i ei wneud gyda gradd Almaeneg a Mathemateg?

Mae ein graddedigion wedi cael swyddi yn y sectorau canlynol:

• ymgynghori ystadegol
• addysgu
• cyfrifo a bancio
• dadansoddi risg a gwaith actiwaraidd
• rheolaeth ariannol a dadansoddi buddsoddiadau
• technoleg gwybodaeth a gwyddor data
• cyfieithu a chyfieithu ar y pryd
• marchnata a chyfathrebu.

Sgiliau Trosglwyddadwy

Bydd astudio am radd mewn Almaeneg a Mathemateg yn eich paratoi gydag ystod o sgiliau trosglwyddadwy sy'n werthfawr iawn i gyflogwyr. Mae'r rhain yn cynnwys:

• y gallu i fynegi syniadau a chyfleu gwybodaeth mewn modd clir a threfnus, yn ysgrifenedig ac ar lafar
• sgiliau datrys problemau a meddwl creadigol effeithiol
• y gallu i weithio'n annibynnol
• sgiliau rheoli amser a threfnu, gan gynnwys y gallu i weithio i derfynau amser
• hunanddibyniaeth a'r gallu i ysgogi eich hun
• y gallu i weithio mewn tîm a thrafod cysyniadau mewn grwpiau, a rhoi lle i syniadau gwahanol a dod i gytundeb
• sgiliau ymchwil.