BSc

Gwyddor Iechyd (Maeth ac Ymarfer Corff) (gyda blwyddyn integredig mewn diwydiant)

Gwyddor Iechyd (Maeth ac Ymarfer Corff) (gyda blwyddyn integredig mewn diwydiant) Cod B995 Dewch i Ddiwrnod Agored Dewch i Ddiwrnod Agored

Ymgeisio Nawr

Prif Ffeithiau

B995

  • Tariff UCAS

    120 - 104

  • Hyd y cwrs

    4 blynedd

  • Cyfrwng Cymraeg

    17%

Ar gael ar gyfer Dechrau Medi 2025

Manylion pellach ynglŷn â'r gofynion mynediad

Ymgeisio Nawr

Mae astudio am radd BSc Gwyddor Iechyd (Maeth ac Ymarfer Corff) ym Mhrifysgol Aberystwyth yn eich galluogi i edrych ar ddatblygiad iechyd, lles a chlefydau dynol, a sut i’w trin, drwy astudio sut mae celloedd, organau a systemau'n gweithio yn y corff dynol. Mewn byd lle mae clefydau sy'n gysylltiedig â ffordd o fyw ar gynnydd, mae deall effaith ffordd o fyw ar iechyd pobl yn dod yn hollbwysig. 

Byddwch yn trin a thrafod y gwahanol ddulliau a ddefnyddir i helpu pobl i fyw a heneiddio’n iach, a’r ystyriaethau o ran eu ffordd o fyw. Mae'r radd yn cyfuno bioleg ddynol (cemeg, geneteg, microbioleg) ag ymarfer corff a gwyddor maeth er mwyn deall eu swyddogaeth gymhleth wrth reoleiddio'r system imiwnedd, ac yn natblygiad cyflyrau meddygol cronig ac wrth eu rheoli gan gynnwys, canser, strôc, diabetes a chlefyd cardiofasgwlaidd. Byddwch yn cyfuno eich dealltwriaeth o’r mecanweithiau cellol sy’n gysylltiedig â heneiddio, ymarfer corff a maeth er mwyn deall sut maent yn dylanwadu ar iechyd yr unigolyn a'r boblogaeth. 

Byddwch yn datblygu'r sgiliau sydd eu hangen i roi cyngor ynglŷn â maeth, i hyrwyddo gweithgarwch corfforol, yn ogystal â defnyddio bioleg canser ac imiwnoleg wrth weithio mewn labordy. O'r dadansoddiadau hyn, byddwch yn datblygu'r sgiliau perthnasol i wneud diagnosis o glefydau, i asesu eu taflwybr ar hyd oes unigolyn, ac i atal clefydau, a’u trin, trwy ymgorffori ystyriaethau’n ymwneud â ffordd o fyw fel rhan o’r broses i reoli clefydau yn glinigol.

Trwy gydol y radd ceir ffocws penodol ar ddysgu sgiliau yn y labordy a sgiliau ymarferol a fydd yn eich paratoi ar gyfer gwaith mewn amrywiaeth o feysydd gofal iechyd. Gall y rhain amrywio o fynediad i feddygaeth ar lefel graddedig , gweithio ym maes iechyd cyhoeddus, fel gweithwyr iechyd proffesiynol neu ym maes adsefydlu, a gweithio i gwmnïau fferyllol a maethol masnachol.  

Trosolwg o'r Cwrs

Pam astudio Gwyddor Iechyd ym Mhrifysgol Aberystwyth? 

  • Byddwch yn astudio gradd yn y Gwyddor Iechyd gyda ffocws unigryw ar fioleg ddynol, iechyd, ymarfer corff a maeth.
  • Byddwch yn cael eich addysgu gan staff brwdfrydig, ymroddgar a chyfeillgar sydd ag arbenigedd ar draws yr ystod lawn o bynciau biolegol.
  • Byddwch yn rhan o Adran y Gwyddorau Bywyd, sydd ag uned ymchwil ddynodedig ar gyfer asesu lles ac iechyd.
  • Bydd eich astudiaethau academaidd yn cael eu hategu gan gyfoeth o waith labordy a gwaith maes sy'n meithrin sgiliau gwyddonol go iawn sy'n hanfodol ar gyfer eich dyfodol.
  • Mae ein cyfleusterau addysgu ac e-ddysgu yn rhoi profiad dysgu rhagorol i chi gan integreiddio'r sesiynau dosbarth a storfa enfawr o adnoddau astudio.
  • Bydd tiwtor personol yn cael ei ddynodi i chi a all eich arwain dros eich cyfnod yn Aberystwyth a'ch helpu i ymgartrefu pan fyddwch yn cyrraedd yma gyntaf.
  • Mae Aberystwyth yn dref brifysgol fywiog sy'n darparu profiad ardderchog i fyfyrwyr ac amgylchedd trawiadol i fyw a dysgu ynddo.
  • Ar ôl y radd, byddwch mewn sefyllfa dda i ddilyn gyrfa mewn diwydiannau iechyd a meddygol, astudio ar lefel uwchraddedig neu ymrestru mewn ysgol feddygol.
Ein Staff

Mae gan y rhan fwyaf o staff dysgu Adran Gwyddorau Bywyd gymwysterau hyd at safon PhD ac maent yn ymchwilwyr gweithgar. Hefyd, mae gan staff y cyrsiau galwedigaethol gefndir ym myd diwydiant. Mae yn yr Adran nifer fawr o staff sy'n gwneud ymchwil yn unig ac mae'n bosib y bydd y myfyrwyr yn dod i gysylltiad â hwy.

Modiwlau Dechrau Medi - 2025

Noder: Y modiwlau a restrir isod yw'r modiwlau y bwriedir eu cyflwyno ar hyn o bryd yn ystod y flwyddyn academaidd nesaf ac mae'n bosibl y gallant newid. Maent wedi'u cynnwys yma i roi syniad o strwythur y cwrs.

Modiwlau Craidd

Teitl y Modiwl Cod y Modiwl Gwerth Credyd
Biological chemistry BR17320 20
Bioleg Celloedd BG17520 20
Genetics, Evolution and Diversity BR17120 20
Human Anatomy and Kinesiology BR16420 20
Human Physiological Systems BR16320 20
Skills in Nutrition, and Science Communication BR17420 20

Modiwlau Craidd

Teitl y Modiwl Cod y Modiwl Gwerth Credyd
Applied Molecular Biology and Bioinformatics BR20620 20
Cell and Cancer Biology BR25920 20
Immunology BR22220 20
Dulliau Ymchwil BG27520 20
Sport & Exercise Physiology BR27420 20
Sport and Exercise Nutrition BR22520 20

Modiwlau Craidd

Teitl y Modiwl Cod y Modiwl Gwerth Credyd
Integrated Year in Industry BRS0060 60

Modiwlau Craidd

Teitl y Modiwl Cod y Modiwl Gwerth Credyd
Applied Sports Nutrition BR30920 20
Traethawd Estynedig BG36440 40

Opsiynau

Teitl y Modiwl Cod y Modiwl Gwerth Credyd
Bioinformatics and Functional Genomics BR37120 20
Injury and Rehabilitation BR32020 20
Microbial Pathogenesis BR33720 20
Molecular Biology of Development BR36020 20
Molecular Pharmacology BR36120 20
Parasitology BR33820 20
Training and Performance Enhancement BR34420 20

Gyrfaoedd

Gall graddedigion ddilyn gyrfaoedd ym maes gofal iechyd clinigol a chymunedol, mewn labordai geneteg glinigol, treialon clinigol a’r sector rheoleiddiol, gwerthu a marchnata ym maes gofal iechyd a chynnyrch diagnostig, patholeg ddiagnostig a labordai clinigol, addysg, ac ymchwil a datblygu ar gyfer y diwydiant fferyllol.

Gallai myfyrwyr sydd wedi graddio mewn Bioleg fynd ymlaen i gael hyfforddiant pellach ym maes Meddygaeth hefyd.

Pa sgiliau fydda i'n ei ddatblygu wrth astudio Gwyddor Iechyd?

Mae cyflogadwyedd wedi'i wreiddio yn ein holl addysgu. Mae ein myfyrwyr yn gadael Prifysgol Aberystwyth gyda'r sgiliau canlynol:  

  • Sgiliau ymchwil a dadansoddi data
  • Sgiliau mathemategol a chyfrifiadol uwch
  • Sgiliau datrys problemau a meddwl creadigol effeithiol
  • Sylfaen drylwyr mewn sgiliau technoleg gwybodaeth
  • Y gallu i weithio'n annibynnol
  • Sgiliau rheoli amser a threfnu, gan gynnwys y gallu i weithio i derfynau amser
  • Y gallu i fynegi syniadau a chyfleu gwybodaeth mewn modd clir a threfnus, yn ysgrifenedig ac ar lafar
  • Hunanddibyniaeth a'r gallu i ysgogi eu hunain
  • Y gallu i weithio mewn tîm a thrafod cysyniadau mewn grwpiau, a rhoi lle i syniadau gwahanol a dod i gytundeb.


Dysgu ac Addysgu

Mae'r elfen a ddysgir yn y radd Gwyddor Iechyd sy’n cynnwys blwyddyn mewn diwydiant yn union yr un peth â'i chwaer-gwrs tair blynedd (B994). Mae'r flwyddyn mewn diwydiant yn cael ei chymryd yn eich trydedd flwyddyn, yn y DU neu dramor, ac mae’n cael ei goruchwylio a'i hasesu, a bydd yn cyfrif tuag at eich gradd derfynol. Yn ystod eich blwyddyn mewn diwydiant, byddwch yn talu ffi ddysgu ostyngedig.

Addysgu

Mae'r cynnwys dangosol sy'n ofynnol ar gyfer gradd mewn Gwyddor Iechyd, gan gynnwys anatomeg ddynol, ffisioleg, biocemeg, geneteg, imiwnoleg, microbioleg, ffarmacoleg, bioleg foleciwlaidd a chelloedd a biowybodeg yn cael eu cwmpasu gan fodiwlau craidd y cwrs. Mae dewis o fodiwlau opsiynol hefyd a fydd yn eich helpu i ddysgu am asesu clinigol gyda sgiliau cleient/claf a/neu i ddatblygu sgiliau clinigol yn y labordy.

Dysgu

Mae'r radd Gwyddor Iechyd (Maeth ac Ymarfer Corff) wedi'i strwythuro i brofi eich gwybodaeth, i ddatblygu meddwl yn annibynnol a chaffael sgiliau ac i ddarparu'r math o wybodaeth drosglwyddadwy sy'n ddefnyddiol i gyflogwyr. Byddwch yn cael eich addysgu mewn gwahanol ffurfiau yn cynnwys rhai neu bob un o'r canlynol:

  • Adroddiadau labordy a/neu waith maes
  • Adroddiad traethawd hir
  • Asesiad profiad gwaith
  • Ymarfer o dan oruchwyliaeth
  • Cymwyseddau sgiliau labordy a/neu faes
  • Gweithgareddau ar-lein
  • Traethodau, crynodebau ac aseiniadau
  • Ymarferion dehongli data
  • Dadansoddi astudiaethau achos yn feirniadol
  • Cyflwyniadau llafar, posteri a chyflwyniadau eraill megis erthyglau mewn cyfnodolion
  • Arholiadau nas gwelwyd, arholiadau a welwyd neu lyfrau agored, asesiadau ar gyfrifiaduron.

Gofynion Mynediad Nodweddiadol

Tariff UCAS 120 - 104

Safon Uwch BBB-BCC gan gynnwys B mewn Bioleg

Gofynion TGAU (o leiaf gradd C/4):
English or Welsh, Science and Mathematics

Diploma Cenedlaethol BTEC:
DDD-DDM in a specified subject

Bagloriaeth Ryngwladol:
30-28 with 5 points in Biology at Higher Level

Bagloriaeth Ewropeaidd:
75%-65% overall with 7 in Biology

Mae'r Brifysgol yn croesawu ceisiadau israddedig gan fyfyrwyr sy'n astudio'r Diploma Mynediad i Addysg Uwch neu gymwysterau lefel T, ar yr amod eu bod yn cyflawni'r canlyniadau perthnasol o ran cynnwys y pwnc a'r dysgu. Ni allwn dderbyn Diplomâu Mynediad i Addysg Uwch na lefelau T fel cymhwyster cyffredinol ar gyfer pob cwrs gradd israddedig.
Mae ein polisi derbyn cynhwysol yn rhoi gwerth ar ehangder yn ogystal â dyfnder yr astudio. Dewisir ymgeiswyr ar sail eu teilyngdod eu hunain a gall cynigion amrywio. Os hoffech wirio a yw eich cymwysterau yn gymwys cyn cyflwyno cais, cysylltwch â'r Swyddfa Derbyn Israddedigion am gyngor ac arweiniad.

Yn ôl i'r brig

|