Hanes a Hanes Cymru

Mae'r cynllun gradd Hanes a Hanes Cymru yn eich galluogi i elwa ar astudio yn un o'r prif ganolfannau yn y byd ar gyfer addysg ac ymchwil yn hanes Cymru, ynghyd â darparu hyblygrwydd i archwilio ystod o bynciau hanesyddol eraill yn unol â'ch diddordebau chi.

Pam astudio Hanes a Hanes Cymru yn Aberystwyth?

• Mae Hanes yn cael ei addysgu yn Aberystwyth ers 1872, felly mae'r adran yn un o'r rhai hynaf yng Nghymru, ac ymhlith y mwyaf blaenllaw ym Mhrydain.
• Mae ein haddysgu'n arloesol, yn seiliedig ar ymchwil ac wedi'i chynllunio i ddatblygu'ch sgiliau trosglwyddadwy mewn meysydd megis dadansoddi, dehongli a chyfathrebu, gan eich paratoi ar gyfer ystod eang o yrfaoedd.
• Bydd ein meysydd pwnc arbenigol yn eich galluogi i ddilyn eich diddordebau hanesyddol o'r cyfnod canoloesol hyd heddiw, gan rychwantu pedwar cyfandir a chwmpasu hanes gwleidyddol, cymdeithasol, economaidd a diwylliannol.
• Yn fyfyriwr Hanes yn Aberystwyth, cewch wneud defnydd llawn o Lyfrgell Genedlaethol Cymru - un o ddim ond pum Llyfrgell Hawlfraint y DU, ac ystorfa archif flaenllaw Cymru.
• Yn rhan o'ch cwrs, cewch gymryd y cyfle i astudio dramor yn un o'n prifysgolion partner, neu fynd ar leoliad gwaith yn y sector Treftadaeth a gwneud cynlluniau ar gyfer eich gyrfa yn y dyfodol.

Ein Staff

Mae staff yr Adran Hanes a Hanes Cymru yn ymchwilwyr gweithgar ac yn arbenigwyr yn eu meysydd Hanes. Mae’r mwyafrif wedi cymhwyso gyda PhD ac mae ganddynt TUAAU hefyd. I ganfod mwy am ein staff, ewch i’n tudalen staff yr adran.

Pa ragolygon gyrfa a ddaw gyda gradd Hanes?

Mae ein graddedigion wedi bod yn llwyddiannus yn sicrhau swyddi mewn llawer o wahanol feysydd:

• addysg
• y gyfraith
• archifo
• cyhoeddi
• gwleidyddiaeth
• y Gwasanaeth Sifil
• y cyfryngau
• y lluoedd arfog
• Eentrepreneuriaeth.

Fel adran, rydym yn falch iawn o'n cynfyfyrwyr nodedig ac uchel eu parch;

• Dr Tim Brain, cyn Brif Gwnstabl Swydd Gaerloyw
• Guto Bebb, Aelod Seneddol
• Dr Joanne Cayford, BBC 
• Berwyn Davies, Pennaeth Swyddfa Addysg Uwch Cymru, Brwsel
• Iwan Griffiths, gohebydd chwaraeon S4C.

Lleoliadau gwaith i fyfyrwyr yn y sector treftadaeth

Mae gan ein hadran gysylltiadau cryf gyda'r sector treftadaeth, a phortffolio sefydledig o leoliadau myfyrwyr. Yn y gorffennol, mae myfyrwyr wedi treulio hyd at dair wythnos yn y Llyfrgell Genedlaethol (gan gynnwys cyfleoedd drwy gyfrwng y Gymraeg), Comisiwn Brenhinol Henebion Cymru, a Chymdeithas Hynafiaethwyr Llundain. Mae'r lleoliadau hyn yn ychwanegu gwerth i CV myfyriwr.

Cyfleoedd rhyngwladol

Mae Prifysgol Aberystwyth yn cynnig cyfle oes i chi astudio, gwirfoddoli neu weithio mewn gwlad arall, am flwyddyn academaidd, semester

sengl neu ychydig wythnosau yn y gwyliau. Archwiliwch ddiwylliannau eraill, heriwch eich hun a chasglwch brofiadau a fydd yn helpu gyda'ch gyrfa. Gall yr amser a dreulir yn archwilio gwlad a diwylliant newydd hogi'ch sgiliau rhyngbersonol, gwella'ch gallu iaith, ac ehangu eich meddylfryd rhyngwladol. Canfod ble gallwch chi fynd.

Sgyrsiau graddedig a mentora gan gyn-fyfyrwyr

Mae’r cynllun e-Fentora yn gyfle i chi gysylltu â chyn-fyfyrwyr o amrywiaeth o yrfaoedd, a hynny mewn amgylchedd diogel a chefnogol. Bydd hyn yn rhoi’r cyfle ichi ganfod beth oedd eu llwybr nhw i’w swyddi presennol a pha wybodaeth y gallant ei rhannu wrth i chi feddwl am eich camau nesaf. Mae’r Adran Hanes a Hanes Cymru’n cydweithio â’r Gwasanaeth Gyrfaoedd gyda’r bwriad o drefnu sgyrsiau gan gyn-fyfyrwyr ar wahanol adegau yn eu gyrfaoedd, megis y sgwrs lwyddiannus: ‘O’r brifysgol i yrfa ym maes treftadaeth ddiwylliannol: y camau cyntaf’, a gyflwynwyd gan un o’n graddedigion diweddar a lwyddodd i gael lle ar raglen uchel ei bri i hyfforddai yn Oriel y Tate.

Pa gyfleoedd sydd ar gael i wneud profiad gwaith wrth astudio? 

Cliciwch yma i ddysgu am y gwahanol gyfleoedd y mae tîm Gyrfaoedd Prifysgol Aberystwyth yn eu cynnig. 

Gallwch wella'ch cyfleoedd cyflogaeth gyda GO Wales a BMG (y cynllun Blwyddyn mewn Gwaith) sy'n cael eu rheoli gan ein hadran Gyrfaoedd. 

Rydw i wrth fy modd gyda 'Hanes', gan fod y cwrs yn berffaith i bobl sy'n mwynhau hanes, ond sy'n ansicr pa faes o Hanes sydd orau ganddyn nhw. Des i i'r brifysgol yn y sefyllfa yma, ond mae'r cwrs yma'n eich galluogi i ddarganfod hyn drwy roi cyfle i chi astudio llawer o wahanol gyfnodau. Yn ystod fy amser yma, rydw i wedi astudio llawer o wahanol gyfnodau a digwyddiadau, o'r Pla Du i Gymru Ganoloesol, i Wleidyddiaeth Prydain yn yr ugeinfed ganrif. Rydw i'n hoffi Hanes gan nad yw e'n eich cyfyngu chi fel cyrsiau eraill, ac mae'n caniatáu i chi ddarganfod eich Hanesydd mewnol go iawn.

Christopher Pines