Gwyddorau Bywyd

Mae’r cwrs Gwyddorau Bywyd gyda blwyddyn sylfaen yn cael ei addysgu gan staff arbenigol ac yn cynnwys rhaglen gwbl integredig sy’n darparu darlithoedd, sesiynau ymarferol, gweithdai a thiwtorialau. Cewch sylfaen gadarn mewn amrywiaeth o ddisgyblaethau gwyddonol gan gynnwys biocemeg, botaneg, bioleg celloedd, ecoleg, esblygiad, geneteg, microbioleg, swoleg, sgiliau astudio, a thechnegau gwaith maes a labordy biolegol. Cewch eich dysgu mewn cyfleusterau arobryn gan staff sy’n weithgar, brwdfrydig a chyfeillgar, ac sydd ag arbenigedd ar draws ystod lawn y pynciau gwyddor biolegol. Mae ein cyfleusterau modern yn cynnwys acwaria ar gyfer organebau morol a dŵr croyw, uned ddadansoddol a sbectrometreg màs, offer dilyniannu DNA trwygyrch uchel, labordy bio-ddelweddu, ystafelloedd tyfu a thai gwydr, y Ganolfan Ffenomeg Planhigion Genedlaethol, ffermydd a chanolfan geffylau  

Cewch astudio a byw mewn amgylchedd arbennig iawn, wedi'ch amgylchynu gan gynefinoedd sy'n cael eu cydnabod yn rhyngwladol, gan gynnwys safle UNESCO Biosffer Dyfi, gwlyptiroedd RAMSAR, ardaloedd cadwraeth morol arbennig, Gwarchodfeydd Natur Cenedlaethol, a safleoedd o ddiddordeb gwyddonol arbennig i enwi dim ond rhai. 

Ein Staff

Mae gan y rhan fwyaf o staff dysgu Adran Gwyddorau Bywyd gymwysterau hyd at safon PhD ac maent yn ymchwilwyr gweithgar. Hefyd, mae gan staff y cyrsiau galwedigaethol gefndir ym myd diwydiant. Mae yn yr Adran nifer fawr o staff sy'n gwneud ymchwil yn unig ac mae'n bosib y bydd y myfyrwyr yn dod i gysylltiad â hwy.

Fe wnes i fwynhau astudio cwrs C990 Gwyddorau Bywyd gan ei fod yn llwybr i mi i addysg uwch fel myfyriwr aeddfed. Gan nad oeddwn i wedi gwneud llawer o waith dysgu mewn dosbarth ers gadael yr ysgol chwarter canrif yn ôl, helpodd cwrs C990 i fy nghyflwyno'n ôl i'r amgylchedd dysgu yn raddol a gwneud i mi deimlo'n gartrefol ar gampws y brifysgol cyn dechrau fy nghwrs gradd llawn. Mae deunydd y cwrs wedi bod yn ddefnyddiol iawn ar gyfer blwyddyn gyntaf fy ngradd, ac rwy'n teimlo ei fod wedi fy mharatoi yn well nag y byddai astudio Safon Uwch hyd yn oed. Marciau llawn i Aberystwyth! Fiona Tyson

Fe wnes i fwynhau cwrs C990 Gwyddorau Bywyd yn fawr gan ei fod wedi rhoi llawer o brofiad i mi o ran bywyd prifysgol a byw oddi cartref am y tro cyntaf. Fe ddes i adnabod y darlithwyr yn dda iawn oherwydd bod gennym ddosbarth mor fach. Roedd y tasgau a wnaethom a'r sgiliau a ddysgais ar gwrs C990 o fantais i mi ym Mlwyddyn 1 am fy mod wedi ymgyfarwyddo â'r ffordd roedd adroddiadau'n cael eu strwythuro, a sut roedd ymarferion yn y labordy ac arholiadau'n cael eu cynnal. Rwy'n teimlo fy mod i'n canolbwyntio'n well ar ôl gwneud cwrs blwyddyn sylfaen C990. Dydw i ddim yn hiraethu am adref erbyn hyn oherwydd fy mod eisoes wedi ymgartrefu i fywyd yn y brifysgol. Oherwydd fy mod wedi gwneud cwrs C990, mae fy ngwaith yn elwa cymaint! Helen Louise Hayes