Y Gyfraith a Chyfrifeg a Chyllid

Mae'r elfen o’r cynllun gradd sy’n ymwneud â’r gyfraith yn cwmpasu cymysgedd o bynciau cyfreithiol traddodiadol a chyfoes.  Ceir hefyd elfen ymarferol, sydd wedi’i chynllunio i fodloni anghenion cyflogwyr, ac fe’i dysgir gan academyddion a gweithwyr proffesiynol profiadol.  Yn bennaf, mae darlithwyr Adran y Gyfraith a Throseddeg yn gymwys i lefel PhD neu mae ganddynt brofiad proffesiynol a chymwysterau fel cyfreithwyr sy'n ymarfer.  Mae gan lawer o’r staff gymhwyster TAR (mewn Addysg Uwch) hefyd.  Yn ogystal â’ch astudiaethau, mae modd dewis cymryd rhan gyda'n Cymdeithas Ymryson Cyfreitha, sy'n ffordd effeithiol o ddatblygu'ch sgiliau cyfreitha ac eirioli allweddol.   

Mae’r elfen o’r radd sy’n ymwneud â Chyfrifeg a Chyllid yn cynnwys modiwlau mewn cyfrifeg ariannol, cyfrifeg rheoli, cyfrifeg ac arbenigeddau cyllid a dadansoddi data.  Mae staff yr Ysgol Fusnes yn weithgar mewn gwaith ymchwil ac yn ymarferwyr arbenigol yn eu dewis faes, gan gynnwys cyfrifwyr cymwysedig.  

Yn eich blwyddyn olaf, ceir pwyslais cryf ar faterion cyfreithiol a gallwch astudio pynciau gan gynnwys cyfraith fasnachol, cyfraith droseddol, hawliau dynol, cyfraith ryngwladol, cyfraith chwaraeon a’r gymdeithas a'r heddlu, plismona a’r gymdeithas.  

Dyma'r radd berffaith os oes gennych ddiddordeb mewn dilyn rôl ym meysydd y Gyfraith, Cyfrifeg a Chyllid neu Gyfraith Ariannol.  

Ein Staff

Mae gan staff Adran y Gyfraith a Throseddeg gan mwyaf naill ai gymwysterau hyd at safon PhD neu mae ganddynt brofiad proffesiynol a chymwysterau fel cyfreithwyr wrth eu gwaith. Mae gan lawer o'r staff hefyd gymhwyster dysgu uwchraddedig (Addysg Uwch).

Caiff myfyrwyr Ysgol Fusnes Aberystwyth eu dysgu gan ddarlithwyr a staff dysgu eraill sy'n weithgar mewn gwaith ymchwil ac yn ymarferwyr arbenigol yn eu dewis maes. 

Mae gan dros 75% o’r aelodau o staff sy’n dysgu’n llawn amser gymhwyster hyd at lefel PhD. Ar hyn o bryd mae'r rhan fwyaf ohonynt yn weithgar mewn gwaith ymchwil, sy'n golygu bod myfyrwyr yn elwa o gael dysgu gwybodaeth 'newydd' yn eu dewis maes yn ogystal ag astudio testunau cydnabyddedig. Mae'r Ysgol hefyd yn cyflogi staff rhan-amser a llawn amser sydd wedi'u neilltuo ar gyfer dysgu yn unig.  Mae llawer o’r staff rhan-amser yn cyfuno dyletswyddau dysgu gyda gwaith ymgynghori a gweithgareddau busnes, gan sicrhau bod myfyrwyr yn gallu cael gafael nid yn unig ar yr ymchwil ddiweddaraf ond hefyd yr wybodaeth gymhwysol ddiweddaraf.

Bydd eich gradd LLB yn y Gyfraith a Chyfrifeg a Chyllid yn agor amrywiaeth o gyfleoedd cyffrous i chi.  

Byddwch yn ymgeisydd ar gyfer hyfforddiant pellach i ddod yn fargyfreithiwr neu'n gyfreithiwr neu’n gyfrifydd.   

Mae gradd LLB Y Gyfraith/ Cyfrifeg a Chyllid yn gyfle i chi fynd ymlaen i lwyddo mewn sawl maes gan gynnwys rheolaeth ariannol, busnes, adnoddau dynol, cysylltiadau rhyngwladol, newyddiaduraeth ac addysg.  

Mae eich dyfodol yn bwysig i ni, a bydd ein cyrsiau gradd yn rhoi'r canlynol i chi:  

• hyder i ddewis a defnyddio'r ystod fwyaf priodol o fethodolegau cyfreithiol 
• y gallu i ysgrifennu ac i gyfathrebu ag amrywiaeth o gynulleidfaoedd, gan werthuso a threfnu gwybodaeth  
• y gallu i gasglu, dosbarthu a dehongli cyfoeth o wybodaeth gyfreithiol yn gyflym ac yn gywir 
• y gallu i fynegi syniadau a chyfleu gwybodaeth mewn modd clir a threfnus, ar lafar ac yn ysgrifenedig 
• sgiliau meddwl yn greadigol a datrys problemau’n effeithiol 
• y gallu i weithio'n annibynnol 
• sgiliau rheoli amser a threfnu, gan gynnwys y gallu i weithio yn unol â therfynau amser  
• hunanddibyniaeth a'r gallu i’ch ysgogi eich hun 
• gweithio mewn tîm a'r gallu i drafod cysyniadau mewn grwpiau, a rhoi lle i syniadau gwahanol a dod i gytundeb sgiliau ymchwil. 

Pa gyfleoedd profiad gwaith a geir wrth astudio?  

Dysgwch fwy am y gwahanol gyfleoedd am waith y mae Gwasanaeth Gyrfaoedd Prifysgol Aberystwyth  yn eu cynnig.  

Gallwch wella'ch rhagolygon am swydd gyda  GO Wales a BMG (y cynllun Blwyddyn mewn Gwaith) sy'n cael eu rheoli gan ein hadran Gyrfaoedd.