Marchnata / Busnes a Rheolaeth

Pam astudio Marchnata / Busnes a Rheolaeth ym Mhrifysgol Aberystwyth? 

• Yn Aberystwyth, rydym yn canolbwyntio ar ddatblygu eich sgiliau a’ch gwybodaeth mewn elfennau strategol a gweithredol o ddamcaniaethau ac ymarfer marchnata cyfoes. Trwy ddadansoddi astudiaethau achos, sefyllfaoedd o’r byd go iawn, a damcaniaethau marchnata sylfaenol, byddwch yn dysgu eich crefft ar gwrs a fydd yn eich ysbrydoli. 
• Mae ein rhaglenni wedi'u hachredu gan y Sefydliad Marchnata Siartredig (CIM) yn ogystal â Chymdeithas y Cyfrifwyr Siartredig (ACCA) a Sefydliad Siartredig y Cyfrifwyr Rheoli (CIMA)
• Ar ôl cwblhau'r radd hon yn llwyddiannus gallwch wneud cais i gael hepgor 50% o Ddiplomâu Proffesiynol y CIM.
• Mae ein gradd yn rhoi i chi’r ddealltwriaeth amlddisgyblaethol am farchnata y mae cyflogwyr yn galw fwyfwy amdani.
• Fe’i dysgir gan arbenigwyr sy'n arwain yn y sector Marchnata ac mewn ymchwil;
• Mae gennym drefniadau â llawer o brifysgolion partneriaethol dramor i ddarparu rhaglenni academaidd byr (2 wythnos) i grwpiau bach o fyfyrwyr rheolaeth a busnes (ar sail hunan-ariannu), i chi gael profiad o effaith yr amgylchedd diwylliannol wrth gynnal busnes dramor. Ar hyn o bryd mae gennym brifysgolion partneriaethol yn Awstralia, Canada, Japan, Malaysia, Sbaen, Tsieina, yr Unol Daleithiau, ac eraill, ac mae ein portffolio o wledydd yn tyfu o hyd.

Ein Staff

Caiff myfyrwyr Ysgol Fusnes Aberystwyth eu dysgu gan ddarlithwyr a staff dysgu eraill sy'n weithgar mewn gwaith ymchwil ac yn ymarferwyr arbenigol yn eu dewis maes. 

Mae gan dros 75% o’r aelodau o staff sy’n dysgu’n llawn amser gymhwyster hyd at lefel PhD. Ar hyn o bryd mae'r rhan fwyaf ohonynt yn weithgar mewn gwaith ymchwil, sy'n golygu bod myfyrwyr yn elwa o gael dysgu gwybodaeth 'newydd' yn eu dewis maes yn ogystal ag astudio testunau cydnabyddedig. Mae'r Ysgol hefyd yn cyflogi staff rhan-amser a llawn amser sydd wedi'u neilltuo ar gyfer dysgu yn unig.  Mae llawer o’r staff rhan-amser yn cyfuno dyletswyddau dysgu gyda gwaith ymgynghori a gweithgareddau busnes, gan sicrhau bod myfyrwyr yn gallu cael gafael nid yn unig ar yr ymchwil ddiweddaraf ond hefyd yr wybodaeth gymhwysol ddiweddaraf.

Rhagolygon Gyrfaol: O'r Campws i'ch Gyrfa

Mae llawer o'n graddedigion wedi mynd i yrfa fel:

• Swyddog Gweithredol Marchnata
• Ymchwilydd Marchnad
• Ysgrifennwr Copi Hysbysebu
• Cynllunydd Cyfrif Hysbysebu
• Cynllunydd y Cyfryngau
• Prynwr y Cyfryngau
• Swyddog Cysylltiadau Cyhoeddus.

Pa sgiliau fydd y radd hon yn eu rhoi i fi?

Bydd astudio ein cwrs gradd mewn Marchnata / Busnes a Rheolaeth yn rhoi’r sgiliau canlynol i chi: 

• Sgiliau rhifedd gwell a'r gallu i ymchwilio, dehongli a defnyddio ystadegau 
• Dealltwriaeth ddofn o’r hyn sy’n achosi newidiadau economaidd a newidiadau allanol eraill, ac o’u heffeithiau
• Y gallu i gyfathrebu'n glir yn ysgrifenedig ac ar lafar
• Datrys problemau’n effeithiol
• Sgiliau dadansoddi a meddwl yn greadigol
• Gwneud penderfyniadau
• Gallu gweithio'n annibynnol ac yn aelod o dîm
• Sgiliau rheoli amser a threfnu
• Hunanddibyniaeth a'r gallu i’ch ysgogi eich hun.

Pa gyfleoedd gyrfaol sydd ar gael i fi fel myfyriwr yn Aberystwyth?

Dysgwch fwy am y cyfleoedd amrywiol y mae ein Gwasanaeth Gyrfaoedd yn eu cynnig. 

Gallwch wella'ch cyfleoedd cyflogaeth gyda GO Wales a’r cynllun Blwyddyn mewn Gwaith (BMG) a reolir gan ein Gwasanaeth Gyrfaoedd.