Seicoleg a Marchnata

Pam astudio Seicoleg a Marchnata ym Mhrifysgol Aberystwyth? 

Mae gan yr Adran Seicoleg gyfleusterau addysgu ac ymchwil rhagorol sy'n benodol i'ch cwrs. Mae ein labordai a'n mannau ymchwil penodol yn darparu amryw adnoddau ac offer i chi eu defnyddio i edrych ar ymddygiad pobl. Mae'r adnoddau hyn yn eich galluogi i ddatblygu’ch diddordebau, a datrys problemau mewn modd creadigol wrth i chi symud ymlaen tuag at eich gradd. 

Mae'r elfen Seicoleg wedi'i hachredu gan Gymdeithas Seicolegol Prydain (BPS) sy'n caniatáu dau lwybr gyrfa penodol, un mewn marchnata proffesiynol, a'r llall mewn Seicoleg broffesiynol. Mae Ysgol Fusnes Aberystwyth yn ganolfan Porth ar gyfer y Sefydliad Siartredig Marchnata (CIM), sy'n golygu, ar ôl graddio'n llwyddiannus, y byddwch yn cael eich heithrio o lefelau pedwar a chwech o'r cymwysterau CIM. Canlyniad y dull hwn yw darparu cymwyseddau graddedigion hanfodol a disgwyliedig i chi sy'n gwneud i chi sefyll allan yn ystod camau cynnar eich gyrfa; mae dewis y cyfuniad gradd hwn yn helpu i sicrhau trosglwyddiad effeithiol o'r campws i'ch gyrfa.

Ein Staff

Mae holl staff dysgu'r Adran Seicoleg yn gwneud gwaith ymchwil ac mae gan bob un o’r staff parhaol gymwysterau hyd at safon PhD, ac mae gan y rhan fwyaf TUAAU neu maent yn gymrodyr/cymrodyr uwch o'r academi addysg uwch. Mae gan dros hanner y staff hefyd gymhwyster CPsychol, sy'n dynodi safon uchaf y Gymdeithas Seicoleg Brydeinig o ran gwybodaeth ac arbenigedd mewn seicoleg.

Caiff myfyrwyr Ysgol Fusnes Aberystwyth eu dysgu gan ddarlithwyr a staff dysgu eraill sy'n weithgar mewn gwaith ymchwil ac yn ymarferwyr arbenigol yn eu dewis maes. 

Mae gan dros 75% o’r aelodau o staff sy’n dysgu’n llawn amser gymhwyster hyd at lefel PhD. Ar hyn o bryd mae'r rhan fwyaf ohonynt yn weithgar mewn gwaith ymchwil, sy'n golygu bod myfyrwyr yn elwa o gael dysgu gwybodaeth 'newydd' yn eu dewis maes yn ogystal ag astudio testunau cydnabyddedig. Mae'r Ysgol hefyd yn cyflogi staff rhan-amser a llawn amser sydd wedi'u neilltuo ar gyfer dysgu yn unig.  Mae llawer o’r staff rhan-amser yn cyfuno dyletswyddau dysgu gyda gwaith ymgynghori a gweithgareddau busnes, gan sicrhau bod myfyrwyr yn gallu cael gafael nid yn unig ar yr ymchwil ddiweddaraf ond hefyd yr wybodaeth gymhwysol ddiweddaraf.

Bydd eich gradd Seicoleg a Marchnata yn darparu sylfaen ragorol ar gyfer gyrfa broffesiynol mewn Marchnata. Mae Ysgol Fusnes Aberystwyth yn cynnig modiwlau ymgynghori a chyflogadwyedd pwrpasol lle mae myfyrwyr yn cwblhau amcanion y diwydiant gan roi cyswllt ymarferol i chi â natur ailadroddol datblygu cyfleoedd, a lliniaru risg mewn amgylcheddau masnachol. 

Mae llawer o'n graddedigion wedi ystyried dyheadau gyrfaol amrywiol; mae'r disgyblaethau allweddol yn cynnwys Rheoli Brand, Marchnata Digidol, Cyfathrebu a Rheolaeth Cyfryngau Cymdeithasol, Cynllunio a Hysbysebu'r Cyfryngau, Cyfathrebu Marchnata Corfforaethol, yn ogystal â dadansoddi Ymddygiad Defnyddwyr a rheolaeth gyffredinol y swyddogaeth Farchnata. 

Bydd astudio Marchnata a Seicoleg yn eich galluogi i ddatblygu'r sgiliau allweddol canlynol: 

• Deall dylanwadau defnyddwyr ar y broses o wneud penderfyniadau a chymhwyso'r ddamcaniaeth a addysgir i sut y gall strategaethau marchnata ddylanwadu ar y berthynas rhwng y defnyddiwr a busnes 
• Defnyddio sgiliau dadansoddi a meddwl yn greadigol ar gyfer gwneud penderfyniadau lefel uchel a datrys problemau 
• Trwy wella eich sgiliau rhifedd a'r gallu i ymchwilio, dehongli a defnyddio data busnes ac ariannol ar gyfer cyflwyniadau gweithredol 
• Y gallu i gyfathrebu'n glir yn ysgrifenedig ac ar lafar i hwyluso gwaith tîm a gwaith annibynnol llwyddiannus 
• Datblygu sgiliau gwytnwch a fydd yn cynorthwyo gyda chymhelliant proffesiynol a gwytnwch sy'n cyfrannu at sgiliau rheoli amser a threfnu effeithiol.