BSc

Marchnata / Sbaeneg

Prif Ffeithiau

NR55

  • Tariff UCAS

    120 - 104

  • Hyd y cwrs

    4 blynedd

  • Cyfrwng Cymraeg

    26%

Ar gael ar gyfer Dechrau Medi 2025

Manylion pellach ynglŷn â'r gofynion mynediad

Ymgeisio Nawr

Mae’r radd BSc Marchnata/Sbaeneg yn Ysgol Fusnes Aberystwyth yn gwrs dynamig a chyffrous sy’n cyfuno elfennau o farchnata ac ymddygiad defnyddwyr, marchnata digidol, marchnata strategol, cynllunio, seicoleg, rheoli ac adnoddau dynol. Fe’i haddysgir gan arbenigwyr marchnata achrededig ac adnabyddus ac yn ystod y radd byddwch yn datblygu gwybodaeth gadarn am ddylanwadau allanol ar y byd marchnata a’r defnydd o dechnoleg a chyfryngau digidol, sy’n newid mor gyflym, at ddibenion marchnata. 

Bydd y BSc mewn Marchnata / Sbaeneg yn eich galluogi i gyfuno damcaniaeth farchnata yn ei disgyblaeth briodol ynghyd â'r cyfle i ddarganfod iaith, diwylliant a threftadaeth Sbaen. Bydd y radd hon o Brifysgol Aberystwyth yn rhoi'r sgiliau ieithyddol i chi a fydd yn eich galluogi i ragori ar ôl y Brifysgol. 

Mae Prifysgol Aberystwyth yn Ganolfan Porth Graddedigion y Sefydliad Marchnata Siartredig (CIM), sy'n golygu y gallwch astudio am gymhwyster y CIM wrth i chi astudio am radd, neu gael hepgor rhai elfennau o fodiwlau'r CIM yn y dyfodol. 

Trosolwg o'r Cwrs

Pam astudio Marchnata / Sbaeneg ym Mhrifysgol Aberystwyth? 

  • Byddwch yn ennill achrediad gan y Sefydliad Marchnata Siartredig (CIM); 
  • Byddwch yn cael cipolwg ar fyd menter; 
  • Byddwch yn deall effaith newidiadau yn yr amgylchedd busnes e.e. digwyddiadau economaidd. 

Byddwch yn meithrin gwybodaeth am y canlynol: 

  • Marchnata Digidol; 
  • Cyfryngau Cymdeithasol; 
  • Newidiadau yn yr amgylchedd rheoleiddiol a chyfreithiol;
  • Marchnata strategol; 
  • Strategaethau busnes; 
  • Iaith a Diwylliant Sbaen. 

Ar ôl cwblhau'r cwrs hwn, bydd gennych chi: 

  • Ddealltwriaeth ehangach am arferion rheolaeth a marchnata. 
  • Y gallu i gyfathrebu yn Saesneg a Sbaeneg ar yr un pryd; 
  • Gwybodaeth fanwl am fasnach yn y sector cyhoeddus a'r sector preifat; 
  • Gafael gadarn ar gymhlethdod yr heriau sy'n wynebu rheolaeth, ac effaith gyfunol y materion economaidd, ariannol, dynol a chyfreithiol y mae arweinwyr yn ymdrin â hwy; 
  • Ar ôl cwblhau'r radd hon yn llwyddiannus gallwch wneud cais am eithriad o 50% o'r Diplomâu CIM proffesiynol. 
Ein Staff

Caiff myfyrwyr Ysgol Fusnes Aberystwyth eu dysgu gan ddarlithwyr a staff dysgu eraill sy'n weithgar mewn gwaith ymchwil ac yn ymarferwyr arbenigol yn eu dewis maes. 

Mae gan dros 75% o’r aelodau o staff sy’n dysgu’n llawn amser gymhwyster hyd at lefel PhD. Ar hyn o bryd mae'r rhan fwyaf ohonynt yn weithgar mewn gwaith ymchwil, sy'n golygu bod myfyrwyr yn elwa o gael dysgu gwybodaeth 'newydd' yn eu dewis maes yn ogystal ag astudio testunau cydnabyddedig. Mae'r Ysgol hefyd yn cyflogi staff rhan-amser a llawn amser sydd wedi'u neilltuo ar gyfer dysgu yn unig.  Mae llawer o’r staff rhan-amser yn cyfuno dyletswyddau dysgu gyda gwaith ymgynghori a gweithgareddau busnes, gan sicrhau bod myfyrwyr yn gallu cael gafael nid yn unig ar yr ymchwil ddiweddaraf ond hefyd yr wybodaeth gymhwysol ddiweddaraf.

Mae gan bob un o ddarlithwyr yr Adran Ieithoedd Modern gymwysterau hyd at safon PhD ac maent yn gwneud gwaith ymchwil. Rydym hefyd yn cyflogi tiwtoriaid iaith, rhai ohonynt â gradd PhD, a phob un yn addysgwyr profiadol. O bryd i'w gilydd, cyflogwn siaradwyr brodorol o brifysgolion sy'n bartneriaid i ni dramor (lectoriaid), sy'n dod atom â chymeradwyaeth uchel ar sail eu llwyddiant academaidd yn eu prifysgolion eu hunain, ac mae sawl un ohonynt wedi hyfforddi fel addysgwyr. 

Modiwlau Dechrau Medi - 2025

Noder: Y modiwlau a restrir isod yw'r modiwlau y bwriedir eu cyflwyno ar hyn o bryd yn ystod y flwyddyn academaidd nesaf ac mae'n bosibl y gallant newid. Maent wedi'u cynnwys yma i roi syniad o strwythur y cwrs.

Modiwlau Craidd

Teitl y Modiwl Cod y Modiwl Gwerth Credyd
Hanfodion Rheolaeth a Busnes CB15120 20
Egwyddorion Marchnata ac Ymarfer Cyfoes CB17120 20
Beginners Spanish 1 SP10820 20
Beginners Spanish 2 SP11020 20
Spanish Language Advanced SP19930 30

Opsiynau

Teitl y Modiwl Cod y Modiwl Gwerth Credyd
Data Analytics AB15220 20
Fundamentals of Accounting and Finance * AB11120 20
Hanfodion Cyfrifeg a Chyllid CB11120 20
Understanding the Economy AB13120 20
Brazilian Portuguese (Basic) EL10720 20
Introduction to European Film EL10520 20
Language, Culture, and Identity in Europe EL10820 20
Study and Research Skills in Spanish and Latin American Studies SP11120 20
Hispanic Civilization SP10610 10

Modiwlau Craidd

Teitl y Modiwl Cod y Modiwl Gwerth Credyd
Digital Marketing AB37220 20
Marketing and Digital Marketing Communication AB37120 20
Spanish Language SP30130 30

Opsiynau

Teitl y Modiwl Cod y Modiwl Gwerth Credyd
Arweinyddiaeth Strategol CB35120 20
Strategic Leadership * AB35120 20
Tourism Marketing AB39220 20
Brazilian / Portuguese Language III EL30720 20
Cuban Cinema of the Revolution: Crisis, National Identity and the Critique of Contemporary Society SP37020 20
Dissertation EL30120 20
Extended Essay Module EL30510 10
Reading Late 19th Century Literature SP35120 20
Seeing Spain Through Cinema SP35020 20
Traducción al español SP39910 10

Gyrfaoedd

Rhagolygon gyrfaol: O'r Brifysgol i'r Byd Gwaith 

Mae llawer o'n graddedigion wedi ystyried gyrfa yn y swyddi canlynol: 

  • Swyddog Marchnata 
  • Ymchwilydd Marchnata 
  • Ysgrifennwr Copi Hysbysebu 
  • Cynllunydd Cyfrifon Hysbysebu 
  • Cynllunydd yn y Cyfryngau 
  • Prynwr yn y Cyfryngau 
  • Swyddog Cysylltiadau Cyhoeddus. 

Pa sgiliau fydda i'n eu cael o'r radd hon? 

Bydd astudio ein gradd mewn Marchnata yn rhoi'r sgiliau canlynol i chi: 

  • sgiliau rhifedd gwell a'r gallu i ymchwilio, dehongli a defnyddio ystadegau 
  • dealltwriaeth fanwl o achosion ac effeithiau newidiadau economaidd a newidiadau allanol eraill 
  • y gallu i gyfathrebu'n glir yn ysgrifenedig ac ar lafar 
  • sgiliau datrys problemau effeithiol 
  • sgiliau dadansoddi a meddwl yn greadigol 
  • y gallu i wneud penderfyniadau 
  • y gallu i weithio'n annibynnol ac fel rhan o dîm 
  • sgiliau trefnu a rheoli amser 
  • Y gallu i gyfathrebu ar lafar ac yn ysgrifenedig yn Saesneg a Sbaeneg; 
  • hunanddibyniaeth a'r gallu i ysgogi eich hun. 

Pa gyfleoedd profiad gwaith a geir ym Mhrifysgol Aberystwyth? 

Dysgwch fwy am y cyfleoedd am waith amrywiol y mae Gwasanaeth Gyrfaoedd Prifysgol Aberystwyth yn eu cynnig. 

Gallwch wella'ch cyfleoedd cyflogaeth gyda GO Wales a BMG (y cynllun Blwyddyn mewn Gwaith) sy'n cael eu rheoli gan ein hadran Gyrfaoedd. 

Dysgu ac Addysgu

Beth fyddwch chi'n ei ddysgu? 

Bydd y crynodeb isod yn rhoi darlun i chi o'r hyn y gallech ei astudio yn ystod y cynllun gradd pedair blynedd. 

Yn ystod y flwyddyn gyntaf, gallech ddarganfod: 

  • egwyddorion sylfaenol marchnata 
  • marchnata mewn cyd-destun busnes  
  • Iaith Sbaeneg (llafar, clywedol, cyfieithu ac ysgrifennu); 
  • rheolaeth 
  • cyllid 
  • Diwylliant a Gwleidyddiaeth Ewrop; 
  • Llenyddiaeth a ffilm Sbaeneg; 
  • twristiaeth. 

Yn ystod eich ail flwyddyn, gallech archwilio: 

  • cynhyrchu ymgyrchoedd 
  • strategaethau marchnata 
  • ymddygiad defnyddwyr 
  • dulliau ymchwil rheolaeth 
  • Iaith Sbaeneg (llafar, clywedol, cyfieithu ac ysgrifennu); 
  • brandio 
  • marchnata busnes i fusnes 
  • rheoli perthnasau â chwsmeriaid 
  • rheoli adnoddau dynol. 

Yn y drydedd flwyddyn byddwch yn dechrau ar eich blwyddyn dramor, y gellir ei threulio'n astudio yn un o'n prifysgolion partneriaethol yn Sbaen, neu'n dechrau ar flwyddyn yn ymgymryd â lleoliad gwaith mewn gwlad lle siaredir Sbaeneg. Mae cyfleoedd eraill yn cynnwys Rhaglen Cynorthwyydd Iaith Saesneg y Cyngor Prydeinig, lle byddwch yn helpu i ddatblygu'r Iaith Saesneg mewn ysgol gynradd neu uwchradd yn Sbaen neu wlad lle siaredir Sbaeneg. 

Yn ystod y flwyddyn olaf, gallech astudio: 

  • marchnata a chyfathrebu 
  • natur a phwysigrwydd marchnata rhyngwladol ac ymwybyddiaeth brand byd-eang 
  • dadansoddi sefyllfaoedd marchnata yn ansoddol ac yn feintiol  
  • Iaith Sbaeneg (llafar, clywedol ac ysgrifennu);
  • TESOL;
  • Dewiswch o blith ystod o fodiwlau sy'n amrywio o Lenyddiaeth, Ffilm, Diwylliant, Busnes; 
  • ffurfio cynlluniau marchnata effeithiol. 

Byddwch hefyd yn cyflawni prosiect ymchwil annibynnol gorfodol. 

Sut bydda i'n cael fy addysgu? 

Cewch eich haddysgu drwy ddarlithoedd, seminarau mewn grwpiau bach, a thiwtorialau. 

Byddwn yn eich asesu ar ffurf arholiadau, traethodau a asesir, prosiectau, adroddiadau, dyddiaduron myfyriol, portffolios, a chyflwyniadau. Bydd y gwaith cwrs yn datblygu eich gallu i ymchwilio, dadansoddi a chyflwyno dadl yn glir ac yn rhesymegol, a bydd seminarau yn eich helpu i fireinio eich sgiliau cyflwyno. 

Bydd tiwtor personol yn cael ei ddynodi i chi ar gyfer eich amser ym Mhrifysgol Aberystwyth. Bydd yr unigolyn hwn yn eich cynorthwyo â phob math o faterion, boed nhw'n academaidd ai peidio. 

Gofynion Mynediad Nodweddiadol

Tariff UCAS 120 - 104

Safon Uwch BBB-BCC

Gofynion TGAU (o leiaf gradd C/4):
Cymraeg neu Saesneg

Diploma Cenedlaethol BTEC:
DDM-DMM

Bagloriaeth Ryngwladol:
30-28

Bagloriaeth Ewropeaidd:
75%-65%

Mae'r Brifysgol yn croesawu ceisiadau israddedig gan fyfyrwyr sy'n astudio'r Diploma Mynediad i Addysg Uwch neu gymwysterau lefel T, ar yr amod eu bod yn cyflawni'r canlyniadau perthnasol o ran cynnwys y pwnc a'r dysgu. Ni allwn dderbyn Diplomâu Mynediad i Addysg Uwch na lefelau T fel cymhwyster cyffredinol ar gyfer pob cwrs gradd israddedig.
Mae ein polisi derbyn cynhwysol yn rhoi gwerth ar ehangder yn ogystal â dyfnder yr astudio. Dewisir ymgeiswyr ar sail eu teilyngdod eu hunain a gall cynigion amrywio. Os hoffech wirio a yw eich cymwysterau yn gymwys cyn cyflwyno cais, cysylltwch â'r Swyddfa Derbyn Israddedigion am gyngor ac arweiniad.

Yn ôl i'r brig

|