Mathemateg / Cyfrifeg a Chyllid

Pam astudio Mathemateg gyda Chyfrifeg a Chyllid yn Aberystwyth?  

• Mae Mathemateg yn cael ei dysgu yn Aberystwyth ers 1872, felly mae'r adran yn adeiladu ar sylfaen o dros 140 mlynedd o ragoriaeth dysgu.  
• Mae Cyfrifeg a Chyllid yn bwnc bywiog a deinamig, ac er mwyn sicrhau y cewch y datblygiad proffesiynol gorau posib, cyfunwn eich astudiaethau â phrofiad gwaith a chyfleoedd allgyrsiol ychwanegol.
• Mae'r ddwy adran yn ganolfannau ymchwil gweithredol sydd ag athrawon ymroddedig sy'n rhoi’r wybodaeth ddiweddaraf am eu pwnc i chi, gan ddefnyddio canlyniadau eu gwybodaeth, o safon fyd-eang, yn uniongyrchol yn eu dysgu.
• Mae galw mawr am ein graddedigion ym myd diwydiant, ac mae ein graddedigion yn cael canlyniadau cadarnhaol iawn o ran eu cyflogau.
• Byddwch yn elwa o'r rhaglen o siaradwyr gwadd sy'n dod â'u profiad proffesiynol i'n hystafelloedd dosbarth. Mae hyn yn cael ei gyflwyno gan Ysgol Fusnes Aberystwyth i ehangu eich rhagolygon a'ch ysbrydoli yn ystod eich gradd.  
• Mae gan Ysgol Fusnes Aberystwyth drefniadau â  phrifysgolion partneriaethol dramor i ddarparu rhaglenni academaidd byr (2 wythnos) i grwpiau bach o fyfyrwyr rheolaeth a busnes (ar sail hunan-ariannu), i chi gael profiad o effaith yr amgylchedd diwylliannol wrth gynnal busnes dramor.   Ar hyn o bryd mae gennym brifysgolion partneriaethol yn India, Tsieina, Rwsia, Japan, yr Emiradau Arabaidd Unedig a Brasil ac mae ein portffolio o wledydd yn ehangu'n gyflym.  
• Mae sawl modiwl ar gael drwy gyfrwng y Gymraeg; am ragor o fanylion, edrychwch ar y tab modiwlau ymhellach i lawr ar y dudalen hon.   

Ein Staff

Mae’r holl ddarlithwyr yn yr Adran Mathemateg wedi’u cymhwyso i lefel PhD ac yn weithgar ym myd ymchwil. Mae gan y rhan fwyaf gymhwyster addysgu uwchraddedig ac mae’n rhaid i staff newydd gwblhau’r TUAAU. Mae’r adran hefyd yn cyflogi nifer o diwtoriaid rhan-amser, sydd â phrofiad dysgu eang, a rhai arddangoswyr sy’n cael eu dewis o blith ein myfyrwyr israddedig ac uwchraddedig.

Caiff myfyrwyr Ysgol Fusnes Aberystwyth eu dysgu gan ddarlithwyr a staff dysgu eraill sy'n weithgar mewn gwaith ymchwil ac yn ymarferwyr arbenigol yn eu dewis maes. 

Mae gan dros 75% o’r aelodau o staff sy’n dysgu’n llawn amser gymhwyster hyd at lefel PhD. Ar hyn o bryd mae'r rhan fwyaf ohonynt yn weithgar mewn gwaith ymchwil, sy'n golygu bod myfyrwyr yn elwa o gael dysgu gwybodaeth 'newydd' yn eu dewis maes yn ogystal ag astudio testunau cydnabyddedig. Mae'r Ysgol hefyd yn cyflogi staff rhan-amser a llawn amser sydd wedi'u neilltuo ar gyfer dysgu yn unig.  Mae llawer o’r staff rhan-amser yn cyfuno dyletswyddau dysgu gyda gwaith ymgynghori a gweithgareddau busnes, gan sicrhau bod myfyrwyr yn gallu cael gafael nid yn unig ar yr ymchwil ddiweddaraf ond hefyd yr wybodaeth gymhwysol ddiweddaraf.

Mae gradd sy'n cyfuno Mathemateg a Chyfrifeg a Chyllid yn werthfawr mewn swyddi lle bydd gofyn i chi ddefnyddio sgiliau rhifedd arbenigol a meddwl dadansoddol.   

Mae'r gyrfaoedd hyn yn cynnwys:  

• Cyfrifeg a Bancio  
• Dadansoddi risg a gwaith actiwaraidd   
• Rheolaeth ariannol  
• Dadansoddi buddsoddi  
• Technoleg Gwybodaeth  
• Ymchwil a Datblygu 

Sgiliau Trosglwyddadwy:    

Mae'r radd hon wedi'i chynllunio i feithrin sgiliau trosglwyddadwy gan sicrhau bod ein graddedigion yn atyniadol i gyflogwyr mewn ystod eang o feysydd, sy'n cynnwys:   

• Rhifedd  
• Datrys Problemau  
• Rhesymu  
• Dadansoddi data  
• Sgiliau trefnu da  
•  Sgiliau gwaith tîm a chyfathrebu. 

Pa gyfleoedd sydd ar gael i fi ym Mhrifysgol Aberystwyth? 

Mae cyflogadwyedd wedi'i wreiddio ar draws ein dysgu a'n tiwtora i sicrhau eich bod yn ymwybodol o sgiliau a chymwyseddau, ac yn eu meithrin trwy gydol eich amser yn astudio gyda ni ac fe gewch ddysgu mwy yma.  

 Dysgwch fwy am y gwahanol gyfleoedd am waith y mae Gwasanaeth Gyrfaoedd Prifysgol Aberystwyth  yn eu cynnig.  

Gallwch wella'ch rhagolygon am swydd gyda  GO Wales a BMG (y cynllun Blwyddyn mewn Gwaith) sy'n cael eu rheoli gan ein hadran Gyrfaoedd.    

 Ar ôl i chi gwblhau'r radd hon, byddwch wedi meithrin sgiliau yn y meysydd canlynol:  

• Sgiliau ymchwil a dadansoddi data 
• Gwell sgiliau mathemategol a chyfrifiadurol 
• Dulliau arloesol o ddatrys problemau yn y byd go iawn 
• Sgiliau effeithiol wrth ddatrys problemau a meddwl yn greadigol 
• Y gallu i weithio'n annibynnol neu fel rhan o dîm 
• Sgiliau rheoli amser a threfnu 
• Y gallu i gyfathrebu'n glir yn ysgrifenedig ac ar lafar 
• Hunan-gymhelliant a hunan-ddibyniaeth.