Bioleg

Mae’r cwrs pum mlynedd hwn yn cynnwys blwyddyn sylfaen integredig, wedi'r flwyddyn honno mae'r cwrs yr un fath a'r cwrs pedair blynedd safonol, MBiol Bioleg (C109).

Cwrs gradd ar gyfer myfyrwyr sydd â’r gallu i astudio ar lefel uwch na’r radd BSc safonol yw’r radd Meistr Integredig mewn Bioleg (C109) ac mae’n ymgorffori tair blynedd o astudio Bioleg ar lefel israddedig gyda blwyddyn yn ychwanegol yn astudio ar lefel uwchraddedig. O ddewis y radd hon, byddwch yn graddio gyda MBiol (Bioleg) - cymhwyster Meistr cydnabyddedig a fydd yn eich paratoi am yrfa ym maes ymchwil fiolegol academaidd neu fasnachol. Bydd y flwyddyn olaf ar lefel uwchraddedig yn gyfle i chi gwblhau prosiect ymchwil Meistr o fewn un o’n grwpiau ymchwil arloesol a arweinir gan staff arbenigol. Byddwch yn gwneud hyn ochr yn ochr â’ch astudiaethau ar fodiwlau a ddysgir sy’n datblygu’r sgiliau hanfodol y mae galw amdanynt i fod yn fiolegwyr proffesiynol heddiw.

Ar ein cwrs gradd MBiol Bioleg does dim rhaid i chi gyfyngu eich hun i un maes bioleg yn unig ar ein cwrs gradd BSc Bioleg. Gallwch fod yn astudio microbioleg yn y bore, ac yn ymchwilio i fywyd mewn twyni tywod yn y prynhawn. Mae strwythur ein cyrsiau gradd yn hyblyg ac yn caniatáu i chi gadw eich opsiynau'n agored neu arbenigo mewn un maes.

Byddwch yn cael eich addysgu gan staff brwdfrydig, ymroddgar a chyfeillgar sydd ag arbenigedd ar draws yr ystod lawn o bynciau Biolegol. Nid darlithwyr yn unig yw ein staff, ond unigolion sy’n weithgar ym maes ymchwil, ac mae’r ymchwil hwn yn dylanwadau ar gynnwys ein cyrsiau, sy’n golygu eich bod chi’n elwa’r o’r wybodaeth ddiweddaraf. Yn ystod eich blwyddyn olaf, cewch gysylltu’n agos â’n cymuned ymchwil wrth i chi weithio ar eich prosiect gwyddonol annibynnol.

Bydd eich astudiaethau academaidd yn cael eu hategu gan gyfoeth o waith labordy a dosbarthiadau maes sy'n meithrin sgiliau gwyddonol go iawn sy'n hanfodol ar gyfer eich dyfodol. Cwrs ymarferol yw hwn lle byddwch yn samplu, cofnodi a dadansoddi data yn ein labordai llawn cyfarpar yn ogystal ag allan yn y maes. Byddwch yn archwilio anatomeg a strwythur, ffisioleg ac ymddygiad ochr yn ochr â’r rhesymeg wyddonol ar gyfer anghenion trigfannau a rhyngweithiadau ecosystemau. Cewch archwilio pynciau megis geneteg, bioleg celloedd, ymddygiad anifeiliaid, ecosystemau, dylanwad dynol ryw ar yr amgylchedd, a byddwch yn derbyn dysg arbenigol ym meysydd protocol gwyddonol a gwaith labordy ymarferol.

O ddewis y radd Mbiol Bioleg, byddwch yn dysgu ac yn byw mewn amgylchedd arbennig sydd wedi’i amgylchynu gan amrywiaeth eang o gylchfydau hardd, gan gynnwys y môr, ffriddoedd, mynyddoedd, dyfrffyrdd, glaswelltiroedd a’r arfordir. 

Ein Staff

Mae gan y rhan fwyaf o staff dysgu Adran Gwyddorau Bywyd gymwysterau hyd at safon PhD ac maent yn ymchwilwyr gweithgar. Hefyd, mae gan staff y cyrsiau galwedigaethol gefndir ym myd diwydiant. Mae yn yr Adran nifer fawr o staff sy'n gwneud ymchwil yn unig ac mae'n bosib y bydd y myfyrwyr yn dod i gysylltiad â hwy.

Mae graddedigion diweddar yn gweithio i awdurdodau addysg, Asiantaeth yr Amgylchedd, sefydlaoedd cadwraeth, cwmnïau fferyllol, y GIG, canolfannau bywyd môr, labordai iechyd cyhoeddus a’r diwydiant dŵr, i enwi ond ychydig. 

Maent yn gweithio fel: 

• gwyddonwyr ymchwil 
• genetegyddion moleciwlaidd clinigol 
• swyddogion cadwraeth natur 
• addysgwyr.

Gallai myfyrwyr sydd wedi graddio mewn Bioleg fynd ymlaen hefyd i gael hyfforddiant pellach ym maes:

• deintyddiaeth 
• meddygaeth 
• ysgrifennu am wyddoniaeth.

Mae gan Brifysgol Aberystwyth Wasanaeth Gyrfaoedd rhagorol ac mae gennym ein Cynghorwr Gyrfaoedd proffesiynol, ymroddedig ein hunain. Mae gennym aelod o staff sy'n Gyfarwyddwr Cyflogadwyedd i'r Adran hefyd ac rydym yn ymdrechu'n gyson i wreiddio a gwella'r gwaith o gyflwyno sgiliau'r byd go iawn ym mhob modiwl a gynigiwn.

Pa sgiliau fydda i'n eu datblygu wrth astudio Bioleg?

Mae cyflogadwyedd wedi'i wreiddio yn ein holl addysgu. Mae ein myfyrwyr yn gadael Prifysgol Aberystwyth gyda'r sgiliau canlynol:

• sgiliau ymchwil a dadansoddi data 
• sgiliau mathemategol a chyfrifiadol uwch 
• sgiliau datrys problemau a meddwl creadigol effeithiol 
• sgiliau technoleg gwybodaeth 
• y gallu i weithio'n annibynnol 
• sgiliau rheoli amser a threfnu, gan gynnwys y gallu i weithio i derfynau amser 
• y gallu i fynegi syniadau a chyfleu gwybodaeth mewn modd clir a threfnus, yn ysgrifenedig ac ar lafar 
• hunangymhelliant a hunanddibyniaeth  
• gweithio mewn tîm a’r gallu i drafod cysyniadau mewn grwpiau, rhoi lle i syniadau gwahanol a dod i gytundeb.

Pa gyfleoedd sydd ar gael am brofiad gwaith wrth astudio?

Dysgwch am y gwahanol gyfleoedd y mae ein Gwasanaeth Gyrfaoedd yn eu cynnig.

Gallwch wella'ch cyfleoedd cyflogaeth gyda GO Wales a’r cynllun Blwyddyn Mewn Gwaith sy'n cael eu rheoli gan ein Gwasanaeth Gyrfaoedd.