Biocemeg

Dyfarnwyd statws Achrediad Uwch Interim i'r cwrs hwn. Bydd hyn yn dod yn statws Achrediad Uwch pan fydd y garfan gyntaf o fyfyrwyr yn graddio o'r cyrsiau gradd MBiol yn ystod haf 2018 (yn amodol ar gadarnhad terfynol gan Gymdeithas Frenhinol Bioleg).

Pam astudio MBiol Biocemeg ym Mhrifysgol Aberystwyth?

• Bydd y radd hon yn rhoi sylfaen gadarn i chi wrth astudio bioleg gellog, foleciwlaidd a chemegol.
• Byddwn yn meithrin eich chwilfrydedd deallusol a'ch ymarfer gwyddonol cyffredinol.
• Caiff y pwnc ei addysgu gan arbenigwyr ym maes Biocemeg mewn canolfan ragoriaeth sydd â chydnabyddiaeth ryngwladol.
• Mae gan y Brifysgol gyfleusterau addysgu modern, ac mae wedi buddsoddi dros £55 miliwn o bunnoedd ynddynt.
• Mae ein staff addysgu Biocemeg yn cael eu cydnabod fel addysgwyr arbenigol ac arloesol.

Hoffech chi astudio yn Gymraeg?

Gall myfyrwyr ddewis astudio nifer o fodiwlau IBERS drwy gyfrwng y Gymraeg. Gofynnwch i'r adran am ragor o fanylion.

Ein Staff

Mae gan y rhan fwyaf o staff dysgu Athrofa'r Gwyddorau Biolegol, Amgylcheddol a Gwledig gymwysterau hyd at safon PhD ac maent yn ymchwilwyr gweithgar. Hefyd, mae gan staff y cyrsiau galwedigaethol gefndir ym myd diwydiant.  Mae yn yr Athrofa nifer fawr o staff sy'n gwneud ymchwil yn unig ac mae'n bosib y bydd y myfyrwyr yn dod i gysylltiad â hwy.

Cyflogadwyedd

Ar ôl cwblhau'r cwrs MBiol Biocemeg yn llwyddiannus, byddwch wedi gwella eich rhagolygon cyflogadwyedd drwy ennill cymhwyster Meistr. 

Pa gyfleoedd sydd ar gael i mi?

Mae rhai o'n graddedigion wedi dilyn llwybrau gyrfa gyda'r canlynol: 

• GlaxoSmithKline
• Astra Zeneca
• Addysg
• Ymchwil
• Labordai

Beth fydda i'n ei gael o'm gradd?

Mae cyflogadwyedd wedi'i wreiddio yn ein holl addysgu. Rydym yn gweithio'n agos gyda'r gymdeithas Fiocemegol, sy'n llwyfan gwych i fyfyrwyr rwydweithio gydag eraill yn eu disgyblaeth.

Mae ein myfyrwyr yn gadael Prifysgol Aberystwyth gyda'r sgiliau canlynol: 

• sgiliau ymchwil a dadansoddi data;
• sgiliau mathemategol a chyfrifiadol uwch;
• sgiliau datrys problemau a meddwl creadigol effeithiol;
• Sylfaen drylwyr mewn sgiliau technoleg gwybodaeth;
• y gallu i weithio'n annibynnol;
• sgiliau trefnu a rheoli amser, gan gynnwys y gallu i weithio i derfynau amser a'r gallu i fynegi syniadau a chyfleu gwybodaeth mewn modd clir a strwythuredig, yn ysgrifenedig ac ar lafar;
• hunanddibyniaeth a'r gallu i ysgogi eu hunain;
• gweithio mewn tîm a thrafod cysyniadau mewn grwpiau, a rhoi lle i syniadau gwahanol a dod i gytundeb.

Pa gyfleoedd sydd ar gael am brofiad gwaith wrth astudio? 

Cliciwch yma i ddysgu am y gwahanol gyfleoedd y mae tîm Gyrfaoedd Prifysgol Aberystwyth yn eu cynnig. 

Gallwch wella'ch cyfleoedd cyflogaeth gyda GO Wales a BMG (y cynllun Blwyddyn mewn Gwaith) sy'n cael eu rheoli gan ein hadran Gyrfaoedd).

Beth fydda i'n ei ddysgu?

Bydd y crynodeb isod yn rhoi darlun i chi o'r hyn y gallech ei astudio yn ystod y cynllun gradd tair blynedd.

Yn ystod eich blwyddyn gyntaf, gallech archwilio amrywiaeth y disgyblaethau biolegol sy'n cynnwys:

• Adeiladwaith a swyddogaeth planhigion;
• Anifeiliaid a microbau ar lefel moleciwlau, organebau a chelloedd;
• Anifeiliaid fertebrat ac infertebratau mawr a fydd yn canolbwyntio ar ffisioleg, cyhyrau ac ymsymudiad, maetheg, endocrinoleg, systemau anadlu cardiofasgwlaidd a homeostasis;
• Amrywiaeth microbaidd;
• Llystyfiant ac ecosystemau.

Yn ystod eich ail flwyddyn, gallech ddarganfod:

• Bioleg celloedd;
• Imiwnoleg;
• Cromosomau;
• Bioleg foleciwlaidd;
• Gweithdrefnau Ansoddol a Meintiol dadansoddi data.

Yn eich trydedd flwyddyn, cewch astudio ac ymgymryd â'r canlynol:

• Biowybodeg;
• Genomeg;
• Ffarmacoleg;
• Microbau;
• Traethawd hir gorfodol.

Yn ystod eich blwyddyn olaf, gallech:

• Ymgymryd â phrosiect Ymchwil MBiol;
• Cymryd rhan mewn technegau maes a labordy; 
• Archwilio arloesedd yn y Biowyddorau.

Sut bydda i'n cael fy addysgu?

Bydd y cwrs yn cael ei gyflwyno drwy ddarlithoedd, gweithdai, tiwtorialau ac ymarferion. 

Byddwch yn cael eich asesu ar ffurf:

• Traethodau
• Gwaith ymarferol
• Cyflwyniadau llafar
• Taflenni gwaith
• Adroddiadau
• Ymarferion ystadegol
• Coflenni
• Posteri
• Portffolios
• Wicis
• Dyddiaduron myfyriol
• Adolygiadau llenyddiaeth
• Erthyglau cylchgrawn
• Llyfrau nodiadau maes
• Arholiadau