Microbioleg

Pam astudio MBiol Microbioleg ym Mhrifysgol Aberystwyth?

• Caiff ei addysgu gan staff brwdfrydig sy'n arbenigwyr yn eu maes. Efallai eich bod wedi gweld rhai ohonynt ar raglenni dogfen ar y teledu, neu wedi gwrando arnyn nhw ar eich hoff sioe radio wyddonol.

Cyfleusterau ardderchog sy'n cynnwys:

• Labordy bio-ddelweddu a microsgopeg blaengar;
• Cyfleusterau eplesu o raddfa labordy i weithfa beilota;
• Labordy Genomeg Trawsfudol;
• Labordy Amgylcheddau Arbrofol Eithafol;
• Dysgu mewn sefydliad ymchwil ac addysgu byd-enwog;
• Mae Cyfleoedd Rhyngwladol ar gael drwy leoliadau gwaith ac astudio.

Hoffech chi astudio yn Gymraeg? 

Gall myfyrwyr ddewis astudio nifer o fodiwlau IBERS drwy gyfrwng y Gymraeg. Mae rhagor o wybodaeth ar gael o dan y tab modiwlau!

Ein Staff

Mae gan y rhan fwyaf o staff dysgu Athrofa'r Gwyddorau Biolegol, Amgylcheddol a Gwledig gymwysterau hyd at safon PhD ac maent yn ymchwilwyr gweithgar. Hefyd, mae gan staff y cyrsiau galwedigaethol gefndir ym myd diwydiant.  Mae yn yr Athrofa nifer fawr o staff sy'n gwneud ymchwil yn unig ac mae'n bosib y bydd y myfyrwyr yn dod i gysylltiad â hwy.

Noder: Y modiwlau a restrir isod yw'r modiwlau y bwriedir eu cyflwyno ar hyn o bryd yn ystod y flwyddyn academaidd nesaf ac mae'n bosibl y gallant newid. Maent wedi'u cynnwys yma i roi syniad o strwythur y cwrs.

Beth mae ein graddedigion yn ei wneud erbyn hyn? 

Mae ein graddedigion wedi bod yn llwyddiannus yn y meysydd canlynol: 

• Gwyddor Ymchwil
• Geneteg Foleciwlaidd Glinigol
• Cadwraeth natur
• Addysg

Mae myfyrwyr o'n hadran hefyd wedi mynd ymlaen i gyflawni hyfforddiant mewn Deintyddiaeth a Meddygaeth. 

Pa sgiliau fydda i'n eu datblygu wrth astudio MBiol mewn Microbioleg?

Mae cyflogadwyedd wedi'i wreiddio yn ein holl addysgu. Mae ein myfyrwyr yn gadael Prifysgol Aberystwyth gyda'r sgiliau canlynol;

• sgiliau ymchwil a dadansoddi data;
• sgiliau mathemategol a chyfrifiadol uwch;
• sgiliau datrys problemau a meddwl creadigol effeithiol;
• sylfaen drylwyr mewn sgiliau technoleg gwybodaeth;
• y gallu i weithio'n annibynnol;
• sgiliau trefnu a rheoli amser, gan gynnwys y gallu i weithio i derfynau amser;
• y gallu i fynegi syniadau a chyfleu gwybodaeth mewn modd clir a threfnus, yn ysgrifenedig ac ar lafar;
• hunanddibyniaeth a'r gallu i ysgogi eu hunain;
• y gallu i weithio mewn tîm a thrafod cysyniadau mewn grwpiau, a rhoi lle i syniadau gwahanol a dod i gytundeb.

Pa gyfleoedd sydd ar gael am brofiad gwaith wrth astudio? 

Cliciwch yma i ddysgu am y gwahanol gyfleoedd y mae tîm Gyrfaoedd Prifysgol Aberystwyth yn eu cynnig. 

Gallwch wella'ch cyfleoedd cyflogaeth gyda GO Wales a BMG (y cynllun Blwyddyn mewn Gwaith) sy'n cael eu rheoli gan ein hadran Gyrfaoedd.