BA

Cyfryngau ac Ysgrifennu Creadigol

BA Cyfryngau ac Ysgrifennu Creadigol Cod P3W8 Dewch i Ddiwrnod Agored Dewch i Ddiwrnod Agored

Ymgeisio Nawr

Prif Ffeithiau

P3W8

  • Tariff UCAS

    120 - 96

  • Hyd y cwrs

    3 blynedd

Ar gael ar gyfer Dechrau medi 2026

Manylion pellach ynglŷn â'r gofynion mynediad

Ymgeisio Nawr

Mae’r BA mewn Cyfryngau ac Ysgrifennu Creadigol ym Mhrifysgol Aberystwyth yn eich galluogi i ddysgu’r elfennau strategol a strwythurol ar ddiwydiant y cyfryngau, ac ar yr un pryd dilyn, gwella a datblygu eich sgiliau ysgrifennu creadigol. Bydd yr elfen Ysgrifennu Creadigol ar y radd hon yn eich galluogi i ganolbwyntio ar grefft ysgrifennu, barddoniaeth, ffuglen, llyfrau ffeithiol, sgriptiau ffilm a mwy. Byddwch hefyd yn datblygu'r sgiliau beirniadol a dadansoddol sy'n angenrheidiol ar gyfer gyrfa mewn amrywiaeth eang o ddiwydiannau creadigol. Yn ogystal â hyn, bydd yr elfen Cyfryngau ar y cwrs hwn yn rhoi cyfle i chi ehangu eich gwybodaeth ac ystyried pwy sy'n rheoli ac yn berchen ar ein cyfryngau, sut y caiff y cynnwys ei gynhyrchu a pha fath o effaith y mae'r cyfryngau’n ei chael ar y cynulleidfaoedd. Bydd y cynllun gradd Cyfryngau ac Ysgrifennu Creadigol yn rhoi sylfaen gadarn i chi ddatblygu eich dawn i fynegi, mireinio eich sgiliau meddwl beirniadol a sefydlu dealltwriaeth arbenigol a sgiliau ymchwil.

Trosolwg o'r Cwrs

Pam astudio BA Cyfryngau ac Ysgrifennu Creadigol ym Mhrifysgol Aberystwyth?

Y cwrs 

  • Gan y byddwch yn cael eich addysgu gan ddwy adran (yr Adran Astudiaethau Theatr, Ffilm a Theledu a’r Adran Saesneg ac Ysgrifennu Creadigol), cewch gyfle i astudio’r canlynol yn fanwl: dilynwyr cyfryngau, hysbysebu, dadansoddi newyddion, dylunio gwefannau, diwylliant digidol, plant a'r cyfryngau, cymdeithas wyliadwriaeth, iaith a'r cyfryngau, hanes y cyfryngau a pholisi ynghyd ag ymdrin â'r cysylltiadau rhwng meddwl yn greadigol ac yn feirniadol a datblygu dealltwriaeth ddofn o'r berthynas rhwng ymarfer proffesiynol a meddwl dychmygus. 
  • Bydd yr elfen Ysgrifennu Creadigol ar y cwrs hwn yn eich galluogi i drafod amrywiaeth o ddulliau o ymdrin â llenyddiaeth a hanes diwylliannol, gan gyfuno meddwl beirniadol ag ysgolheictod. Yn ystod y cwrs hwn, bydd y modiwlau craidd a dewisol amrywiol yn rhoi cipolwg i chi ar theori lenyddol, y syniadau athronyddol a chysyniadol sy’n herio, yn codi cwestiynau ac yn taflu goleuni ar y modd yr ydym ni’n darllen. 
  • Bydd y modiwlau craidd a dewisol amrywiol sydd ar gael i chi yn ystod y cwrs hwn yn rhoi dealltwriaeth ddyfnach i chi o gymdeithaseg, seicoleg, astudiaethau diwylliannol, hanes, athroniaeth, ieithyddiaeth a marchnata. 

 Cyfleusterau

  • Ym Mhrifysgol Aberystwyth, gall ein myfyrwyr fanteisio ar adnoddau Llyfrgell Genedlaethol Cymru, sydd dafliad carreg o’r campws. Llyfrgell hawlfraint yw hon sy'n cynnwys pob llyfr sydd wedi'i gyhoeddi yn y Deyrnas Unedig. Yn ogystal, mae hefyd yn gartref i Archif Genedlaethol Sgrin a Sain Cymru sy'n adnodd gwerthfawr i'ch ymchwil. 
  • Ar gampws y Brifysgol, mae ein cyfleusterau'n cynnwys Llyfrgell Hugh Owen sydd ar agor 24/7, Undeb y Myfyrwyr, y Ganolfan Chwaraeon a Chanolfan y Celfyddydau sydd â chysylltiadau agos â'r adran Astudiaethau Theatr, Ffilm a Theledu a'r adran Saesneg ac Ysgrifennu Creadigol. Mae'r llu o gyfleusterau ar gampws Penglais yn sicrhau bod eich profiad fel myfyriwr yn gofiadwy ac yn eithriadol. 
  • Mae gan yr Adran Astudiaethau Theatr, Ffilm a Theledu gysylltiadau cryf â diwydiannau allanol, ac mae'r rhain yn cynnwys BBC Cymru sydd â'i swyddfa ranbarthol yng nghanol yr Adran, Boom Cymru, Avanti, Arad Goch a Chanolfan Celfyddydau Canolbarth Cymru. Mae’r Adran ei hun yn fodern, yn fywiog ac mae ganddi’r holl gyfleusterau addysgu diweddaraf sydd eu hangen ar fyfyrwyr cyfryngau, gan gynnwys labordy cyfrifiaduron newydd sbon wedi’i gynllunio i gymhathu’r diwydiant cyfryngau digidol, switiau cynhyrchu digidol a golygu, sinema wylio, stiwdio deledu a mannau dysgu modern.
Ein Staff

Mae holl staff academaidd yr Adran Theatr, Ffilm a Theledu yn gwneud gwaith ymchwil a/neu'n ymwneud â phrosiectau Trosglwyddo Gwybodaeth, ac mae ganddynt naill ai gymwysterau academaidd perthnasol ar lefel doethuriaeth neu brofiad proffesiynol ac arbenigedd cyfatebol.

Mae'r holl staff academaidd yn yr Adran Saesneg ac Ysgrifennu Creadigol yn ysgolheigion ac arbenigwyr gweithgar yn eu meysydd. Maent naill ai'n gymwys i lefel PhD neu mae ganddynt brofiad cymesur.  Mae gan ein darlithwyr naill ai gymhwyster dysgu Addysg Uwch neu'n maent yn gweithio tuag ato, ac mae gan y rhan fwyaf o’r staff academaidd hefyd Gymrodoriaethau gyda’r Academi Addysg Uwch.  

Modiwlau Dechrau medi - 2026

Noder: Y modiwlau a restrir isod yw'r modiwlau y bwriedir eu cyflwyno ar hyn o bryd yn ystod y flwyddyn academaidd nesaf ac mae'n bosibl y gallant newid. Maent wedi'u cynnwys yma i roi syniad o strwythur y cwrs.

Gyrfaoedd

Pa gyfleoedd sydd ar gael i mi?

Mae llawer o'n graddedigion wedi dod o hyd i lwybrau gyrfa sy'n cynnwys:

  • Cyfryngau darlledu
  • Rheolwyr llawr;
  • Gweithredwyr camera;
  • Cynhyrchwyr a chyfarwyddwyr;
  • Marchnata;
  • Cynllunio yn y Cyfryngau;
  • Addysg;
  • Cysylltiadau Cyhoeddus.

Beth fydda i’n ei gael o fy ngradd?

Mae cyflogadwyedd wrth wraidd ein haddysgu. Rydym yn annog ein myfyrwyr drwy wneud y canlynol:

  • Gwahodd siaradwyr gwadd i'n campws;
  • Trefnu cyfleoedd profiad gwaith gyda'r BBC, Fiction Factory a Boom Pictures;

Ar ôl cwblhau'r radd hon, bydd ein myfyrwyr yn:

  • Gyfathrebwyr effeithiol;
  • Yn gallu gweithio'n annibynnol ac yn aelod o dîm;
  • Yn brofiadol wrth ddefnyddio offer diwydiannol megis stiwdio deledu ddigidol 3 chamera diffiniad uchel, dros 40 o gamerâu fideo digidol diffiniad uchel a chyfleusterau taflunio digidol a fideo.

 Pa gyfleoedd profiad gwaith a geir wrth astudio? 

Cliciwch yma i ddysgu am y gwahanol gyfleoedd y mae tîm Gyrfaoedd Prifysgol Aberystwyth yn eu cynnig. 

Gallwch wella'ch cyfleoedd cyflogaeth gyda GO Wales a BMG (y cynllun Blwyddyn mewn Gwaith) a reolir gan ein hadran Gyrfaoedd.  

Dysgu ac Addysgu

Beth fydda i’n ei ddysgu?

Bydd yr wybodaeth isod yn rhoi darlun i chi o'r hyn y gallech fod yn ei astudio yn ystod y cynllun gradd tair blynedd.

Yn eich blwyddyn gyntaf, mae’n bosibl y byddwch yn ystyried:

  • Y berthynas rhwng ffurfiau’r cyfryngau, sefydliadau'r cyfryngau a chymdeithas;
  • Amrywiaeth o dechnegau ar gyfer ysgrifennu a darllen ffuglen a barddoniaeth;
  • Dulliau o ysgrifennu disgrifiadol sy'n cynnwys pwysigrwydd plot, defnyddio deialog;
  • Barddoniaeth, rhyddiaith, drama, Llenyddiaeth Americanaidd, addasiadau, llenyddiaeth glasurol, ysgrifennu cyfoes, testunau cyfryngol a llawer mwy.
  • Y cysylltiadau rhwng damcaniaethau sefydledig ym maes y cyfryngau ac ymagweddau cyfoes tuag at y cyfryngau newydd;
  • Y cysylltiadau rhwng trafodaethau clasurol a chyfoes ym maes cyfathrebu;
  • Yr ymchwil sy'n ymwneud â ffyrdd o gyfathrebu rhwng y radio, y wasg, hysbysebu, technolegau ffonau symudol a'r rhyngrwyd;
  • Cysyniadau a thechnegau allweddol ar gyfer cynhyrchu cyfryngau, cyfarwyddo, sinematograffeg, golygu.

Yn eich ail flwyddyn, mae’n bosibl y byddwch yn ystyried:

  • Hanes, traddodiadau a rolau penodol i bob cyfrwng;
  • Ymagweddau damcaniaethol tuag at feirniadaeth lenyddol, ac arfer beirniadaeth lenyddol;
  • Eich arddull ysgrifennu eich hun a fydd yn seiliedig ar eich darllen a'ch ymchwil;
  • Cynhyrchu ar gyfer y teledu;
  • Hanes teledu;
  • Amrywiaeth o ffyrdd a dulliau damcaniaethol o ddadansoddi testun;
  • Cynhyrchu cyfryngau arbrofol;
  • Dylunio gwefan;
  • Technolegau gwyliadwriaeth;
  • Newyddiaduraeth;
  • Hysbysebu;
  • Ysgrifennu sgriptiau.

Yn eich blwyddyn olaf fe allech gael cyfle i wneud y canlynol:

  • Cynhyrchu, cyfarwyddo, a golygu fideo byr a allai fod yn arbrofol, yn ddogfennol neu'n ffuglen naratif;
  • Astudio theori ar gyfer awduron a chymhwyso safbwyntiau damcaniaethol, cynhyrchu eich gwaith creadigol eich hun a’i werthuso’n feirniadol
  • Gwaith ysgrifennu ac ymchwil annibynnol estynedig yn eich prosiect traethawd hir yn y flwyddyn olaf (ar bwnc a ddewisir ac a ddiffinnir gennych chi)
  • Eich arbenigeddau eich hun wedi’u dewis o blith ystod amrywiol o fodiwlau dewisol a ddysgir gan ymchwilwyr yn y meysydd hynny. Mae ein modiwlau dewisol yn cynnwys pynciau megis drama yn oes Elizabeth, y stori ysbryd, ffuglen cwiar, ysgrifennu i blant, Rhamantiaeth, a llawer mwy.    
  • Yn ystod eich blwyddyn olaf cewch gyfle i gymryd rhan mewn encil ysgrifennu mewn tŷ gwledig yng nghanolbarth Cymru - cyfle anhygoel i dreulio amser gyda chyd-fyfyrwyr a staff, gan ddatblygu eich prosiectau a'ch traethodau hir, mewn lleoliad gwledig prydferth.
  • Bydd y gwaith gorau yn cael ei gyflwyno ar gyfer Gwobrau Fideo Myfyrwyr y Gymdeithas Deledu Frenhinol.

Sut fydda i'n cael fy nysgu?

Addysgir ein rhaglen drwy weithdy-ddarlithoedd, gan ganiatáu ar gyfer rhyngweithio ardderchog a chyfranogiad gweithredol. Yn ogystal, rydym yn darparu'r rhaglen hon ar ffurf seminarau, gwaith prosiect mewn grwpiau, dangosiadau ac arddangosiadau technegol.

Cewch eich asesu drwy:

  • Cynyrchiadau wedi'u cynllunio ar y cyd;
  • Prosiectau ffilm a fideo unigol;
  • Prosiectau ymchwil;
  • Dadansoddiadau ymarferol;
  • Dyddiaduron cynhyrchu;
  • Sgriptio creadigol;
  • Traethodau ffurfiol;
  • ⁠Arholiadau.

Rhagor o Wybodaeth

Bydd tiwtor personol yn cael ei neilltuo i chi ar gyfer holl gyfnod eich cwrs gradd, a fydd yn eich helpu ag unrhyw broblemau neu ymholiadau, boed yn academaidd neu’n bersonol. Mae croeso i chi gysylltu â nhw ar unrhyw adeg am gymorth a chyngor.

Byddwch hefyd yn cael cyfle i wneud Cynllun Datblygu Personol (CDP) yn Aberystwyth. Mae hon yn broses strwythuredig o hunanwerthuso, myfyrio, a chynllunio, a fydd yn eich galluogi i olrhain trywydd eich datblygiad personol, academaidd a phroffesiynol drwy gydol eich cyfnod yn y brifysgol. Drwy gofnodi eich perfformiad academaidd, ac amlygu'r sgiliau sydd gennych eisoes a'r rhai y bydd eu hangen ar gyfer cyflogaeth yn y dyfodol, bydd y portffolio CDP yn rhoi'r medrau angenrheidiol i chi allu cynllunio'n effeithiol, datblygu dulliau astudio llwyddiannus, ac ystyried eich dewisiadau gyrfaol a'ch dyheadau ar gyfer y dyfodol.

Gofynion Mynediad Nodweddiadol

Tariff UCAS 120 - 96

Safon Uwch BBB-CCC

Gofynion TGAU (o leiaf gradd C/4):
English or Welsh

Diploma Cenedlaethol BTEC:
DDM-MMM

Bagloriaeth Ryngwladol:
30-26

Bagloriaeth Ewropeaidd:
75%-65% overall

Mae'r Brifysgol yn croesawu ceisiadau israddedig gan fyfyrwyr sy'n astudio'r Diploma Mynediad i Addysg Uwch neu gymwysterau lefel T, ar yr amod eu bod yn cyflawni'r canlyniadau perthnasol o ran cynnwys y pwnc a'r dysgu. Ni allwn dderbyn Diplomâu Mynediad i Addysg Uwch na lefelau T fel cymhwyster cyffredinol ar gyfer pob cwrs gradd israddedig.
Mae ein polisi derbyn cynhwysol yn rhoi gwerth ar ehangder yn ogystal â dyfnder yr astudio. Dewisir ymgeiswyr ar sail eu teilyngdod eu hunain a gall cynigion amrywio. Os hoffech wirio a yw eich cymwysterau yn gymwys cyn cyflwyno cais, cysylltwch â'r Swyddfa Derbyn Israddedigion am gyngor ac arweiniad.

Yn ôl i'r brig

|