BA

Hanes Modern a Chyfoes

Prif Ffeithiau

V191

  • Tariff UCAS

    120 - 96

  • Hyd y cwrs

    3 blynedd

  • Cyfrwng Cymraeg

    67%

Ar gael ar gyfer Dechrau Medi 2025

Manylion pellach ynglŷn â'r gofynion mynediad

Ymgeisio Nawr

Mae'r radd Hanes Modern a Chyfoes ym Mhrifysgol Aberystwyth yn ymdrin â chyfnod y Chwyldro Ffrengig hyd heddiw. Mae'n archwilio cyfnod nodedig am gyfranogiad torfol, boed hynny mewn gwleidyddiaeth, rhyfel, neu ddiwylliant. Mae'n amlygu gwrthgyferbyniadau moderniaeth - sydd wedi'i nodweddu gan arbrofion iwtopaidd a'u canlyniadau sy'n aml yn hunllefus, gan y proclamasiwn hawliau dynol, hil-laddiad a glanhau ethnig, a gan addewid o resymeg, gwyddoniaeth a thechnoleg.

Wrth ddewis astudio'r cynllun gradd hwn, byddwch yn gallu manteisio ar ystod eang yr arbenigedd ymysg ein haneswyr modern sy'n ymdrin â hanes byd-eang. Cewch y cyfle i ddysgu am effaith y ddau ryfel byd, imperialaeth, dad-drefedigaethu, taith Asia drwy'r cyfnod modern, a'r newidiadau mawr a fu i fywyd a chymdeithas yn y gorffennol agos.

Trosolwg o'r Cwrs

Pam astudio Hanes Modern a Chyfoes ym Mhrifysgol Aberystwyth?

  • Mae Hanes yn cael ei addysgu yn Aberystwyth ers 1872, felly mae'r adran yn un o'r rhai hynaf yng Nghymru, ac ymhlith y mwyaf blaenllaw ym Mhrydain.
  • Mae ein haddysgu yn arloesol, wedi'i seilio ar ymchwil, ac wedi'i gynllunio i ddatblygu'ch sgiliau trosglwyddadwy mewn meysydd megis dadansoddi, dehongli a chyfathrebu, a fydd yn eich paratoi ar gyfer ystod eang o yrfaoedd.
  • Byddwch yn cael eich dysgu gan arbenigwyr sy'n arbenigo ar draws ystod eang o bynciau'n ymwneud â hanes modern a chyfoes, o ymfudo Asiaidd yn y byd modern a'r Cyfryngau a Chymdeithas ym Mhrydain yr ugeinfed ganrif, i weriniaeth Weimar yr Almaen a'r Trydydd Reich.
  • Yn fyfyriwr Hanes yn Aberystwyth, gallwch wneud defnydd llawn o'r Llyfrgell Genedlaethol, un o bum llyfrgell hawlfraint y DU ac ystorfa archifau fwyaf blaenllaw Cymru.
  • Fel rhan o'ch gradd, bydd gennych gyfle i astudio dramor mewn prifysgol bartner, i gyflawni lleoliadau gwaith yn y sector Treftadaeth, ac i gynllunio ar gyfer eich gyrfa yn y dyfodol.
Ein Staff

Mae staff yr Adran Hanes a Hanes Cymru yn ymchwilwyr gweithgar ac yn arbenigwyr yn eu meysydd Hanes. Mae’r mwyafrif wedi cymhwyso gyda PhD ac mae ganddynt TUAAU hefyd. I ganfod mwy am ein staff, ewch i’n tudalen staff yr adran.

Modiwlau Dechrau Medi - 2025

Noder: Y modiwlau a restrir isod yw'r modiwlau y bwriedir eu cyflwyno ar hyn o bryd yn ystod y flwyddyn academaidd nesaf ac mae'n bosibl y gallant newid. Maent wedi'u cynnwys yma i roi syniad o strwythur y cwrs.

Modiwlau Craidd

Teitl y Modiwl Cod y Modiwl Gwerth Credyd
Dissertation HY30340 40

Opsiynau

Teitl y Modiwl Cod y Modiwl Gwerth Credyd
African-American History, 1808 to the Present HY38820 20
Cathedrals in Medieval England and Wales Part 1 HQ33320 20
Cathedrals in Medieval England and Wales Part 2 HQ33420 20
Crime, Riot and Morality in Wales 1750-1850 WH33420 20
Cymru a Brenhinoedd Prydain: Gwrthdaro, Grym a Hunaniaeth yn Ynysoedd Prydain, 1039-1417 HC30120 20
From Burma to Myanmar (Part I): colonial Burma under British rule (1824-1941) HQ39220 20
From Burma to Myanmar (Part II): Challenges for a young nation state since 1942 HQ39320 20
Germany since 1945 HY39620 20
Gwrthryfel Glyndŵr 1: Hynt a Helynt y Gwrthryfel HP33120 20
Gwrthryfel Glyndŵr 2: Cwestiynau Allweddol HP33220 20
Magic in the Middle Ages: From Antiquity to the Eve of the Witch Craze HY35920 20
Media and Society in Twentieth Century Britain HY37520 20
Rhyfel Cartref America HA36820 20
Science, Religion and Magic HY38620 20
Southeast Asia at the crossroads (c. 1400 to the present) HY39920 20
Stori yr Unol Daleithiau ar Ffilm a Theledu, 1865-2008 HA38120 20
The Atlantic World, 1492-1825 HY39720 20
The English Reformation, 1520-58: Revolution and Counter Revolution HQ35020 20
The English Reformation, 1558-1648: Consolidation and Conflict HQ35620 20
The Invisible Empires: The First Ku Klux Klan and American Society, 1865-1915 HQ39620 20
The Invisible Empires: The Second Ku Klux Klan and American Society, 1915-1944 HQ39720 20
The Making of Europe: Christendom and beyond, c. 1000-1300 HY35720 20
The Tudors: A European Dynasty? HY30920 20
Trosedd, Terfysg a Moesoldeb yng Nghymru 1750-1850 HC33420 20

Gyrfaoedd

Pa ragolygon gyrfa sydd i raddedigion Hanes Modern a Chyfoes?

Mae ein graddedigion wedi bod yn llwyddiannus yn sicrhau swyddi mewn llawer o wahanol feysydd, gan gynnwys:

  • addysg
  • y gyfraith
  • archifo
  • cyhoeddi
  • gwleidyddiaeth
  • y Gwasanaeth Sifil
  • y cyfryngau
  • y lluoedd arfog
  • entrepreneuriaeth.

Fel adran, rydym yn falch iawn o'n cynfyfyrwyr nodedig ac uchel eu parch:

  • Dr Tim Brain, cyn Brif Gwnstabl Swydd Gaerloyw
  • Guto Bebb, Aelod Seneddol
  • Dr Joanne Cayford, BBC 
  • Berwyn Davies, Pennaeth Swyddfa Addysg Uwch Cymru, Brwsel
  • Iwan Griffiths, gohebydd chwaraeon S4C.

Lleoliadau gwaith i fyfyrwyr yn y sector treftadaeth

Mae gan ein hadran gysylltiadau cryf gyda'r sector treftadaeth, a phortffolio sefydledig o leoliadau myfyrwyr. Yn y gorffennol, mae myfyrwyr wedi treulio hyd at dair wythnos yn y Llyfrgell Genedlaethol (gan gynnwys cyfleoedd drwy gyfrwng y Gymraeg), Comisiwn Brenhinol Henebion Cymru, a Chymdeithas Hynafiaethwyr Llundain. Mae'r lleoliadau hyn yn rhoi cyfle i gael profiad ymarferol a chipolwg o'r sector treftadaeth, ac maent yn werthfawr iawn ar gyfer y CV!

Cyfleoedd rhyngwladol

Mae Prifysgol Aberystwyth yn cynnig cyfle oes i chi astudio, gwirfoddoli neu weithio mewn gwlad arall, am flwyddyn academaidd, semester sengl neu ychydig wythnosau yn y gwyliau. Archwiliwch ddiwylliannau eraill, heriwch eich hun a chasglwch brofiadau a fydd yn helpu gyda'ch gyrfa. Gall yr amser a dreulir yn archwilio gwlad a diwylliant newydd hogi'ch sgiliau rhyngbersonol, gwella'ch gallu iaith, ac ehangu eich meddylfryd rhyngwladol. Canfod ble gallwch chi fynd.

Sgyrsiau graddedig a mentora gan gyn-fyfyrwyr

Mae’r cynllun e-Fentora yn gyfle i chi gysylltu â chyn-fyfyrwyr o amrywiaeth o yrfaoedd, a hynny mewn amgylchedd diogel a chefnogol. Bydd hyn yn rhoi’r cyfle ichi ganfod beth oedd eu llwybr nhw i’w swyddi presennol a pha wybodaeth y gallant ei rhannu wrth i chi feddwl am eich camau nesaf. Mae’r Adran Hanes a Hanes Cymru’n cydweithio â’r Gwasanaeth Gyrfaoedd gyda’r bwriad o drefnu sgyrsiau gan gyn-fyfyrwyr ar wahanol adegau yn eu gyrfaoedd, megis y sgwrs lwyddiannus: ‘O’r brifysgol i yrfa ym maes treftadaeth ddiwylliannol: y camau cyntaf’, a gyflwynwyd gan un o’n graddedigion diweddar a lwyddodd i gael lle ar raglen uchel ei bri i hyfforddai yn Oriel y Tate.

Pa gyfleoedd sydd ar gael i wneud profiad gwaith wrth astudio? 

Cliciwch yma i ddysgu am y gwahanol gyfleoedd y mae tîm Gyrfaoedd Prifysgol Aberystwyth yn eu cynnig.

Gwella'ch cyfleoedd cyflogaeth gyda GO Wales a BMG (y cynllun Blwyddyn mewn Gwaith) sy'n cael eu rheoli gan ein hadran Gyrfaoedd. 

Dysgu ac Addysgu

Beth fydda i'n ei ddysgu?

Bydd y crynodeb isod yn rhoi darlun o'r hyn y gallech ei astudio yn ystod y cynllun gradd tair blynedd.

Yn ystod eich blwyddyn gyntaf, gallech ddarganfod:

  • sgiliau hanesyddol a chysyniadau newydd
  • dulliau a chyfnodau newydd
  • hanes Rwsia
  • Prydain a'r Rhyfel Byd Cyntaf
  • gweithiau hanesyddol diweddar cyffrous
  • ein dewis o fodiwlau eraill sy'n adlewyrchu ystod gronolegol a thematig eang.

Yn ystod yr ail flwyddyn, gallech archwilio:

  • y dull hanesyddol, sy'n archwilio'r newidiadau yn ystyr hanes, ei ddulliau, a'r ffordd o'i gofnodi drwy'r oesoedd
  • trosedd, terfysg a moesoldeb yng Nghymru (1750-1850)
  • diwylliant a chymdeithas oes Fictoria
  • cipolwg ar grefft yr hanesydd
  • pynciau a chyfnodau gwahanol o'n rhestr gynhwysfawr o fodiwlau.

Yn ystod eich trydedd flwyddyn, gallech astudio:

  • pwnc arbennig sy'n eich galluogi i wneud ymchwil ddwys, gan ddefnyddio ffynonellau gwreiddiol sy'n eich galluogi i ddefnyddio sgiliau ymchwil sy'n hanfodol i hanesydd ymarferol
  • cymdeithas Prydain a'r chwyldro Ffrengig
  • Rwsia a Staliniaeth
  • yr Almaen a'r gyfundrefn Natsïaidd
  • Rhyfel Fietnam.

Sut bydda i'n cael fy addysgu?

Bydd y gwahanol ddulliau o ddysgu, addysgu ac asesu a ddefnyddir gan yr Adran Hanes a Hanes Cymru yn eich galluogi i ddatblygu sgiliau cyflwyno mewn grwpiau bach (seminarau ac asesiadau llafar), ysgrifennu ffurfiol (traethodau), ymchwil a datblygu syniadau'n ysgrifenedig (traethawd hir), a gweithio fel rhan o dîm (seminarau a chynadleddau i fyfyrwyr, fel Colocwiwm Canoloesol Gregynog). Mae'r Adran Hanes a Hanes Cymru hefyd yn cynnal tiwtorialau academaidd unigol ar gyfer yr holl fyfyrwyr – sy'n brin y tu allan i Rydychen a Chaergrawnt – ac mae ganddi system gefnogol o diwtoriaid personol. Drwy'r cyswllt un i un hwn, bydd modd i chi drafod gyrfaoedd posib, neu astudiaeth bellach efallai, gyda mentoriaid academaidd.

Tystiolaeth Myfyrwyr

Gydag ystod eang o fodiwlau i ddewis o'u plith, roedd modd i fi ddilyn y pethau ro'n i'n ymddiddori ynddyn nhw, a darganfod agweddau ar Hanes nad o'n i erioed wedi meddwl y byddai modd i fi edrych arnyn nhw. Roedd gallu astudio popeth, o'r chwyldro diwydiannol i bynciau unigryw, yn cynnig y math o brofiad wnaeth fy nenu i Aberystwyth, a chewch chi ddim o hynny yn unrhyw le arall!

John Samuel Hewish

Gofynion Mynediad Nodweddiadol

Tariff UCAS 120 - 96

Safon Uwch BBB-CCC

Gofynion TGAU (o leiaf gradd C/4):
Cymraeg neu Saesneg

Diploma Cenedlaethol BTEC:
DDM-MMM

Bagloriaeth Ryngwladol:
30-26

Bagloriaeth Ewropeaidd:
75%-65% overall

Mae'r Brifysgol yn croesawu ceisiadau israddedig gan fyfyrwyr sy'n astudio'r Diploma Mynediad i Addysg Uwch neu gymwysterau lefel T, ar yr amod eu bod yn cyflawni'r canlyniadau perthnasol o ran cynnwys y pwnc a'r dysgu. Ni allwn dderbyn Diplomâu Mynediad i Addysg Uwch na lefelau T fel cymhwyster cyffredinol ar gyfer pob cwrs gradd israddedig.
Mae ein polisi derbyn cynhwysol yn rhoi gwerth ar ehangder yn ogystal â dyfnder yr astudio. Dewisir ymgeiswyr ar sail eu teilyngdod eu hunain a gall cynigion amrywio. Os hoffech wirio a yw eich cymwysterau yn gymwys cyn cyflwyno cais, cysylltwch â'r Swyddfa Derbyn Israddedigion am gyngor ac arweiniad.

Yn ôl i'r brig

|