Ieithoedd Modern / Cysylltiadau Rhyngwladol

Pam astudio Ieithoedd Modern / Cysylltiadau Rhyngwladol ym Mhrifysgol Aberystwyth?

• Gallwch astudio eich dewis o ieithoedd o lefel ddechreuwyr neu uwch - dewiswch o blith Ffrangeg, Almaeneg, Sbaeneg ac Eidaleg. Bydd dechreuwyr yn astudio cwrs dwys yn y flwyddyn gyntaf.
• Byddwch yn derbyn pedair awr o ddosbarthiadau iaith a gramadeg bob wythnos. Mae’r Adran Ieithoedd Modern yn un gymharol fach a chlos, sy'n golygu y byddwch yn elwa o’n dull unigryw o ddatblygu iaith. Mae pob un o'r tiwtoriaid iaith yn siaradwyr brodorol neu'n arbenigwr yn yr iaith darged berthnasol.
• Bydd eich blwyddyn dramor yn cael ei threulio mewn gwlad sy'n gysylltiedig â'ch iaith ddewisol. Gallwch ddewis astudio yn un o'n prifysgolion partner, ymgymryd â lleoliad gwaith â thâl neu ddi-dâl, neu gyfuniad o'r ddau.
• Fel myfyriwr yn yr Adran Gwleidyddiaeth Ryngwladol, byddwch yn astudio yn adran wleidyddiaeth ryngwladol gyntaf y byd, a sefydlwyd ym 1919 ar ôl diwedd y Rhyfel Byd Cyntaf i helpu'r byd i ddeall y byd.
• Mae'r Adran Gwleidyddiaeth Ryngwladol yn darparu llawer o gyfleoedd i gymryd rhan mewn gweithgareddau allgyrsiol yn ystod y cwrs. Uchafbwynt y cwrs i nifer o fyfyrwyr yw’r 'Gemau Argyfwng' enwog - ymarfer chwarae rôl i efelychu symudiadau mewn cylchoedd gwleidyddol, economaidd a diplomyddol, gan ddatblygu sgiliau negodi a chyfathrebu, meddwl yn feirniadol, gwaith tîm a datrys problemau.

Ein Staff

Mae pob un o ddarlithwyr yr Adran Gwleidyddiaeth Ryngwladol yn ymchwilwyr gweithgar ac mae ganddynt gymwysterau hyd at safon PhD, ac mae gan y rhan fwyaf hefyd TUAAU.

Mae gan bob un o ddarlithwyr yr Adran Ieithoedd Modern gymwysterau hyd at safon PhD ac maent yn gwneud gwaith ymchwil. Rydym hefyd yn cyflogi tiwtoriaid iaith, rhai ohonynt â gradd PhD, a phob un yn addysgwyr profiadol. O bryd i'w gilydd, cyflogwn siaradwyr brodorol o brifysgolion sy'n bartneriaid i ni dramor (lectoriaid), sy'n dod atom â chymeradwyaeth uchel ar sail eu llwyddiant academaidd yn eu prifysgolion eu hunain, ac mae sawl un ohonynt wedi hyfforddi fel addysgwyr. 

Mae ein graddau’n darparu sylfaen gadarn i amrywiaeth fawr o yrfaoedd ar draws ystod o sectorau. Mae ein graddedigion yn hyblyg ac yn gallu dibynnu ar set o sgiliau trosglwyddadwy mewn economi fyd-eang sy’n newid yn gyflym, sy’n sicrhau bod galw mawr amdanynt. 

Mae ein graddedigion wedi cael gwaith yn y meysydd canlynol: 

• y sector datblygu 
• gwleidyddiaeth leol a chenedlaethol 
• y Gwasanaeth Sifil 
• ymchwil ar ran y Llywodraeth 
• ymchwil cymdeithasol 
• y trydydd sector, e.e. cyrff anllywodraethol 
• sefydliadau rhyngwladol 
• newyddiaduriaeth
• addsyg.

Sgiliau Trosglwyddadwy

Bydd astudio ar gyfer gradd mewn Ieithoedd Modern / Gwleidyddiaeth Ryngwladol yn rhoi ystod o sgiliau trosglwyddadwy i chi y mae cyflogwyr yn chwilio amdanynt. Mae'r rhain yn cynnwys:

• y gallu i fynegi syniadau a chyfleu gwybodaeth mewn modd clir a threfnus, yn ysgrifenedig ac ar lafar
• sgiliau meddwl yn greadigol a datrys problemau’n effeithiol
• y gallu i weithio'n annibynnol
• sgiliau rheoli amser a threfnu, gan gynnwys y gallu i weithio yn unol â therfynau amser
• hunanddibyniaeth a'r gallu i’ch ysgogi eich hun
• gweithio mewn tîm a'r gallu i drafod cysyniadau mewn grwpiau, a rhoi lle i syniadau gwahanol a dod i gytundeb
• sgiliau ymchwil.

Mae cyflogadwyedd wedi’i wreiddio ym mhob elfen o’n dysgu.

• Mae gan yr Adran Gwleidyddiaeth Ryngwladol gynllun uchel ei barch, Cynllun Lleoliadau Seneddol, sy'n golygu y gallwch gael profiad gwaith gwerthfawr yn gweithio gydag Aelod Seneddol (Tŷ'r Cyffredin, San Steffan) neu Aelod o’r Senedd (Senedd Cymru, Caerdydd) am gyfnodau rhwng 4 a 6 wythnos yn ystod yr haf. Yn ystod yr amser hwnnw, byddwch yn ysgrifennu adroddiadau ac areithiau, yn gwneud prosiectau ymchwil ac yn ymateb i faterion sy'n codi yn yr etholaeth. Efallai y bydd cyfleoedd pellach i chi gymryd rhan mewn etholiadau ac amryw faterion rhyngwladol.
• Mae'r Adran Gwleidyddiaeth Ryngwladol hefyd yn gartref i Interstate, sef y cyfnodolyn gwleidyddiaeth ryngwladol hynaf ym Mhrydain i gael ei redeg gan fyfyrwyr, sy'n rhoi cyfle unigryw i chi i gyhoeddi'ch gwaith (sydd yn enwedig o fanteisiol os hoffech fynd ymlaen i astudiaethau uwchraddedig) neu i gael profiad gwerthfawr o weithio fel rhan o'r tîm golygyddol. Mae cymdeithasau myfyrwyr yn cynnig ysbrydoliaeth ac yn meithrin ymdeimlad cymunedol cryf yn yr adran, gyda rhaglenni o ddadleuon gwleidyddol, siaradwyr gwadd, cynadleddau a gweithdai, ynghyd â llawer o weithgareddau cymdeithasol megis y ddawns flynyddol.

Pa gyfleoedd sydd ar gael am brofiad gwaith wrth astudio? 

Dysgwch am y gwahanol gyfleoedd sy'n cael eu cynnig gan y Gwasanaeth Gyrfaoedd a sut y gallwch chi wella'ch cyfleoedd cyflogaeth gyda Cynllun Blwyddyn mewn Gwaith (BMG).