Bioleg Planhigion

Pam astudio Bioleg Planhigion ym Mhrifysgol Aberystwyth? 

• Dewch i ddysgu a byw mewn amgylchedd eithriadol lle byddwch wedi'ch amgylchynu gan amrywiaeth eang o amgylcheddau prydferth, gan gynnwys y môr, rhostir, mynyddoedd, dyfrffyrdd, glaswelltir ac arfordir.
• Gallwch ymchwilio i feysydd megis ffisioleg planhigion, geneteg, agronomeg, gwyddor cnydau, ecoleg, diogelu'r cyflenwad bwyd ac effeithiau newid hinsawdd byd-eang.
• Byddwch yn cael hyfforddiant arbenigol mewn sgiliau maes a labordy.
• Byddwch yn cael eich addysgu gan arbenigwyr adnabyddus sy'n arwain yn y maes.
• Cewch ddefnyddio'r Uned Gwasanaethau Biolegol, Sbectromedr Màs, Uned Ddadansoddol, labordy Modelu, y labordy Biolegol Cyfrifiadol, Labordy Microsgopeg Uwch a Bioddelweddu.

Ein Staff

Mae gan y rhan fwyaf o staff dysgu Adran Gwyddorau Bywyd gymwysterau hyd at safon PhD ac maent yn ymchwilwyr gweithgar. Hefyd, mae gan staff y cyrsiau galwedigaethol gefndir ym myd diwydiant. Mae yn yr Adran nifer fawr o staff sy'n gwneud ymchwil yn unig ac mae'n bosib y bydd y myfyrwyr yn dod i gysylltiad â hwy.

Beth mae ein graddedigion yn ei wneud erbyn hyn?

Gall myfyrwyr ddilyn gyrfaoedd yn y meysydd canlynol:

• Cynhyrchu Garddwriaethol / Amaethyddol;
• Arolygu cynefinoedd a Chadwraeth;
• Addysg ac ymgysylltu â'r cyhoedd;
• Bridio planhigion;
• Biotechnoleg Planhigion;
• Ymgynghorwyr;
• Ymchwil planhigion – swydd raddedig;
• Ymchwil PhD.

Ar ôl graddio, mae ein myfyrwyr mewn sefyllfa ddelfrydol i anelu at gyflogaeth gyda'r sefydliadau canlynol:

• Sefydliad Botaneg Amaethyddol Cenedlaethol;
• Asiantaeth yr Amgylchedd;
• Cyfoeth Naturiol Cymru;
• Yr Ymddiriedolaeth Genedlaethol;
• Parciau Cenedlaethol;
• Gerddi Botaneg (e.e. Gardd Fotaneg Genedlaethol Cymru, Kew);
• Y Comisiwn Coedwigaeth;
• Cwmnïau bridio planhigion;
• Cwmnïau biotechnoleg;
• Sefydliadau Bwyd-Amaeth.

Pa sgiliau y byddaf yn eu hennill wrth astudio Bioleg Planhigion?

Mae cyflogadwyedd wedi'i wreiddio yn ein holl addysgu. Mae ein myfyrwyr yn gadael Prifysgol Aberystwyth gyda'r sgiliau canlynol:

• sgiliau ymchwil a dadansoddi data;
• sgiliau mathemategol a chyfrifiadol uwch;
• sgiliau datrys problemau a meddwl creadigol effeithiol;
• sylfaen drylwyr mewn sgiliau technoleg gwybodaeth;
• y gallu i weithio'n annibynnol;
• sgiliau trefnu a rheoli amser, gan gynnwys y gallu i weithio i derfynau amser;
• y gallu i fynegi syniadau a chyfleu gwybodaeth mewn modd clir a threfnus, yn ysgrifenedig ac ar lafar;
• hunanddibyniaeth a'r gallu i ysgogi eu hunain;
• y gallu i weithio mewn tîm a thrafod cysyniadau mewn grwpiau, a rhoi lle i syniadau gwahanol a dod i gytundeb.

Pa gyfleoedd sydd ar gael am brofiad gwaith wrth astudio? 

Cliciwch yma i ddysgu am y gwahanol gyfleoedd y mae tîm Gyrfaoedd Prifysgol Aberystwyth yn eu cynnig. 

Gallwch wella'ch cyfleoedd cyflogaeth gyda GO Wales a BMG (y cynllun Blwyddyn mewn Gwaith) sy'n cael eu rheoli gan ein hadran Gyrfaoedd. 

Mae'r cwrs yn wych, rwy'n cael astudio ystod eang o bynciau sy'n fy ngalluogi i i deilwra fy modiwlau i'm chwaeth fy hun, a sicrhau bod fy nghwrs gradd yn cyd-fynd â'm diddordebau a'm hanghenion. Elizabeth Smith

Mae'r cwrs yn eang iawn ac mae'n darparu ar gyfer diddordebau unrhyw un sy'n dymuno astudio bioleg. Mae'r modiwlau yn yr ail flwyddyn yn eich galluogi i arbenigo mewn meysydd pwnc y mae gennych ddiddordeb ynddynt. Mae hyblygrwydd y cynllun gradd yn ddeniadol iawn i ddarpar fyfyrwyr nad ydyn nhw'n siŵr eto ble mae eu gwir ddiddordebau. Mae'r elfennau ymarferol yn amrywiol ac wedi'u gwasgaru'n dda dros y flwyddyn academaidd ac yn atgyfnerthu'r deunydd darlithio. Jodie Ackland