Seicoleg a Chymdeithaseg

Pam astudio Seicoleg a Chymdeithaseg?  

Mae sgiliau i’r gweithle yn ganolog i’n holl gynlluniau gradd, ac maent wedi'u hachredu gan Gymdeithas Seicolegol Prydain - mae hyn yn berffaith i raddedigion sydd am gychwyn ar yrfa neu ddilyn hyfforddiant uwchraddedig. 

Mae gan yr Adran Seicoleg gyfleusterau addysgu ac ymchwil rhagorol sy'n benodol i'ch cwrs. Mae ein labordai a'n mannau ymchwil penodol yn darparu amryw adnoddau ac offer i chi eu defnyddio. Mae'r adnoddau hyn yn eich galluogi i ddatblygu’ch diddordebau, a datrys problemau mewn modd creadigol wrth i chi symud ymlaen tuag at eich gradd. 

Bydd elfennau Seicoleg a Chymdeithaseg y radd hon yn eich galluogi i:  

• allu gwerthuso syniadau, cysyniadau a dulliau yn feirniadol ar draws y pwnc cyfan ac o fewn canghennau penodol Seicoleg a Chymdeithaseg  
• gallu cynnal ymchwil annibynnol, gan gymhwyso ystod o sgiliau o ran casglu, dadansoddi a chyflwyno data; byddwch yn datblygu ystod o sgiliau ac yn gallu eu cymhwyso i amrywiaeth o faterion Seicolegol a Chymdeithasegol 
• gallu cydnabod bod eich profiad dysgu wedi cael ei atgyfnerthu'n gadarnhaol drwy ymwneud ag ymchwil; 
• gallu gwerthuso eich perfformiad eich hun mewn amrywiaeth o gyd-destunau dysgu ac o dan wahanol ddulliau asesu 
• gallu gweithio'n annibynnol, mewn tîm a chydag ymwybyddiaeth gymdeithasol o'r cyfraniad a wnaed gan ysgolheictod ac ymchwil gymhwysol yn eu disgyblaeth at bolisi seicolegol a/neu gymdeithasol 
• meddu ar y sgiliau a'r ymwybyddiaeth angenrheidiol i chwilio am waith mewn amrywiaeth o yrfaoedd proffesiynol neu i ddechrau ymchwil ac astudiaethau ôl-raddedig. 

Ein Staff

Mae holl staff dysgu'r Adran Seicoleg yn gwneud gwaith ymchwil ac mae gan bob un o’r staff parhaol gymwysterau hyd at safon PhD, ac mae gan y rhan fwyaf TUAAU neu maent yn gymrodyr/cymrodyr uwch o'r academi addysg uwch. Mae gan dros hanner y staff hefyd gymhwyster CPsychol, sy'n dynodi safon uchaf y Gymdeithas Seicoleg Brydeinig o ran gwybodaeth ac arbenigedd mewn seicoleg.

Yr Adran Daearyddiaeth a Gwyddorau Daear: mae gan bob un o'r darlithwyr gymhwyster hyd at safon PhD neu maent yn gweithio tuag at PhD.

Mae astudio Seicoleg a Chymdeithaseg yn sylfaen gadarn ar gyfer ystod eang o yrfaoedd gan gynnwys y cyfryngau, gwaith cymdeithasol, datblygiad rhyngwladol, cyswllt cymunedol, a'r gwasanaeth sifil ymhlith llawer mwy. 

 Y dyddiau hyn, mae cyflogwyr yn chwilio am raddedigion a chanddynt sgiliau amrywiol, yn cynnwys y gallu i feddwl yn ddadansoddol ac yn ddargyfeiriol. Mae ein gradd Seicoleg a Chymdeithaseg yn rhoi ichi amrywiaeth o sgiliau hyblyg, a dyna pam mae graddedigion Cymdeithaseg yn apelio at gyflogwyr yn genedlaethol. 

 Mae graddedigion Seicoleg a Chymdeithaseg wedi symud ymlaen i feysydd: 

•  Troseddeg, yr Heddlu 
• Iechyd a Gofal Cymdeithasol 
• Gwaith cymdeithasol 
• Polisi Cymdeithasol (gan gynnwys tai cyhoeddus, gwaith cymdeithasol, gweinyddiaeth llywodraeth leol a'r sector gwirfoddol) 
• Rheolaeth 
• Newyddiaduraeth 
• Cysylltiadau Cyhoeddus
• Dysgu 
• ⁠Ymchwil