Seicoleg (gyda blwyddyn integredig mewn diwydiant)

Ein hethos yw addysgu mewn ffordd sy’n eich galluogi i ddatblygu gwybodaeth gysyniadol a damcaniaethol i ddatrys problemau mewn senarios byd real. Yn ystod y cwrs pedair blynedd, byddwch yn archwilio ac yn dysgu am ddatblygiad dynol a chymhlethdod yr hyn sy’n gwneud i ni fodau dynol weithio a sut rydym ni’n llywio drwy’r amgylchedd mewnol ac allanol cymhleth yn ogystal â mecaneg ac effeithiau’r hyn sy’n digwydd pan fydd y systemau hyn yn peidio â gweithio’n dda.

Y drydedd flwyddyn yw’r flwyddyn ar leoliad mewn diwydiant lle caiff myfyrwyr gyfle i ddod o hyd i brofiad gwaith mewn sefydliad sy’n cyd-fynd yn agos â’r cwrs a’u diddordebau. Gall y lleoliadau fod yn rhai â thal neu heb dâl. Rydym yn cefnogi ein myfyrwyr i ddod o hyd i leoliad profiad gwaith addas.

Yn Aberystwyth, rydym ni’n cynnig ystod eang o fodiwlau sy’n gadael i chi fynd ar drywydd amrywiol agweddau ar Seicoleg. Gall myfyrwyr ar ein gradd Seicoleg fanteisio ar offer ymchwil cyffrous i ddeall gweithgaredd yr ymennydd a gwybyddol yn ogystal ag offer mesuriadau ymddygiadol.

Bydd ein gradd Seicoleg yn rhoi sylfaen eang i chi mewn seicoleg sy’n eich galluogi i deilwra eich diddordebau ynghyd â llwyfan cadarn ar gyfer amrywiol gyfleoedd gyrfa.

Bydd myfyrwyr ar y cwrs Seicoleg yn ymuno ag un o’r adrannau mwyaf yn y brifysgol. Mae’r Adran Seicoleg yn rheolaidd yn cael ei gosod ymhlith y 10 gorau yn y DU am foddhad myfyrwyr ac ansawdd yr addysgu. Mae’r Adran yn ymfalchïo yn lefel uchel y cymorth academaidd a bugeiliol a arweinir gan y tîm academaidd sy’n sicrhau eich bod yn llwyddo yn eich astudiaethau ac yn cael y profiad prifysgol gorau.

Bydd gradd Seicoleg o Brifysgol Aberystwyth yn agor amrywiaeth o yrfaoedd i chi. Bydd ein gradd BSc Seicoleg yn galluogi graddedigion i ddilyn gyrfa yn y proffesiynau seicolegol craidd gyda seicoleg glinigol, seicoleg addysgol, seicoleg cwnsela, seicoleg iechyd, niwro-wyddoniaeth, seicoleg datblygu ac ymddygiad cymhwysol yn eu plith.

Rydym ni wedi gwreiddio cyflogadwyedd drwy’r cwrs cyfan, ac mae gennym nifer fawr o gyfleoedd sy’n galluogi myfyrwyr i ddatblygu’r sgiliau trosglwyddadwy sydd eu hangen i lunio CV ar gyfer gyrfa mewn lleoliad seicoleg neu’r tu allan i seicoleg.

Mae graddedigion ar ein gradd BSc Seicoleg wedi dilyn gyrfaoedd mewn seicoleg glinigol ac addysg, gofal iechyd, adnoddau dynol a marchnata a chysylltiadau cyhoeddus. Bydd eich gradd Seicoleg yn sicrhau bod gennych y sgiliau mwyaf trosglwyddadwy y mae cyflogwyr yn eu dymuno, sy’n cynnwys: ymchwilio a dadansoddi data’n effeithiol; datrys problemau’n effeithiol; gallu gweithio’n annibynnol ac yn rhan o dîm; gallu cyfathrebu’n effeithiol ac yn gryno a sgiliau technoleg gwybodaeth.